San Juan 1:30 - New Testament in Mixtec Diuxi-tilantongo

³⁰ N‑jaꞌan ndaa‑da xaxeꞌe mee‑s, hora n‑jaꞌan‑da xa ndodo nuu ka‑da n‑kixee nuu ɨɨn seyɨɨ taxnuni ka dada mee‑da. Taxnuni ka‑ia, chi xá daa tuu‑ia, antecas xa kuaꞌa ntdaa xa io.

San Juan 1:30 Referans Kwoze

San Juan 1:27

Juini ndodo nuu ka‑r vaxi, ko taxnuni ka mee‑s dada mee‑r. Ni xa ku kuu‑r muxu‑s, ma kuaꞌa‑r. Ni xa nandaxi‑r correa ndixa‑s, ma kuaꞌa‑r.

San Juan 1:15

Te n‑jaꞌan ndaa Sua xaxeꞌe‑ia hora n‑kana‑s: —Se yaꞌa kuu se n‑kakuneꞌe‑da nuu‑n. N‑jaꞌan‑da xa juindodo nuu mee‑da nuu mee‑ia kixee, ko taxnuni ka mee‑ia dada mee‑da. Chi antecas xa kuaꞌa ntdaa xa io, te xá daa tuu‑ia.

San Lucas 3:16

Xijan kuu xa duꞌa xiaꞌan Sua nuu‑i: —Ruꞌu, dajuendute ñaꞌa, te Ia kixi kada xa keé ñaꞌa Espíritu Ianyuux, te ndadandaa‑ia kuechi‑n. Taxnuni ka‑ia dada ruꞌu. Ñatu natau xa junukuechi‑r nuu‑ia, ni xa nandaxi‑r correa ndixa‑ia chi se dakuu nga kuu‑r.

San Mateo 3:11

Ruꞌu dajuendute ñaꞌa nuu ndute, ko na xinokava tniu‑r, te kixi Ia kixi. Tuku kada‑ia. Taxnuni ka‑ia dada ruꞌu. Ni ñatu natau xa junukuechi‑r nuu‑ia, ni xa kaneꞌe‑r ndixa‑ia chi se dakuu nga kuu‑r. Mee‑ia kada xa juꞌun ñaꞌa Espíritu Ianyuux, te ndadandaa‑ia kuechi‑n.

San Juan 1:31

Te mee‑da, ña n‑xo najini‑da‑ia. Juini n‑dajuendute‑da ñayiu, xa kutnuni ini koio ñayiu Israel jundu kuu mee‑ia, ko na n‑kixi‑ia, te ña n‑najini‑da‑ia.

San Juan 10:41

Ijan n‑ka kixee kueꞌe ñayiu, te n‑ka jaꞌan‑i: —Ni ɨɨn milagru ña n‑kida Sua, ko ndaa n‑jaꞌan‑s xaxeꞌe se yaꞌa. Ntdaa xa n‑jaꞌan‑s kuu xandaa.