San Juan 20:20 - New Testament in Mixtec Diuxi-tilantongo

²⁰ Na n‑jaꞌan‑ia tnuꞌu yaꞌa, n‑dandeꞌa‑ia‑s ndaꞌa‑ia xiꞌin yɨkɨ naꞌa‑ia. Xijan kuu xa yo n‑ka kuvete se n‑dakuaꞌa‑ia, na n‑ka xini‑s Xtoꞌo‑ro.

San Juan 20:20 Referans Kwoze

San Juan 16:22

Duꞌa ka kuu mee‑n. Vitna ka tnau ini‑n, ko jini ñaꞌa‑r ɨnka vuelta, te kada‑r xa kuvete koio‑n xa kuvete koio ka‑n. Kɨu ijan, ni ɨɨn ñayiu ma kuaꞌa xa kada‑i xa tnau ini koio ka‑n.

1 Juan 1:1

Ka kakuneꞌe‑da Ia xá daa tuu nde kiꞌna nuu. N‑ka teku‑da tnuꞌu n‑jaꞌan‑ia. Xiꞌin nuu‑da n‑ka xini‑da‑ia. N‑ka xo ndeꞌa‑da‑ia, te xiꞌin ndaꞌa‑da n‑ka tnɨɨ‑da‑ia. Ia nani Tnuꞌu Ianyuux kuu‑ia. Kida‑ia xa xtuu vaꞌa ñayiu xiꞌin Ianyuux.

San Juan 20:27

Dada n‑jaꞌan‑ia nuu Tomás: —Xiꞌin dɨkɨ ndaꞌa‑n, tnɨɨ ñaꞌa yaꞌa. Kundeꞌa ndaꞌa‑r. Xiꞌin ndaꞌa‑n, tnɨɨ yɨkɨ naꞌa‑r. Te maxku ku kuu ka‑n ɨɨn se ña jandixa. Jandixa ñaꞌa.

San Juan 16:20

Xandaa kuu xa jaꞌan‑r. Ku ndaꞌi koio mee‑n, te yo ku tnau ini koio‑n, ko kudɨ ini koio ñayiu ñuñayiu. Yo ku tnau ini koio‑n, ko dada nduvete koio‑n.

San Juan 19:34

Ko ɨɨn soldado, n‑tuu‑s yutnu io punda deen yɨkɨ naꞌa Jesús, te n‑xatu nɨñɨ‑ia xiꞌin ndute.

San Mateo 28:8

Ñatu n‑ka kukuee‑ña xa n‑ka ndee‑ña yau kava jan chi hora ijan ni n‑ka ndee‑ña. N‑ka yuꞌu‑ña te dɨuni n‑ka kudɨ ini‑ña. N‑ka kendava‑ña. Juan nuꞌu koio‑ña xa kachi tnuꞌu ñaꞌa‑ña ntdaa daña, se n‑dakuaꞌa ñaꞌa Jesús.

San Juan 20:25

Xijan kuu xa n‑ka jaꞌan ɨnka se n‑dakuaꞌa Jesús nuu‑s: —¡N‑ka xini‑r Xtoꞌo‑ro vitna! Ko n‑jaꞌan Tomás nuu‑s: —Io xa jini‑r ndaꞌa‑ia, nuu n‑ka keé ndɨi kaa. Xiꞌin dɨkɨ ndaꞌa‑r, io xa tnɨɨ‑r nuu n‑ka keé‑i. Xiꞌin ndaꞌa‑r, io xa tnɨɨ‑r yɨkɨ naꞌa‑ia. Dada kuu xa jandixa‑r xa ka jaꞌan‑n.