San Lucas 11:46 - New Testament in Mixtec Diuxi-tilantongo

⁴⁶ Te xiaꞌan Jesús nuu‑s: —Dani ndaꞌu yaꞌa koio mee‑n, se ka tuꞌa vaꞌa tnuꞌu n‑chidotnuni Moisés, chi ka taꞌu tniu‑n nuu ñayiu xa na jandixa koio‑i ley‑n. Kuenda kɨu ɨɨn xa yo vee xndido ñayiu jan kuu xijan, te mee‑n ñatu ka jandixa‑n xijan. Ni xa kajuꞌun ɨɨn dɨkɨ ndaꞌa‑n xijan ña kuu.

San Lucas 11:46 Referans Kwoze

San Lucas 11:52

Ndaꞌu yaꞌa koio mee‑n, se ka tuꞌa vaꞌa tnuꞌu n‑chidotnuni Moisés chi ñatu n‑ka jaꞌan ndaa‑n nuu ñayiu xa na kutnuni ini‑i tnuꞌu Ianyuux. Ña ka xe ini mee‑n tnuꞌu‑ia, te ñayiu xndaxio anu xa kunini‑i tnuꞌu‑ia, datu ini‑n‑yɨ —kuu Jesús, n‑xiaꞌan‑ia nuu‑s.

Gálatas 6:13

Ko mee‑s, juini xá n‑ka taꞌnde nuu ii‑s, ko ña ka kida‑s ná io ná juaꞌan ntdaa tnuꞌu taꞌu tniu Moisés. Ka juini‑s xa najuen tnuꞌu‑s mee‑s, xaxeꞌe xa n‑kidajuexa ñaꞌa‑s xa kunetnuni koio‑n.

San Lucas 11:45

Te n‑jaꞌan ɨɨn se tuꞌa vaꞌa tnuꞌu n‑chidotnuni Moisés: —Maestru, jan tnuꞌu ñaꞌa‑n daña xiꞌin dava ka ñayiu xa duꞌa n‑jaꞌan‑n.

San Mateo 22:35

Abogado kuu ɨɨn‑s. Se kuu abogado jan n‑xijan tnuꞌu‑ia ɨɨn xa n‑xijan tnuꞌu‑s‑ia xa kototnuni‑s‑ia.