San Juan 18:3 - New Testament in Mixtec Diuxi-tilantongo

³ Xijan kuu xa ijan n‑xee Judas. Ndeka‑s soldado romano, xiꞌin policía n‑ka tundaꞌa se fariseu xiꞌin dutu ka taxnuni. Xneꞌe‑s candil xiꞌin iti kava, xneꞌe‑s machiti‑s xiꞌin vara.

San Juan 18:3 Referans Kwoze

San Juan 18:12

Xijan kuu xa soldado romano, xiꞌin se taxnuni nuu‑s, xiꞌin policía n‑ka tundaꞌa se taxnuni nuu ñayiu Israel, ntdaa mee‑s, n‑ka tnɨɨ presu‑s Jesús, te n‑ka duku‑s‑ia.

Hechos 1:16

—Dito, Ñani, n‑xetnaꞌa xa n‑jaꞌan Espíritu Ianyuux xa n‑chidotnuni David na n‑kakuneꞌe‑s Judas xa kandeka‑s se tnɨɨ koio Jesús jɨꞌɨn nuu‑ia. N‑xio xa duꞌa yaꞌa.

San Juan 13:2

Te xá n‑kidatniu kuiꞌna anu Judas Iscariote, daꞌya yɨɨ Simón, xa diko‑s Jesús nuu se kaꞌni koio‑ia. Naꞌa Jesús xa n‑kixi‑ia nde nuu tuu Taa‑ia, te naꞌa‑ia xa nuꞌu‑ia nuu tuu Taa‑ia. Naꞌa‑ia xa n‑kida Taa‑ia xa taxnuni‑ia nuu ntdaa xa io. Nukoo Jesús xiꞌin se dakuaꞌa‑ia xa kaxdini‑ia xiꞌin‑s. N‑ndojuiin Jesús nuu n‑xaxdini‑ia, te n‑dita‑ia daꞌma niꞌna‑ia. N‑tnɨɨ‑ia ɨɨ toalla, te n‑duku niꞌna‑ia dujun kaꞌa‑ia.

San Mateo 25:1

ʼNá n‑ka yaꞌa uxi soltera ta jini ka seyɨɨ, daa yaꞌa koio ñayiu taxnuni Ianyuux nuu‑i xa dava‑i n‑ka xani ini lilu te dava‑i n‑ka xani ini vaꞌa. Xneꞌe soltera jan candil‑yɨ juaꞌan nuu nanitnaꞌa koio‑i xiꞌin noviu.

San Juan 7:32

Te n‑ka tekutnuꞌu se fariseu xa duꞌa ka kakuneꞌe kueꞌe ñayiu jan Jesús. Mee‑s, xiꞌin se ka taxnuni nuu ñayiu Israel, n‑ka tundaꞌa‑s ausiliu, xa jɨn tnɨɨ presu koio‑s Jesús.

San Juan 18:18

Nukeꞌe xnii se ka kidatniu duꞌa nuu dutu taxnuni ka, xiꞌin policía. N‑ka tɨu‑s ñuꞌu, xaxeꞌe xa da vixi. Ka ndvidi‑s yunuꞌu, te ijan nujuiin Spedru xiꞌin‑s, xa ndvidi‑s tuku.

San Juan 18:22

Na n‑jaꞌan Jesús tnuꞌu yaꞌa, te ɨɨn se nujuiin ijan, se kuu policía, n‑katu‑s nuu‑ia. N‑jaꞌan‑s: —¿Duꞌa jaꞌan‑n nuu dutu taxnuni ka u?

San Juan 19:6

Na n‑ka xini dutu ka taxnuni xiꞌin policía‑s Jesús, n‑ka kana xee‑s: —¡Katakaa‑s! ¡Katakaa‑s! N‑jaꞌan Pilato: —Mee‑n kandeka koio‑s juaꞌan, te katakaa koio mee‑n‑sɨ. Chi mee‑r, ña niꞌi‑r ni ɨɨn kuechi‑s.

Hechos 10:1

Cesarea io ɨɨn centurión nani Cornelio. Italiano nani ɨɨn cientu soldado ndeka‑s.