San Juan 20:2 - New Testament in Mixtec Diuxi-tilantongo

² N‑kendava‑i, n‑naxee‑i nuu tuu Simón Spedru, xiꞌin ɨnka se n‑dakuaꞌa Jesús, se yo n‑xemani‑ia. N‑jaꞌan‑i nuu‑s: —N‑ka kineꞌe ñayiu yɨkɨ kuñu Xtoꞌo‑ro yau kava, te ña xini‑da ndexu n‑ka kida ñaꞌa‑i.

San Juan 20:2 Referans Kwoze

San Juan 13:23

Nuu n‑ka xaxdini‑s, ijan, yatni Jesús, nukoo ɨɨ se dakuaꞌa‑ia. Yo n‑xemani Jesús se ijan.

San Juan 20:13

N‑ka jaꞌan‑ia: —Ñadɨꞌɨ, ¿nakuenda ndaꞌi‑n? N‑jaꞌan‑i: —Xneꞌe ñayiu yɨkɨ kuñu Xtoꞌo‑da juaꞌan, te ña xini‑da ndexu n‑kida‑i.

San Juan 21:24

Se ijan, se n‑dakuaꞌa Jesús kuu‑s, se jaꞌan ndaa xaxeꞌe xaꞌa, se n‑kidavaꞌa tnuꞌu yaꞌa kuu‑s. Te xnaꞌa‑da xa jaꞌan‑s xa kuu xandaa.

San Juan 21:7

Se n‑dakuaꞌa Jesús, se yo n‑xemani‑ia, n‑jaꞌan‑s nuu Spedru: —Xtoꞌo‑ro kuu‑ia. Na n‑teku Simón Spedru xa se ijan kuu Xtoꞌo‑s, yachi n‑ndɨu nuu‑s daꞌma‑s, chi xa n‑dita‑s daꞌma‑s xa tnɨɨ‑s chaka, te n‑keé‑s nuu ndute, n‑kida nadari‑s xa kexio‑s yundute.

San Juan 19:26

Na n‑xini Jesús xa ijan nujuiin dɨꞌɨ‑ɨa xiꞌin se dakuaꞌa‑ia, se xemani‑ia, n‑jaꞌan‑ia nuu dɨꞌɨ‑ia: —Ñadɨꞌɨ, kada‑n kuenda xa daꞌya yɨɨ‑n kuu‑s.

San Juan 21:20

N‑konenuu Spedru, te n‑xini‑s se yo n‑xemani Jesús ndijun ñaꞌa‑s. Se ijan kuu se n‑xo nukoo diñi Jesús, hora n‑xaxdini‑ia xiꞌin se n‑dakuaꞌa‑ia ɨnka xakuaa ijan. Hora ijan, n‑xijan tnuꞌu se ijan nuu‑ia: “Xtoꞌo‑da, ¿ndeda‑da kuu se diko ñaꞌa?”

San Juan 20:15

N‑jaꞌan Jesús: —Ñadɨꞌɨ, ¿nakuenda ndaꞌi‑n? ¿Jundu nanduku‑n? N‑xani ini‑i xa se ñunuu jardín kuu‑s, te n‑jaꞌan‑i: —Dito, nux mee‑n n‑ndeka‑ia juaꞌan, kachitnuñaꞌa‑n ndexu io‑ia, xa kuaꞌa‑da xa kandeka‑da‑ia jɨꞌɨn.

San Juan 20:9

Te tnuꞌu Ianyuux n‑ka chidotnuni seyɨɨ xá n‑kuu kueꞌe kuia, jaꞌan xa io xa nandoto Jesús nuu n‑kuu‑ia ndɨyɨ. Ko se n‑dakuaꞌa‑ia, ta kutnuni ini koio ka‑s tnuꞌu yaꞌa.