San Lucas 1:32 - New Testament in Mixtec Diuxi-tilantongo

³² Ia yaꞌa, ndandɨꞌɨ‑ia, te kuu‑ia Daꞌya Yɨɨ Ianyuux, Ia kuu Xtoꞌo‑ro. Juñaꞌa‑ia ñuu daꞌya dana Israel nuu n‑taxnuni David, se kuu xixitna‑ia,

San Lucas 1:32 Referans Kwoze

San Lucas 1:35

Te xiaꞌan ángel nuu‑ña: —Keé ñaꞌa Espíritu Ianyuux, te niꞌi daꞌya‑n. Daꞌya Yɨɨ Ianyuux kuu‑ia. Ii‑ia.

San Marcos 5:7

Ndeꞌe n‑kana xee‑s: —Jesús, Daꞌya Yɨɨ Ianyuux taxnuni, maxku ñaꞌa kada ñaꞌa‑n. Na kada Ianyuux xa maxku kada uꞌu ñaꞌa‑n.

Apocalipsis 3:7

Ijan dada n‑jaꞌan ka ntuku‑ia: —Chidotnuni ntuku xa na jaꞌan‑r te tundaꞌa‑n nuu ángel, ia xinokuechi nuu‑r, Filadelfia xa na kaꞌu ndodo‑ia xijan nuu ñayiu ka kukanu ini ñaꞌa xndaxio ijan. Xaꞌa chidotnuni: “Ruꞌu jaꞌan ndaa jaꞌan kuiti; ñatu vete‑r te ii‑r. Taxnuni‑r nuu n‑xo taxnuni David, te neꞌe‑r ndakaa n‑xo neꞌe‑s. Nux xejoon‑r xa kɨkɨu ñayiu nuu tuu‑r, mayo dadaꞌan. Nux ña xejoon‑r xa kɨkɨu‑i, mayo taꞌu tniu nuu‑r xa na juejoon‑r. Na jaꞌan‑r xa

San Lucas 1:76

Te n‑jaꞌan‑s nuu seluchi jan: Ndoꞌo, seluchi, jaꞌan‑n tnuꞌu Ianyuux, Ia taxnuni ka nuu ñayiu. Kiꞌna ka‑n n‑kixee dada Ia kuu Xtoꞌo‑ro xa kada tuꞌa‑n ñayiu xa na xe ini‑i‑ia.

San Mateo 28:18

N‑xetuꞌa ñaꞌa Jesús te n‑jaꞌan‑ia nuu‑da: —N‑kida Ianyuux xa taxnuni‑r andɨu xiꞌin ñuñayiu ná taxnuni mee‑ia.

Romanos 1:4

N‑nadandoto Espíritu Ianyuux‑ia na n‑xiꞌí‑ia. Ii Espíritu Ianyuux. N‑nandoto Jesucristu, te n‑ka xini ñaꞌa ñayiu, te dɨuni n‑ka xini‑i xa kuu‑ia Daꞌya Yɨɨ Ianyuux. Xtoꞌo‑ro kuu Jesucristu, te taxnuni‑ia.

Hechos 2:30

David n‑kuu se n‑jaꞌan tnuꞌu Ianyuux nuu ñayiu, te n‑xo naꞌa‑s xa n‑chinaa Ianyuux nuu‑s xa ɨɨn daꞌya dana‑s ku kuu se taxnuni.

San Mateo 1:1

Libru yaꞌa kakuneꞌe xixitna Jesucristu. Xixitna‑ia n‑kuu David. Xixitna David n‑kuu Abraham.

Hechos 16:17

N‑xe kuitandijun ñaꞌa‑i ntdaa‑da xiꞌin Spalu, te kana‑i: —Te yaꞌa ka kuu te ka xinokuechi nuu Ianyuux ndixa tuu andɨu, Ia taxnuni ka, te n‑ka kixee‑te xa jaꞌan‑te nuu‑n nax kada koio‑n xa nanitaꞌu‑n —kuu‑i, kana‑i.

Hechos 2:36

ʼNdixi, ñayiu ka kuu daꞌya dana Israel, kunaꞌa koio‑n xa n‑kida Ianyuux xa n‑nduu Jesús Xtoꞌo‑ro. Dɨuni n‑kida‑ia xa n‑kuu‑ia Cristu te n‑xe konetniu‑ia xa taxnuni‑ia. Maxku jɨn tnɨɨ anu‑n chi xandaa kuu. Mee‑ia n‑ka xatakaa dika‑n —kuu Spedru, xiaꞌan‑s.

San Juan 12:34

N‑ka jaꞌan ñayiu: —Xá n‑ka teku‑r xa kuia ma jɨn ndɨꞌɨ taxnuni Cristu, Ia tundaꞌa Ianyuux. ¿Nanda kuu xa jaꞌan‑n xa katakaa koio ñayiu Se kuu ñani tnaꞌa ñayiu? ¿Jundu kuu se ijan, Se kuu ñani tnaꞌa ñayiu?

San Juan 6:69

Ka jandixa ñaꞌa‑da. Xá n‑ka xini‑da xa mee‑n kuu Cristu, Ia n‑tundaꞌa ñaꞌa Ianyuux. Daꞌya Yɨɨ Ianyuux Ndito kuu‑n.

San Marcos 14:61

Ña n‑jaꞌan‑ia. Ni ɨɨn tnuꞌu ña n‑jaꞌan‑ia. Ɨnka vuelta n‑xijan tnuꞌu dutu taxnuni ka nuu‑ia: —¿Ndoꞌo kuu Cristu, Daꞌya Yɨɨ Ianyuux Ii a?

Hechos 7:48

N‑kidavaꞌa Salomón veñuꞌu‑ia juini ñatu io‑ia xiti veñuꞌu ka kidavaꞌa ñayiu. Duꞌa n‑ka chidotnuni se n‑ka jaꞌan tnuꞌu‑ia nuu ñayiu:

San Mateo 3:11

Ruꞌu dajuendute ñaꞌa nuu ndute, ko na xinokava tniu‑r, te kixi Ia kixi. Tuku kada‑ia. Taxnuni ka‑ia dada ruꞌu. Ni ñatu natau xa junukuechi‑r nuu‑ia, ni xa kaneꞌe‑r ndixa‑ia chi se dakuu nga kuu‑r. Mee‑ia kada xa juꞌun ñaꞌa Espíritu Ianyuux, te ndadandaa‑ia kuechi‑n.

San Lucas 6:35

Maxku duꞌa kada koio‑n; juemani koio‑n ñayiu ka xini uꞌu ñaꞌa. Juñaꞌa nuu koio‑n xa ka xijan nuu‑i, te maxku jun ini‑n xa najeꞌen koio‑n xa n‑xiaꞌan nuu‑n ñayiu nux ña tuu nax naniꞌi‑i xa nataxi‑i. Nux duꞌa na kada koio‑n kueꞌe xa taxi Ianyuux. Kada koio‑n ná kida Ianyuux, Ia taxnuni ka, chi vaꞌa‑ia nuu ñayiu ña uun ka jaꞌan xa n‑kutaꞌu‑i nuu‑ia. Vaꞌa‑ia nuu ñayiu loko.

San Lucas 3:16

Xijan kuu xa duꞌa xiaꞌan Sua nuu‑i: —Ruꞌu, dajuendute ñaꞌa, te Ia kixi kada xa keé ñaꞌa Espíritu Ianyuux, te ndadandaa‑ia kuechi‑n. Taxnuni ka‑ia dada ruꞌu. Ñatu natau xa junukuechi‑r nuu‑ia, ni xa nandaxi‑r correa ndixa‑ia chi se dakuu nga kuu‑r.

San Lucas 1:15

Se ndandɨꞌɨ ku kuu‑s nuu Ianyuux, te ma koꞌo‑s vinu. Ni ɨɨn nuu ndɨdɨ́ ma koꞌo‑s, te juꞌun ñaꞌa Espíritu Ianyuux nde kɨu jun tuu‑s xiti dɨꞌɨ‑s.

San Mateo 12:42

Dani ɨɨn ñadɨꞌɨ n‑kunxaꞌnu n‑xio do sur, nandoto‑ña xiꞌin ñayiu io vitna, te taka koio‑ña xiꞌin‑i, te datuu‑ña kuechi‑i, chi ña xnini‑i xa jaꞌan‑r. Xika n‑kixi ñá ijan xa kunini‑ña tnuꞌu ndichi n‑jaꞌan Salomón. Kunaꞌa koio xa n‑kixee ruꞌu te ndandɨꞌɨ ka‑r dada Salomón, te ñatu ka jandixa ñaꞌa‑n —kuu Jesús, xiaꞌan‑ia nuu‑s.