San Juan 13:18 - New Testament in Mixtec Diuxi-tilantongo

¹⁸ ʼÑa jaꞌan‑r xaxeꞌe ntdaa‑n. Xini vaꞌa‑r jundu n‑kaxí‑r. Ɨɨn tnaꞌa mee‑n, kada xa jɨn tnaꞌa xa jaꞌan tnuꞌu Ianyuux, yodotnuni xá n‑kuu kueꞌe kuia: “Se xax kaꞌnu xiꞌin‑r xini uꞌu ñaꞌa.”

San Juan 13:18 Referans Kwoze

San Mateo 26:23

N‑jaꞌan‑ia: —Se na dakee ndita xiꞌin‑r tila ɨɨn ni nuu koꞌo, se ijan kada xa tnɨɨ ñaꞌa juxtixia.

San Juan 17:12

Nɨni tuu‑da xiꞌin‑s ñuñayiu, ñunuu mee‑da mee‑s, xiꞌin xa taxnuni n‑taa‑n. Ni ɨɨn‑s ña n‑dakuita‑da. Ɨɨn‑s, joon, daꞌya andea kuu‑s, se kida xa juini kuiꞌna kuu‑s. Duꞌa jɨn tnaꞌa tnuꞌu mee‑n n‑ka chidotnuni seyɨɨ xá n‑kuu kueꞌe kuia.

San Marcos 14:20

N‑xiaꞌan‑ia: —Ɨɨn se kuu tnaꞌa uxi uu‑n, se dandoyo tila idini koꞌo xiꞌin‑r, kuu‑s.

San Juan 13:26

N‑jaꞌan niꞌni Jesús doꞌo se ijan: —Dandoyo‑r itaꞌu tila nuu ndeyu, te juñaꞌa‑r‑sɨ. Mee‑s kuu‑s. N‑dandoyo‑ia itaꞌu tila, te n‑xiaꞌan‑ia nuu Judas Iscariote, daꞌya yɨɨ Simón.

San Juan 6:70

N‑xiaꞌan Jesús: —¿Ña ndaa xa n‑kaxí ñaꞌa‑r uxi uu tnaꞌa‑n, ko ɨɨn mee‑n kuu‑s kuiꞌna u?

San Juan 15:19

Nux ɨɨn nuu n‑ka kuu mee‑n xiꞌin ñayiu ñuñayiu n‑kuu, te juemani ñaꞌa koio ñayiu ñuñayiu. Ko n‑kaxí ñaꞌa‑r mee‑n meꞌñu ñayiu ñuñayiu, te ñatuka ka kuu ɨɨn nuu mee‑n xiꞌin ñayiu ñuñayiu. Xijan kuu xa ka xini uꞌu ñaꞌa ñayiu ñuñayiu mee‑n.

Hebreos 4:13

N‑kidavaꞌa Ianyuux ntdaa xa io. Ña tuu ni ɨɨn xa yɨvaꞌa, xa ña kuaꞌa Ianyuux xa jini‑ia. Ña tuu ni ɨɨn xa daꞌu, ntdaa io kanda nuu Ia ndeꞌa ntdaa xa io. Te io xa na kuꞌa‑ro cuenta nuu‑ia.

San Juan 15:16

Ñatu n‑ka kaxí ñaꞌa mee‑n mee‑r, ko n‑kaxí ñaꞌa mee‑r mee‑n. N‑kaxí ñaꞌa‑r, xa jɨꞌɨn koio‑n, xa kada koio‑n tniu mee‑r. Ná kuu yutnu ka juun xavidi vaꞌa, ku kuu koio mee‑n, te nuncas ma jɨn ndɨꞌɨ xavidi jan. Xaxeꞌe xa ka jandixa ñaꞌa‑n mee‑r, kajan koio‑n nuu Taa‑r davaꞌa nga xa ka ndoñuꞌu‑n, te taxi‑ia.

San Mateo 10:36

Jini uꞌu tnaꞌa ñayiu ɨɨn ni kee ɨɨn ni veꞌe.

Apocalipsis 2:23

Kaꞌni‑r ñayiu ka jandixa xa jaꞌan‑ña, te jini ntdaa ñayiu ka kukanu ini ñaꞌa xndaxio uxa ñuu xndatuu Asia de xa ruꞌu xini janda kuu anu‑n ɨɨn ɨɨn‑n, te dɨuni xini‑r nax ka xani ini‑n. Ndeꞌe ka kada uꞌu ñaꞌa Ianyuux nux dani na kada ka‑n xaloko.

San Juan 21:17

N‑xijan tnuꞌu‑ia‑s vuelta kuu uni: —Simón, daꞌya yɨɨ Jonás, ¿xemani ñaꞌa‑n a? N‑tnau ini Spedru, xaxeꞌe xa n‑xijan tnuꞌu‑ia‑s vuelta kuu uni: “¿Xemani ñaꞌa‑n a?” N‑jaꞌan‑s nuu‑ia: —Xtoꞌo‑da, naꞌa mee‑n ntdantuꞌu. Naꞌa‑n xa xemani ñaꞌa‑da. N‑jaꞌan Jesús nuu‑s: —Juñaꞌa xa kax koio tkachi‑r.

2 Corintios 4:5

Ñatu kachitnuꞌu‑da tnuꞌu Jesucristu, xa kunduu koio‑n xiꞌin mee‑da, kachitnuꞌu‑da tnuꞌu Jesucristu, xa kunduu koio‑n xiꞌin mee‑ia. Jesucristu kuu Xtoꞌo‑ro, te mee‑da ka kuu se xinokuechi nuu mee‑n, xaxeꞌe xa xemani‑da Jesús.

San Mateo 26:21

Nɨni ka xaxdini‑da xiꞌin‑ia n‑jaꞌan‑ia nuu‑da ntdaa‑da: —Xandaa xakuiti kandeka ñaꞌa ɨɨn‑n jɨꞌɨn nuu se loko.

San Marcos 14:17

Ijan na n‑kunee, n‑xee mee Jesús xiꞌin uxi uu se dakuaꞌa‑ia.

San Marcos 14:18

Nɨni nukoo‑ia xiꞌin‑s, te ka xaxi‑s xiꞌin‑ia, n‑jaꞌan Jesús: —Xandaa kuu xa jaꞌan‑r. Ɨɨn mee‑n diko ñaꞌa mee‑r. Ɨɨn se xax kaꞌnu xiꞌin‑r vitna.

San Lucas 22:21

Kunaꞌa koio xa se kada xa tnɨɨ ñaꞌa juxtixia, xtuu‑ro xiꞌin‑s nuu mexa yaꞌa.

San Juan 13:21

Na n‑jaꞌan Jesús tnuꞌu yaꞌa, te yo n‑tnau ini‑ia. N‑jaꞌan kaxi‑ia: —Xandaa kuu xa jaꞌan‑r. Ɨɨn tnaꞌa mee‑n diko ñaꞌa mee‑r nuu se kaꞌni ñaꞌa koio.

San Juan 13:22

N‑ka nukondeꞌa tnaꞌa se dakuaꞌa‑ia. Ñayo‑s n‑ka kutnuni ini nuu ndeda ɨɨn‑s n‑jaꞌan‑ia.

San Juan 15:25

Duꞌa yaꞌa, xa jɨn tnaꞌa tnuꞌu Ianyuux, n‑ka chidotnuni seyɨɨ xá n‑kuu kueꞌe kuia: “Meni xavaꞌa n‑kida‑r, ko mee‑i, n‑ka xini uꞌu ñaꞌa‑i.”

San Juan 18:32

Te duꞌa n‑xetnaꞌa tnuꞌu n‑jaꞌan Jesús na n‑jaꞌan‑ia xa katakaa koio‑s‑ia.

San Juan 19:24

N‑ka jaꞌan soldado ɨɨn‑s nuu ɨnka‑s: —Maxku ndata‑ro daꞌma dijun de. Na tava‑ro suerte, nuu ndeda‑ro na niꞌi daꞌma de. Te duꞌa n‑xetnaꞌa tnuꞌu Ianyuux n‑ka chidotnuni seyɨɨ xá n‑kuu kueꞌe kuia. Jaꞌan tnuꞌu Ianyuux: “N‑ka dakexio nuu tnaꞌa‑s daꞌma‑r, te n‑ka tava‑s suerte xaxeꞌe daꞌma‑r.” Te duꞌa n‑ka kida soldado romano, hora n‑ka xatakaa‑s Jesús.

San Juan 19:36

Te n‑yaꞌa xaꞌa, xa n‑xetnaꞌa tnuꞌu Ianyuux n‑ka chidotnuni seyɨɨ xá n‑kuu kueꞌe kuia. N‑ka chidotnuni‑s: “Ni ɨɨn yɨkɨ‑ia ma kaꞌnu koio‑s.”

Hechos 1:2

N‑kixeꞌe‑ia xa kada‑ia tniu‑ia te dani n‑kidatniu‑ia xa nde kɨu juan ndaa‑ia andɨu. Antecas xa n‑ndaa‑ia andɨu n‑taꞌu tniu‑ia nuu se n‑kaxí‑ia xa kada koio‑s xa n‑jaꞌan Espíritu Ianyuux nuu‑ia xa kada‑s. Te dɨuni n‑jaꞌan‑ia nuu se n‑kaxí‑ia jan xa tundaꞌa‑ia‑s xa juña tnuꞌu koio‑s ñayiu xa n‑jaꞌan‑ia.

Hechos 1:16

—Dito, Ñani, n‑xetnaꞌa xa n‑jaꞌan Espíritu Ianyuux xa n‑chidotnuni David na n‑kakuneꞌe‑s Judas xa kandeka‑s se tnɨɨ koio Jesús jɨꞌɨn nuu‑ia. N‑xio xa duꞌa yaꞌa.