San Lucas 12:37 - New Testament in Mixtec Diuxi-tilantongo

³⁷ Naka taꞌu kuu koio se ijan hora na naxee xtoꞌo‑s veꞌe‑s chi jini‑s xa xndito‑s. Ndɨu xtoꞌo‑s cinturón‑s xa kada tuꞌa‑s xa kaxi koio‑s, te juñaꞌa‑s nuu‑s ɨɨn ɨɨn‑s xa na nkoo koio‑s nuu mexa te dakexio‑s ndeyu kaxi koio‑s.

San Lucas 12:37 Referans Kwoze

2 Pedro 3:14

Ñani mani‑da, kuꞌa mani‑da, xijan kuu xa, nɨni kundetu koio‑n xaꞌa, kada koio‑n xa juini Ianyuux, xa maxku yuꞌu‑n nuu‑ia na ndixi Jesucristu. Kada koio‑n xavaꞌa, xa ni ɨɨn xa maxku tekuechi ñaꞌa. Kutuu mani koio‑n xiꞌin Ianyuux xiꞌin ñayiu.

San Mateo 24:42

Kunaꞌa koio‑n xa ndixi‑r te kundetu ñaꞌa‑n chi ña yoo‑n xini na kɨu na hora ndixi ruꞌu, Ia kuu Xtoꞌo‑n.

Filipenses 1:23

Yo uꞌu xa kaxí‑da. Juini mee‑da xa jɨꞌɨn‑da, xa kutuu‑da xiꞌin Cristu andɨu. Yo vaꞌa ka.

1 Corintios 2:9

Ná jaꞌan tnuꞌu Ianyuux duꞌa kuu: Kueꞌe io xa n‑kida tuꞌa Ianyuux xa tnɨɨ koio ñayiu ka xemani‑ia. Ta jini ka nduchi nuu‑ro ntdaa xa n‑kida tuꞌa‑ia xaxeꞌe‑ro. Ta teku ka doꞌo‑ro, ni ta kani ini ka anu‑ro nax koo.

Apocalipsis 14:13

Ijan dada n‑teku‑da xa n‑jaꞌan ntuku nde andɨu. Duꞌa n‑jaꞌan: —Chidotnuni xaꞌa: “Ñayiu n‑ka kunduu xiꞌin Ianyuux, te n‑ka xiꞌí‑i xaxeꞌe xa n‑ka kukanu ini‑i Jesucristu, naka taꞌu kuu‑i” —kuu xa n‑jaꞌan. Te n‑jaꞌan Espíritu Ianyuux: —Joon, ndaa. Ndetatu koio‑i; ma kada ka‑i tniu Ianyuux chi xá naꞌa‑ia xa yo n‑ka kidatniu‑i xaxeꞌe‑ia.

2 Pedro 1:11

Te duꞌa, vaꞌa xa vaꞌa kueka ñaꞌa Jesucristu mee‑n, xa kɨu koio‑n nuu taxnuni mee‑ia. Xtoꞌo‑ro kuu‑ia, te kuu‑ia Ia dakaku ñaꞌa mee‑ro, xa ma kuú‑ro xiꞌin kuechi‑ro. Taxnuni mee‑ia kuia ma jɨn ndɨꞌɨ.

San Juan 12:26

Ɨɨn seyɨɨ, nux ɨɨn se xinokuechi nuu mee‑r kuu‑s, te io xa kunduu‑s xiꞌin‑r. Nuu kutuu mee‑r, ijan kutuu se xinokuechi nuu‑r tuku. Nux xinokuechi ɨɨn ñayiu nuu‑r, te kadakaꞌnu Taa‑r mee‑i tuku.

San Lucas 21:36

Kunaꞌa koio‑n xa ndixi‑r. Kajan taꞌu koio‑n nuu Ianyuux xa na kaku koio‑n nuu ntdaa xijan. Xa kuyatni xa yaꞌa ntdaa xijan. Kajan taꞌu koio‑n nuu Ianyuux xa taxkanu ini‑ia kuechi n‑ka kida‑n na kuaꞌa maxku kajan ruꞌu xa kuu‑r Ia kuu ñayiu, kuechi‑n nuu‑ia —kuu Jesús, xiaꞌan‑ia.

Apocalipsis 7:17

Ma duꞌa ka yaꞌa koio‑i chi junuu ñaꞌa tkolelu iin ndodo silla kaꞌnu. Na ñunuu ñayiu tkachi‑i junuu‑ia‑i. Kandeka ñaꞌa‑ia jɨꞌɨn nuu kane ndute koꞌo‑i xa kundito‑i nɨkava nɨkuita. Kada Ianyuux xa ma ndaꞌi ka‑i —kuu sexaꞌnu jan nuu‑da.

Apocalipsis 3:21

Ñayiu na ndaku nuu Kuiꞌna ná n‑ndaku mee‑r nuu‑i, tetutniu‑r‑yɨ xa taxnuni‑r xiꞌin‑i ná n‑tetutniu ñaꞌa Taa‑r xa taxnuni‑r xiꞌin‑ia. Ná nukoo kaꞌnu‑r xiꞌin taa‑r, daa kunukoo kaꞌnu‑r xiꞌin‑i.

Filipenses 1:21

Nux kutuu naꞌi‑da ñuñayiu yaꞌa, kutuu‑da xiꞌin Cristu, te kada‑da xa juini mee‑ia. Nux kuú‑da, jɨꞌɨn‑da andɨu, xa kutuu vaꞌa ka‑da xiꞌin‑ia ijan.

San Lucas 17:8

Mayo‑n jaꞌan duꞌa chi juñaꞌa‑n nuu‑s: “Kada tuꞌa mee‑n xa kadavaꞌa‑n xa kax xa koꞌo‑r. Na yaꞌa xa kaxi‑r, te kaxi‑n.”

San Lucas 12:43

Naka taꞌu kuu se ijan hora na naxee xtoꞌo‑s chi jini‑s xa n‑kida‑s ntdaa xa n‑taꞌu tniu‑s.

San Lucas 12:36

Kada tuꞌa‑n mee‑n xa nakueka ñaꞌa‑n ná ka kida tuꞌa se ka xinokuechi nuu xtoꞌo‑s mee‑s xa nakueka‑s‑sɨ. Xndetu tuꞌa‑s hora naxee xtoꞌo‑s xa n‑xeꞌen‑s viko tnundaꞌa. Na naxee xtoꞌo‑s veꞌe‑s, dakande‑s yeꞌe, te najaan se xinokuechi jan yeꞌe.

San Lucas 22:27

¿Jundu ndandɨꞌɨ ka? ¿Ndandɨꞌɨ ka se nukoo nuu mexa xa xaxdeꞌñu‑s a ndandɨꞌɨ ka se xinokuechi xa dakexio‑s ndeyu? Ndandɨꞌɨ ka se nukoo nuu mexa, ko ruꞌu tuku kuu‑r. Kuu‑r ná kuu se xinokuechi nuu‑n.

Apocalipsis 16:15

Te danaa n‑jaꞌan Jesús: —Kunaꞌa koio xa dana ini naxee‑r. Kada‑r ná kida ɨɨn ñaduꞌu chi dana ini naxee‑r. Na kada tuꞌa ñayiu mee‑i te na koo tuꞌa‑i ná io tuꞌa ɨɨn ñayiu xa nakueka‑i xtoꞌo‑i hora naxee‑s veꞌe‑s. Xko ndito‑i xakuaa, te ña tava‑i daꞌma‑i. Naka taꞌu ñayiu duꞌa kida, chi ma kujanuu‑i chi ma kee vichi‑i hora na xe kueka‑r‑yɨ.