San Juan 13:9 - New Testament in Mixtec Diuxi-tilantongo

⁹ Te n‑xiaꞌan Simón Spedru nuu Jesús: —Xtoꞌo‑ro, nux duꞌa koo, te maxku najini‑n diko ni xeꞌe‑da. Najini‑n ndaꞌa‑da, dɨkɨ‑da tuku.

San Juan 13:9 Referans Kwoze

1 Pedro 3:21

Te nani n‑dakaku Ianyuux ñayiu n‑ka jandixa‑ia kɨu ijan, dani dakaku ñaꞌa‑ia mee‑ro vitna. Ná kuu ndute jan kuu xa xendute‑ro. (Ko ndute xendute‑ro ñatu dakaku ñaꞌa kuechi‑ro. Diko ni kuu ná kuu xa xiaꞌan‑ro nuu Ianyuux xa jandixa‑ro‑ia te juini‑ro xa kada‑ro xa juini mee‑ia.) Xaxeꞌe xa n‑nandoto Jesucristu, te dakaku ñaꞌa Ianyuux.

Hebreos 10:22

Xijan kuu xa, na kuyatni‑ro Ianyuux. Xiꞌin ntdaa anu‑ro, na jandixa‑ro‑ia, te maxku yuꞌu‑ro. Na n‑xiꞌí Jesucristu, n‑xatu nɨñɨ‑ia xa ndada ndoo ñaꞌa‑ia, xa mayo ka dakuido datau anu‑ro. Te yɨkɨ kuñu‑ro, xá n‑dajuendute‑ia ndute yo vaꞌa ka.

San Mateo 27:24

Xaxeꞌe xa ña n‑kundee tnuꞌu Pilato xa daxino ini‑s ñayiu xiꞌin xa xee ka n‑ka kana‑i xiꞌin xa n‑ka ndundeꞌe‑i, xijan kuu xa n‑nandaꞌa Pilato nuu‑i. Xiaꞌan ntuku‑s nuu‑i: —Ña tuu na kuechi‑r xa kaꞌni‑n‑sɨ. Kundido kutau koio mee‑n‑sɨ. Xaxeꞌe xijan n‑nandaꞌa‑s.

San Juan 13:8

N‑jaꞌan Spedru: —¡Nuncas ma najini mee‑n xeꞌe mee‑da! N‑jaꞌan Jesús: —Nux ma najini‑r xeꞌe‑n, te ma kunduu ka‑n xiꞌin‑r.

San Juan 13:10

N‑jaꞌan Jesús nuu‑s: —Xá n‑dakuchi ñaꞌa Taa‑r Ianyuux mee‑n. Xijan kuu xa meni xeꞌe‑n najini mee‑r vitna. Xá n‑kida Ianyuux xa n‑ndundoo‑n, ña tuu nax io ka‑n. Mee‑n, xá n‑ka ndundoo‑n, ko ñatu ntdaa‑n ndaxio ndoo.