San Juan 13:33 - New Testament in Mixtec Diuxi-tilantongo

³³ Daꞌya kuechi‑r, xaku nga hora kutuu‑r xiꞌin‑n. Nanduku ñaꞌa koio‑n, ko mayo ka‑n naniꞌi ñaꞌa. Nani n‑jaꞌan‑r nuu se ka taxnuni nuu ñayiu Israel, dani jaꞌan‑r nuu mee‑n vitna: “Nuu jɨꞌɨn mee‑r, mayo‑n kuaꞌa xa kandijun ñaꞌa koio‑n.”

San Juan 13:33 Referans Kwoze

1 Juan 2:1

Daꞌya kuechi‑da, kidavaꞌa‑da carta yaꞌa nuu‑n, xa maxku kada koio ka‑n kuechi. Ko ɨɨn ñayiu, nux na kada‑i kuechi, te nujuiin Jesucristu nuu Taa‑ia Ianyuux xaxeꞌe‑ro. Xaxeꞌe xa nuncas ña n‑kida Jesucristu ni ɨɨn kuechi, kuaꞌa‑ia xa jaꞌan‑ia nuu Ianyuux xaxeꞌe mee‑ro.

San Juan 14:19

Xaku nga hora, te dada, ma jini ñaꞌa ka ñayiu ñuñayiu mee‑r, ko mee‑n, jini ñaꞌa koio‑n. Xaxeꞌe xa ndito mee‑r, te kundito koio mee‑n tuku.

1 Juan 5:21

Daꞌya kuechi‑da, koo koio‑n cuedado. Maxku jandixa‑n santu kidavaꞌa ndaꞌa se ñuñayiu. Kunduu naꞌi koio ka‑n xiꞌin Jesucristu, Daꞌya Yɨɨ Ianyuux Ndito. Duꞌa na koo.

1 Juan 4:4

Daꞌya kuechi‑da, mee‑n ka kuu daꞌya Ianyuux, te xijan kuu xa ndaku ka mee‑n dada se ijan. Taxnuni Ianyuux anu mee‑n, te taxnuni kuiꞌna anu mee‑s. Ko kueꞌe kunxaꞌnu ka Ianyuux dada kuiꞌna. Xijan kuu xa unu ndaku ka mee‑n dada mee‑s.

Gálatas 4:19

Daꞌya‑da ka kuu‑n. Kueꞌe vida yaꞌa‑da xaxeꞌe‑n. Ná kuu ñadɨꞌɨ hora kaku daꞌya‑ña kuu‑da, chi juini‑da xa xee koio‑n xa kunduu vaꞌa koio‑n xiꞌin Cristu.

San Juan 7:36

¿Nax juini kachi xa jaꞌan‑s: “Nanduku ñaꞌa koio‑n, ko ma naniꞌi ñaꞌa‑n, chi mayo‑n kuaꞌa xa jɨꞌɨn‑n nuu kutuu mee‑r”?

San Juan 13:36

N‑xijan tnuꞌu Simón Spedru: —Xtoꞌo‑ro, ¿ndexu jɨꞌɨn‑n? N‑xiaꞌan Jesús: —Nuu jɨꞌɨn‑r, ma kuaꞌa‑n xa kandijun ñaꞌa‑n jɨꞌɨn vitna, ko ɨnka kɨu, joon, kandijun ñaꞌa‑n xee.

San Juan 14:2

Nuu tuu Taa‑r, io kueꞌe veꞌe vili xndaa. Nuꞌu‑r nuu tuu Taa‑r, xa kada tuꞌa‑r veꞌe koio mee‑n nuu kutuu vaꞌa koio‑n. Chi nux ma duꞌa koo, te ma kachitnuñaꞌa‑r n‑kuu.