San Juan 10:7 - New Testament in Mixtec Diuxi-tilantongo

⁷ Te n‑jaꞌan Jesús ɨnka vuelta: —Xandaa kuu xa jaꞌan‑r. Mee‑r kuu yeꞌe currali tkachi.

San Juan 10:7 Referans Kwoze

San Juan 14:6

N‑jaꞌan Jesús: —Mee‑r kuu ichi. Te kuu‑r xandaa. Te kida mee‑r xa kutuu vaꞌa koio ñayiu xiꞌin Ianyuux. Ni ɨɨn ñayiu ma kuaꞌa xa jɨꞌɨn‑i nuu tuu Taa‑r, nux ña kunduu‑i xiꞌin mee‑r.

Efesios 2:18

Ka kuu‑ro ñayiu Israel a ka kuu‑ro ñayiu ñatu kuu ñayiu Israel, ko chinuu Taa‑ro Ianyuux tnuꞌu jaꞌan‑ro nuu‑ia xaxeꞌe xa ñuꞌu ñaꞌa Espíritu‑ia. Xa na kuaꞌa juꞌun ñaꞌa Espíritu Ianyuux ntdaa‑ro, n‑xiꞌí Cristu.

San Juan 10:1

ʼXandaa kuu xa jaꞌan‑r. Ɨɨn seyɨɨ, nux kuyatni‑s currali tkachi, ko ña kɨu ndaa‑s yeꞌe currali, ko xido‑s dɨkɨ currali, te xini‑ro xa ñaduꞌu kuu‑s, xini‑ro xa juini‑s xa duꞌu‑s tkachi jan.

San Juan 10:9

Yeꞌe currali kuu mee‑r. Nux jandixa ñaꞌa ɨɨn ñayiu mee‑r, te taxkanu ini Ianyuux kuechi‑i, te kutuu vaꞌa‑i xiꞌin‑ia. Ka kuu ñayiu jan ná kuu tkachi ndɨu yeꞌe currali. Kee‑tɨ xa kaxi‑tɨ, te ndɨu‑tɨ xa kutuu vaꞌa‑tɨ.