San Juan 10:37 - New Testament in Mixtec Diuxi-tilantongo

³⁷ Nux ña kida‑r tniu Taa‑r, te maxku jandixa ñaꞌa koio‑n.

San Juan 10:37 Referans Kwoze

San Juan 15:24

Nux ña n‑kida‑r milagru ñayo ɨnka ñayiu nuncas ña n‑kida n‑kuu, ma tekuechi‑i anu mee‑i. Ko vitna, xa n‑ka xini ñaꞌa‑i mee‑r, te dani xa n‑ka xini‑i Taa‑r tuku. Xá n‑ka xini uꞌu ñaꞌa‑i mee‑r, te dani xa n‑ka xini uꞌu‑i Taa‑r tuku.

San Juan 10:25

N‑jaꞌan Jesús: —Xá n‑jaꞌan‑r, te ñayo‑n ka jandixa. N‑tundaꞌa ñaꞌa Taa‑r, te kida‑r tniu n‑taxi‑ia, te tniu kida‑r jaꞌan ndaa xaxeꞌe‑r.

San Juan 14:10

¿Ña ka jandixa‑n xa kunduu mee‑r xiꞌin Taa‑r te kunduu Taa‑r xiꞌin mee‑r a? Tnuꞌu jaꞌan‑r nuu‑n, ñatu kuu tnuꞌu mee‑r. Kunduu Taa‑r xiꞌin‑r, te kida mee‑ia tniu‑ia.

San Juan 10:32

N‑jaꞌan Jesús: —N‑taxi Taa‑r kueꞌe tniu vaꞌa, te n‑dandeꞌa ñaꞌa‑r tniu jan nuu mee‑n. ¿Xaxeꞌe ndeda ɨɨn tniu n‑kida‑r, ka juini‑n xa kaꞌni ñaꞌa‑n yuú?

San Juan 5:31

Nux n‑jaꞌan mee‑r xaxeꞌe mee‑r n‑kuu, te jaꞌan koio mee‑n xa ña ndaa.