San Lucas 18:20 - New Testament in Mixtec Diuxi-tilantongo

²⁰ Xa xini‑n ley n‑chidotnuni Moisés jaꞌan xa: “Maxku kava‑n xiꞌin ñadɨꞌɨ ñatu kuu ñadɨꞌɨ‑n. Maxku kaꞌni‑n ndɨyɨ. Maxku duꞌu‑n. Maxku jaꞌan vete‑n nuu juxtixia. Koo‑n xañuꞌu nuu tadɨꞌɨ‑n.”

San Lucas 18:20 Referans Kwoze

Romanos 13:9

Yodotnuni: “Maxku kava‑n xiꞌin ñadɨꞌɨ ñatu kuu ñadɨꞌɨ‑n. Maxku kaꞌni‑n ndɨyɨ. Maxku duꞌu‑n. Maxku kukajan ini‑n xaxii ñayiu.” Nux jandixa‑ro ley yaꞌa, ndaku koio‑ro xa jandixa koio‑ro dava ka ley Ianyuux: “Io xa juemani‑n ñanitnaꞌa‑n ná xemani‑n mee‑n.”

Efesios 6:2

Yodotnuni: “Koo koio‑n xañuꞌu nuu tadɨꞌɨ‑n.” N‑jaꞌan Ianyuux xa nux jandixa‑ro ley yaꞌa, kueꞌe xa kineꞌe‑ro. Xaꞌa kuu xijan: “Kani jɨꞌɨn‑ro ñuñayiu te kutuu vii kutuu vaꞌa‑ro.” Vuelta yaꞌa kuu vuelta kiꞌna nuu n‑jaꞌan‑ia xa nux jandixa‑ro ley‑ia, kueꞌe xa kineꞌe‑ro.

Colosenses 3:20

Ndoꞌo, sekuechi xiꞌin dichi kuechi xiꞌin solteru kuechi, io xa jandixa‑n ntdaa xa ka taꞌu tniu tadɨꞌɨ‑n chi tna ini Ianyuux, Ia kuu Xtoꞌo‑ro xijan.

Romanos 3:20

Ñadu xa ma kundido kutau ka‑ro kuechi‑ro kuu xa jandixa‑ro ley n‑chidotnuni Moisés chi xa kida ley n‑chidotnuni‑s kuu xa ka xini‑ro xa kuechi kuu ɨɨn xaloko ka kida‑ro.

San Lucas 18:19

Xiaꞌan Jesús: —¿Nakuenda jaꞌan‑n xa vaꞌa‑r? Ña yoo ñayiu vaꞌa. Mee ni Ianyuux vaꞌa.

San Lucas 18:21

Te xiaꞌan‑s: —Nde na luchi‑da jandixa‑da ntdantuꞌu xaꞌa.