San Juan 8:12 - New Testament in Mixtec Diuxi-tilantongo

¹² Ɨnka vuelta n‑jaꞌan Jesús nuu ñayiu ijan: —Mee‑r kuu luz vaꞌa ka koko ñuñayiu. Ñayiu kunduu xiꞌin mee‑r, nuncas ma kaka‑i nuu nee. Kunduu‑i xiꞌin luz vaꞌa ka koko, luz kida xa tuu vaꞌa‑i.

San Juan 8:12 Referans Kwoze

San Juan 12:46

Ná kuu luz vaꞌa ka koko kuu mee‑r. Vaa‑r ñuñayiu, xa ntdaa ñayiu ka jandixa ñaꞌa mee‑r, ma kutuu koio ka‑i nuu nee.

San Juan 9:5

Nɨni tuu‑r ñuñayiu, kuu‑r luz vaꞌa ka koko ñuñayiu.

San Juan 12:35

N‑jaꞌan Jesús: —Ná kuu luz vaꞌa ka koko kuu mee‑r. Xaku nga kɨu kutuu‑r xiꞌin‑n. Nɨni tuu‑r ñuñayiu, io xa kunduu koio‑n xiꞌin‑r, xa ma ku kuu koio mee‑n ná kuu ɨɨn seyɨɨ xikonuu nuu nee, ɨɨn se ña xini ndexu jɨꞌɨn‑s.

San Mateo 5:14

Dɨuni ka kuu‑n ná kuu ngandii xa datnuni‑ia ñuñayiu. Ná kuu ɨɨn ñuu katuu nuu yuku dujun ka kuu‑n xa ñatu yɨvaꞌa.

San Juan 3:19

Xá n‑ndadandaa‑ia‑i, xaxeꞌe xa ña ka xemani‑i luz vaꞌa ka koko. N‑ki xee luz jan ñuñayiu, ko n‑ka juini ñayiu xa ndoo naꞌi‑i nuu nee, chi ka kida‑i xa uꞌu.

2 Pedro 2:4

Nde ángel, ia n‑ka xinokuechi nuu Ianyuux du. Ña n‑ka jandixa‑ia Ianyuux, te ña n‑taxkanu ini ñaꞌa Ianyuux. N‑tundaꞌa Ianyuux ángel jan andea. N‑chindiꞌu ñaꞌa‑ia ɨɨn nuu nee. Ijan nevaꞌa‑ia ángel jan xiꞌin cadena, nde kɨu ndadandaa‑ia ntdaa xa io.

Hechos 13:47

chi duꞌa n‑taꞌu tniu Ianyuux nuu‑da. N‑jaꞌan‑ia: N‑tetutniu ñaꞌa‑r xa ku kuu‑n kuenda kɨu ɨɨn xa datnuni nuu ñayiu ña ka kuu yatnuꞌu Israel. Juña tnuꞌu‑n nɨkaxiko ñuñayiu nax io xa kada ñayiu xa na nanitaꞌu koio‑i —kuu Spalu, xiaꞌan‑s.

Hechos 26:23

N‑ka jaꞌan se jan xa io xa kuú Ia kuu Cristu, te dɨu‑ia kuu Ia kiꞌna nu nandoto xa kuú‑ia. Ijan dada nandoto ñayiu ka xiꞌí. N‑ka jaꞌan‑s xa kada‑ia xa teku ñayiu Israel xiꞌin ñayiu ñatu kuu yatnuꞌu Israel tnuꞌu‑ia. Duꞌa n‑ka chidotnuni‑s —kuu Spalu, xiaꞌan‑s.

San Juan 14:6

N‑jaꞌan Jesús: —Mee‑r kuu ichi. Te kuu‑r xandaa. Te kida mee‑r xa kutuu vaꞌa koio ñayiu xiꞌin Ianyuux. Ni ɨɨn ñayiu ma kuaꞌa xa jɨꞌɨn‑i nuu tuu Taa‑r, nux ña kunduu‑i xiꞌin mee‑r.

San Juan 7:17

Nux juini ɨɨn ñayiu xa kada‑i xa juini Ianyuux, kutnuni ini‑i nux tnuꞌu jaꞌan‑r kuu tnuꞌu Ianyuux a tnuꞌu mee‑r.

Apocalipsis 21:24

Kanda nuu kuikonuu koio ñayiu ntaka nación kutuu ijan chi ndii‑ia ñuu jan. Nakuetu koio se ka taxnuni xiꞌin ñayiu yaꞌa nuu Ianyuux xiꞌin nuu tkolelu jan ijan.

San Lucas 2:32

Kuenda kɨu ɨɨn xa datnuni kuu‑ia xa kada‑ia xa na jini ñayiu ña ka kuu ñayiu Israel jundu kuu Ianyuux. Kuvete ñayiu Israel chi kuu‑ia se Israel. Israel kuu nación ndeka‑n, Taa‑ro Ianyuux, kuu Simeón, n‑jaꞌan‑s nuu Ianyuux.

Judas 1:13

Ná kuu ndute mar, hora ndeꞌe tuxndee ndute, ka kuu‑i. Ná kuu t‑iñu ndute jan, kuu xa ka kida‑i xa januu. Ná kuu chudini juaꞌan duꞌa duꞌa, ka kuu‑i. Nevaꞌa Ianyuux ɨɨn nuu nee xa nee xaxeꞌe‑i, nuu kutuu koio‑i nɨkava nɨkuita.

2 Pedro 2:17

Se ijan, ka kuu‑s ná kuu ɨɨn doko ña tuu na ndute. Ná kuu vikó tundaꞌa tachi ndeꞌe ka kuu‑s. Xaxeꞌe‑s, io tuꞌa ɨɨn nuu nee xa nee, nuu kutuu koio‑s kuia ma jɨn ndɨꞌɨ.

Judas 1:6

Ángel, ia n‑ka xinokuechi nuu Ianyuux, du. Juini n‑ka taxnuni‑ia nuu taxnuni Ianyuux, ko n‑ka dandoo‑ia nuu taxnuni‑ia. Nevaꞌa Ianyuux mee‑i, nde kɨu kaꞌnu ndadandaa‑ia ntdaa xa io. Nuu nee xyɨndiꞌu‑i, xiꞌin cadena nuncas ma taꞌnde.

San Juan 12:36

Nɨni tuu‑r xiꞌin‑n, io xa jandixa ñaꞌa koio‑n, xa nduu koio mee‑n daꞌya‑r. N‑jaꞌan Jesús tnuꞌu yaꞌa, te juaꞌan‑ia. Ñayo ka‑s naniꞌi ñaꞌa.

1 Juan 1:6

Nux jaꞌan‑ro xa kunduu‑ro xiꞌin Ianyuux, ko dani kida‑ro kuechi, kuu ná kuu xa xika‑ro nuu nee. Nux duꞌa kuu, kuu xa jaꞌan‑ro tnuꞌu vete, te ña kida‑ro xa kuu xandaa.