San Juan 18:38 - New Testament in Mixtec Diuxi-tilantongo

³⁸ N‑jaꞌan Pilato: —¿Nax kuu xa kuu xandaa? Na n‑jaꞌan Pilato tnuꞌu yaꞌa, te n‑kee‑s ɨnka vuelta, xa jaꞌan‑s nuu se Israel. N‑jaꞌan‑s: —Ña niꞌi‑r kuechi‑s xa kida‑s ni ɨɨn xa uꞌu.

San Juan 18:38 Referans Kwoze

San Juan 19:4

N‑kee Pilato ɨnka vuelta. N‑jaꞌan‑s: —¡Kundeꞌa koio! N‑kineꞌe‑r se yaꞌa, xa kutnuni ini koio‑n xa ñatu niꞌi‑r ni ɨɨn kuechi mee‑s.

San Juan 19:6

Na n‑ka xini dutu ka taxnuni xiꞌin policía‑s Jesús, n‑ka kana xee‑s: —¡Katakaa‑s! ¡Katakaa‑s! N‑jaꞌan Pilato: —Mee‑n kandeka koio‑s juaꞌan, te katakaa koio mee‑n‑sɨ. Chi mee‑r, ña niꞌi‑r ni ɨɨn kuechi‑s.

San Lucas 23:4

Ijan dada xiaꞌan Pilato nuu dutu ka taxnuni xiꞌin nuu ñayiu xyuku ijan: —Ña tuu na kuechi se yaꞌa io.

Hechos 17:32

Nu n‑ka teku se xyuku ijan xa nandoto koio ndɨyɨ, dava‑s n‑ka xakundee Spalu, ko dava‑s n‑ka jaꞌan: —Ɨnka kɨu dada na kunini koio‑da xa jaꞌan‑n de.

1 Pedro 1:19

Ko n‑xeen ñaꞌa‑ia xiꞌin nɨñɨ Cristu. Te yo yaꞌu ka nɨñɨ Cristu dada ntdaa xa io. Xá n‑kuu kueꞌe kuia, n‑taꞌu tniu Ianyuux nuu ñayiu Israel xa juñaꞌa koio‑i xa doko‑i nuu‑ia. Xa doko‑i kuu ɨɨn tkolelu vaꞌa kaa, ɨɨn tkolelu vili kaa. Ná kuu tkolelu jan kuu Cristu.

San Marcos 15:14

N‑xijan tnuꞌu Pilato: —¿Na kuechi n‑kida‑s? Ko kueꞌe ka n‑ka kana xee‑i: —¡Katakaa‑s nuu curuxi!

San Mateo 27:24

Xaxeꞌe xa ña n‑kundee tnuꞌu Pilato xa daxino ini‑s ñayiu xiꞌin xa xee ka n‑ka kana‑i xiꞌin xa n‑ka ndundeꞌe‑i, xijan kuu xa n‑nandaꞌa Pilato nuu‑i. Xiaꞌan ntuku‑s nuu‑i: —Ña tuu na kuechi‑r xa kaꞌni‑n‑sɨ. Kundido kutau koio mee‑n‑sɨ. Xaxeꞌe xijan n‑nandaꞌa‑s.

San Juan 18:33

N‑ndɨu Pilato palaciu. Ijan n‑kana‑s xa na kɨu Jesús, te n‑xijan tnuꞌu‑s‑ia: —¿Ndoꞌo kuu se kunxaꞌnu ka nuu ñayiu Israel a?