San Juan 13:24 - New Testament in Mixtec Diuxi-tilantongo

²⁴ N‑kida Simón Spedru ɨɨn seña ndaꞌa‑s nuu se ijan, xa kajan tnuꞌu‑s‑ia nuu jundu kuu se diko‑ia.

San Juan 13:24 Referans Kwoze

Hechos 21:40

N‑xejoon comandante xa jaꞌan Spalu. N‑xani soldado jan Spalu escalera, te n‑ndoneꞌe ndaꞌa‑s xa maxku jaꞌan koio ka ñayiu xndijun ñaꞌa jan. Ña tuu ka nax n‑ka jaꞌan‑i, te n‑jaꞌan‑s hebreu. Xiaꞌan‑s:

Hechos 13:16

N‑ndojuiin Spalu te n‑ndoneꞌe ndaꞌa‑s nuu ñayiu xyuku ijan xa na kunini koio‑i xa jaꞌan‑s. Te n‑jaꞌan‑s: —Dito, Didi, kunini koio ndixi, ñayiu ñatu kuu daꞌya dana Israel, te ka jandixa‑n Ianyuux xiꞌin ndixi, ñayiu ka kuu daꞌya dana Israel.

Hechos 12:17

Te n‑ndoneꞌe ndaꞌa Spedru xa maxku jaꞌan koio ka‑i, te n‑najani‑s nuu‑i janda n‑kuu xa n‑kineꞌe ñaꞌa Ianyuux vekaa. Dɨuni xiaꞌan‑s: —Juña tnuꞌu koio‑n xaꞌa Jacob xiꞌin dava ka ñayiu ka kukanu ini Jesucristu. Ijan dada n‑kee‑s; juaꞌan‑s ɨnka lado.

San Lucas 5:7

Te n‑ka xaxa ndaꞌa‑s nuu dava ka se xnetnaꞌa xiꞌin‑s xñutuu ɨnka barcu xa na xee koio‑s xa na chindee tnaꞌa‑s. Te n‑ka xee‑s ijan. N‑ka dachitu‑s ntdaa‑s nduu barcu jan chaka. Xaku nga nduxi barcu jan nuu ndute.

San Lucas 1:22

Nu n‑ndee‑s veñuꞌu jan, ña n‑kuu ka xa jaꞌan‑s. N‑ka kutnuni ini ñayiu jan xa n‑kida Ianyuux xa n‑xini‑s ɨɨn xa n‑xini‑s. Ña n‑kuu ka xa jaꞌan‑s; diko nga seña n‑kida‑s.

San Juan 13:23

Nuu n‑ka xaxdini‑s, ijan, yatni Jesús, nukoo ɨɨ se dakuaꞌa‑ia. Yo n‑xemani Jesús se ijan.

San Juan 13:25

N‑nundee se ijan Jesús, te n‑jaꞌan niꞌni‑s doꞌo‑ia: —Xtoꞌo‑ro, ¿jundu kuu‑s?