San Juan 8:25 - New Testament in Mixtec Diuxi-tilantongo

²⁵ Te n‑ka xijan tnuꞌu‑s: —¿Ndoꞌo, jundu kuu‑n? N‑jaꞌan Jesús: —Nde xa kiꞌna nuu xa n‑jaꞌan‑r jundu kuu‑r.

San Juan 8:25 Referans Kwoze

San Juan 8:12

Ɨnka vuelta n‑jaꞌan Jesús nuu ñayiu ijan: —Mee‑r kuu luz vaꞌa ka koko ñuñayiu. Ñayiu kunduu xiꞌin mee‑r, nuncas ma kaka‑i nuu nee. Kunduu‑i xiꞌin luz vaꞌa ka koko, luz kida xa tuu vaꞌa‑i.

San Lucas 22:67

Te n‑jaꞌan‑s nuu‑ia: —Jaꞌan: “¿Mee‑n kuu Cristu a ñaꞌa?” Te n‑jaꞌan‑ia nuu‑s: —Nux na jaꞌan‑r, ma jandixa koio‑n.

San Juan 19:9

N‑ndɨu‑s palaciu ɨnka vuelta, te n‑xijan tnuꞌu‑s nuu Jesús: —¿Ndexu vaa‑n? Ko ni ɨɨn tnuꞌu ña n‑jaꞌan Jesús.

San Juan 1:22

Xijan kuu xa n‑ka jaꞌan‑s: —Ndoñuꞌu‑n xa jaꞌan ndaa‑n jundu kuu‑n. Io xa najuña tnuꞌu koio‑r nuu se n‑ka tundaꞌa ñaꞌa. ¿Nax jaꞌan‑n xaxeꞌe‑n?

San Juan 10:24

Ijan n‑ka dukunduu se Israel Jesús, te n‑ka jaꞌan‑s: —Io xa jaꞌan kaxi‑n. Nux mee‑n kuu Cristu, Ia n‑tundaꞌa ñaꞌa Ianyuux, kachitnuñaꞌa‑n.

San Juan 1:19

Te se Israel io ñuu nani Jerusalén, n‑ka tundaꞌa‑s dutu xiꞌin se levita nuu Sua, xa kajan tnuꞌu koio‑s jundu kuu‑s.

San Juan 8:24

Xijan kuu xa jaꞌan‑r xa kuú koio‑n xiꞌin kuechi‑n. Chi nux ma jandixa ñaꞌa koio‑n mee‑r, te kuú koio‑n xiꞌin kuechi‑n.

San Juan 8:26

Kueꞌe io xa kakuneꞌe ka‑r xa ndadandaa ñaꞌa‑r. Ia n‑tundaꞌa ñaꞌa mee‑r, Ia ndaa kuu‑ia. Te tnuꞌu mee‑ia jaꞌan‑r. Nani n‑teku‑r xa jaꞌan mee‑ia, dani jaꞌan‑r nuu ñayiu ñuñayiu.