San Juan 12:13 - New Testament in Mixtec Diuxi-tilantongo

¹³ N‑ka xaꞌnde‑i ndaꞌa ñuu kuii, te n‑ka kee‑i Jerusalén, xa jɨn tnaꞌa‑i Jesús dava ichi. N‑ka kana‑i: —¡Na kutaꞌu‑ro Ianyuux! ¡Na kada‑ia xa kutuu vaꞌa se vaxi! ¡Se n‑tundaꞌa Ianyuux xa taxnuni‑s! ¡Na ku kuu‑s se kunxaꞌnu ka nuu ñayiu Israel!

San Juan 12:13 Referans Kwoze

Apocalipsis 15:3

Ka xita‑i canción n‑chidotnuni Moisés, se n‑xinokuechi nuu Ianyuux xiꞌin canción kakuneꞌe tkolelu. Duꞌa ka xita‑i: Taa‑ro Ianyuux, Ia kuu Xtoꞌo‑da, mee ni xa vaꞌa kida‑n. Kidandaa‑n ntdandituꞌu xa kida‑n. Xaxa mee‑n ntdandituꞌu xa ñatu kuaꞌa ñayiu xa kada‑i kida‑n. Taxnuni‑n nuu ntdaa nación ñuñayiu. Taxnuni‑n nuu ntdandituꞌu xa io.

Apocalipsis 7:9

Nu n‑yaꞌa xaꞌa, n‑xini ntuku‑da xa xyuku ntdantuꞌu ñayiu ñuu ñuñayiu nuu Ia nukoo nuu silla kaꞌnu xiꞌin nuu tkolelu. Nandɨkaa ñayiu xyuku. Kueꞌe‑i xa kueꞌe‑i xyuku. Mayo kundee kaꞌu‑i‑yɨ. Ntdaa‑i xniꞌno daꞌma kuixi te xnundaꞌa‑i ñuu.

San Juan 1:49

N‑jaꞌan Natanael: —Maestru, mee‑n kuu Daꞌya Yɨɨ Ianyuux. Mee‑n kuu se kunxaꞌnu ka nuu ñayiu Israel.

San Mateo 23:39

ni mayo ka‑n jini ñaꞌa nde na xee kɨu jaꞌan‑n: “Naka taꞌu Ia n‑natundaꞌa ñaꞌa Ianyuux xa juan ndixi‑ia ñuñayiu.” —Kuu‑ia, xiaꞌan‑ia.

San Juan 19:15

N‑ka kana xee se ijan: —¡Na kuú‑s! ¡Na kuú‑s! ¡Katakaa‑s! N‑jaꞌan Pilato: —¿Ka juini‑n xa katakaa‑r se kunxaꞌnu ka nuu‑n a? N‑ka jaꞌan dutu ka taxnuni: —Mee‑s, ña kuu‑s se kunxaꞌnu ka. ¡César kuu idini se kunxaꞌnu ka nuu‑da!

Apocalipsis 19:16

Daꞌma‑ia xiꞌin nuu tkajan‑ia ndenee dɨu‑ia. Duꞌa yodotnuni: “Ia taxnuni nuu ntdaa se ka taxnuni. Ia kunxaꞌnu nuu ntdandituꞌu se ka kunxaꞌnu.”

San Juan 12:15

Maxku yuꞌu koio ka‑n, ñayiu Jerusalén. Kundeꞌa koio‑n xa vaxi se kunxaꞌnu ka nuu‑n, yodo‑s ɨɨn burru.

San Mateo 27:42

—N‑dakaku‑s dava ñayiu, ko ña ndaku‑s xa dakaku‑s mee‑s. Nux kuu‑s se taxnuni nuu roo, ñayiu Israel, na nuu‑s nuu curuxi vitnadii te kukanu ini‑ro‑s.

San Juan 12:14

N‑niꞌi Jesús ɨɨn burru, te n‑xe kaa‑ia‑tɨ. Te xá n‑kuu kueꞌe kuia, se n‑ka chidotnuni tnuꞌu Ianyuux, n‑ka kidavaꞌa‑s xa duꞌa koo. N‑ka chidotnuni‑s: