San Juan 3:4 - New Testament in Mixtec Diuxi-tilantongo

⁴ N‑xiaꞌan Nicodemo: —¿Nanda kuaꞌa xa nakaku ɨɨn ñayiu xaꞌnu ɨnka vuelta? Ma kuaꞌa xa ndeé ɨɨn ñayiu xiti dɨꞌɨ‑i te nakaku‑i vuelta kuu uu.

San Juan 3:4 Referans Kwoze

1 Corintios 2:14

Ko ɨɨn seyɨɨ, nux ma juejoon‑s xa kadatniu Espíritu Ianyuux anu‑s, ma kuaꞌa‑s xa kueka vaꞌa‑s tnuꞌu Espíritu Ianyuux. Chi nuu mee‑s, tnuꞌu Espíritu Ii kuu ná kuu tnuꞌu lilu. Ña kuaꞌa‑s xa kutnuni ini‑s, chi ñatu kidatniu Espíritu Ii anu‑s.

1 Corintios 1:18

Nuu ñayiu jɨꞌɨn koio andea, xa kakuneꞌe‑da curuxi Cristu, kuu ná kuu xa jaꞌan‑da tnuꞌu lilu. Ko mee‑ro, ñayiu dakaku ñaꞌa Ianyuux xa ma jɨꞌɨn‑ro andea, xa kakuneꞌe‑da curuxi Cristu, kuu xa jaꞌan‑da xa xá n‑kida Ianyuux xa ma kuú‑ro xiꞌin kuechi‑ro.

San Juan 3:3

N‑jaꞌan Jesús: —Xandaa kuu xa jaꞌan‑r. Nux ma nakaku ɨɨn ñayiu ɨnka vuelta, ma kuaꞌa‑i xa jini‑i nuu taxnuni Ianyuux.

San Juan 6:53

N‑jaꞌan Jesús: —Xandaa kuu xa jaꞌan‑r. Nux ma kaxi koio‑n kuñu Se kuu ñani tnaꞌa ñayiu, te ma koꞌo koio‑n nɨñɨ‑s, ma kuaꞌa koio‑n xa kutuu vaꞌa‑n.

San Juan 6:60

Na n‑ka teku se dakuaꞌa‑ia nax n‑jaꞌan‑ia, kueꞌe‑s n‑ka jaꞌan: —Yo uꞌu tnuꞌu‑ia. ¿Jundu kuaꞌa xa kueka vaꞌa‑s tnuꞌu jaꞌan‑ia?

San Juan 3:5

N‑jaꞌan Jesús: —Xandaa kuu xa jaꞌan‑r. Nux ndute ma nakaku ɨɨn ñayiu, ma kuaꞌa‑i xa kɨu‑i nuu taxnuni Ianyuux. Te nux ma kada Espíritu Ii xa nakaku‑i, te ma kuaꞌa‑i xa kɨu‑i nuu taxnuni Ianyuux.