San Juan 7:11 - New Testament in Mixtec Diuxi-tilantongo

¹¹ Te ka nanduku se Israel mee‑ia viko ijan. N‑ka jaꞌan‑s: —¿Nde io se ijan?

San Juan 7:11 Referans Kwoze

San Juan 11:56

Ijan ka nanduku ñayiu Israel Jesús. Xyuku‑i xiti veñuꞌu ka xijan tnuꞌu tnaꞌa‑i: —¿Naxa xani ini‑n? ¿Ma kixi Jesús viko a?

San Juan 1:19

Te se Israel io ñuu nani Jerusalén, n‑ka tundaꞌa‑s dutu xiꞌin se levita nuu Sua, xa kajan tnuꞌu koio‑s jundu kuu‑s.

San Juan 7:1

Na n‑yaꞌa xaꞌa, te n‑xikonuu Jesús distrito Galilea. Ña n‑juini‑ia xa kuikonuu‑ia distrito Judea, xaxeꞌe xa ka juini se Israel xa kaꞌni ñaꞌa‑s.

San Juan 7:13

Ko ni ɨɨn ñayiu ña n‑jaꞌan xee, chi n‑ka yuꞌu‑i nuu se Israel.

San Juan 7:15

Ña n‑ka kutnuni ini se Israel janda kuu xa dakuaꞌa‑ia ñayiu. N‑ka jaꞌan‑s: —¿Janda kuu xa tuꞌa vaꞌa se yaꞌa? Mee‑s ña n‑kaꞌu‑s kueꞌe kuia.

San Juan 9:12

Te n‑ka xijan tnuꞌu‑i: —¿Ndexu tuu se ijan? N‑jaꞌan‑s: —Ña xini‑r.