San Lucas 11:22 - New Testament in Mixtec Diuxi-tilantongo

²² Xaxeꞌe xa nevaꞌa‑s arma xani ini‑s xa ñayo ndeꞌe ka dada mee‑s, ko nux xee ɨɨn se ndeꞌe ka dada mee‑s janñaꞌa‑s, te kaneꞌe‑s ntdaa xaxii‑s jɨꞌɨn, te dakexio‑s.

San Lucas 11:22 Referans Kwoze

1 Juan 4:4

Daꞌya kuechi‑da, mee‑n ka kuu daꞌya Ianyuux, te xijan kuu xa ndaku ka mee‑n dada se ijan. Taxnuni Ianyuux anu mee‑n, te taxnuni kuiꞌna anu mee‑s. Ko kueꞌe kunxaꞌnu ka Ianyuux dada kuiꞌna. Xijan kuu xa unu ndaku ka mee‑n dada mee‑s.

1 Juan 3:8

Nux dani kida ɨɨn ñayiu kuechi, kuu‑i daꞌya kuiꞌna. Nde kiꞌna nuu n‑kida kuiꞌna kuechi, te dani kida naꞌi‑i nde vitna. Xijan kuu xa n‑kixi Daꞌya Yɨɨ Ianyuux ñuñayiu, xa danaa‑ia ntdaa xa n‑kida kuiꞌna.

Colosenses 2:15

Ndaku Ianyuux nuu Kuiꞌna xiꞌin nuu dava ka xaloko ka taxnuni xiꞌin‑i. Kɨu n‑nandoto Cristu xa n‑xiꞌí‑ia nuu curuxi, n‑ndaku Ianyuux nuu Kuiꞌna, te ndaꞌu ndaꞌu n‑kendoo‑i te n‑ka xini ñayiu xa n‑ndaku‑ia nuu‑i. Ná kida soldado xa xani yujun‑s se n‑ka tnɨɨ‑s te dakuikonuu ñaꞌa‑s nuu xyuku ñayiu n‑kida Ianyuux Kuiꞌna.

San Lucas 11:21

Ɨɨn se ndaku te ndeꞌe‑s, nux ndee‑s veꞌe‑s, ña tuu nax yaꞌa veꞌe‑s chi xa io tuꞌa‑s xiꞌin arma‑s.

San Lucas 11:23

Ñayiu ña ka kunduu xiꞌin‑r, ñatu ka xe ini ñaꞌa‑i. Ñayiu ña dataka ñayiu xa kunini‑i xa jaꞌan‑r, kuenda kɨu xate niꞌno‑i‑yɨ xa maxku teku‑i xa jaꞌan‑r.

Efesios 6:11

Vaꞌa xa vaꞌa kada tuꞌa koio‑n mee‑n xa na kuaꞌa maxku dajaꞌan ñaꞌa Kuiꞌna xa kada koio‑n kuechi. Kada koio‑n kuenda xa soldado ka kuu‑n. Ndɨu nuu ɨɨn soldado vestidura‑s, te neꞌe‑s armas xa jɨn jantnaꞌa‑s.

Efesios 6:13

Xa na kuaꞌa maxku ndaku xaloko xa kada koio‑n kuechi, kada tuꞌa koio‑n mee‑n ná io tuꞌa ɨɨn soldado jɨn jantnaꞌa. Xa na kuaꞌa maxku ndaku Kuiꞌna xa dajaꞌan ñaꞌi‑i xa kada‑n kuechi, kunaꞌa vaꞌa‑n nax kuu xa n‑jaꞌan Ianyuux xa io xa kada‑n, te kukanu ini naꞌi‑n‑ia. Ma kaka yata‑n nuu‑ia nux daa na kada‑n.