Hechos 9:18 - New Testament in Mixtec Diuxi-tilantongo

¹⁸ Hora ijan ni junkoio xa ná kaa chichi n‑xo ndeyuku nuu Saulo te n‑nukondeꞌa‑s. N‑ndokoo‑s te n‑xendute‑s.

Hechos 9:18 Referans Kwoze

2 Corintios 3:14

Ko ñayiu jan, ñatu duꞌa n‑ka kutnuni ini‑i. Te nde vitna, hora ka kaꞌu ñayiu Israel tnuꞌu taꞌu tniu, te kuu ná kuu xa dani daꞌu nuu‑i daꞌma jan, xa ma kutnuni ini koio‑i. Chi io xa jandixa ɨɨn ñayiu Cristu, te dada dita Cristu daꞌma jan.

Hechos 22:16

Te vitna, ¿nax ndetu‑n? Ndojuiin‑n te juendute‑n. Kajan taꞌu‑n nuu Ianyuux xa na taxkanu ini‑ia kuechi n‑kida‑n”, kuu Ananías nuu‑da.

Hechos 2:38

Xiaꞌan Spedru nuu‑i: —Natu ini koio xa n‑ka kida‑n kuechi na kuaꞌa na taxkanu ini Ianyuux kuechi‑n, te juendute koio‑n ɨɨn ɨɨn‑n xaxeꞌe xa ka kukanu ini‑n Jesucristu. Kada Taa‑ro Ianyuux xa keé ñaꞌa Espíritu‑ia.

2 Corintios 4:6

Ná n‑taꞌu tniu Ianyuux xa ndii ngandii nuu nee, xa kuaꞌa‑ro xa kundeꞌa‑ro xa io ñuñayiu yaꞌa, da n‑tundaꞌa Ianyuux Cristu ñuñayiu, xa kuaꞌa‑ro xa jini‑ro Ianyuux. Hora xini‑ro nuu Jesucristu, xini‑ro xadiñu Ianyuux, xini‑ro xa Ia kunxaꞌnu ka kuu‑ia, Ia taxnuni nuu ntdaa xa io.

Hechos 2:41

Duꞌa n‑kuu xa n‑ka jandixa ñayiu tnuꞌu n‑jaꞌan Spedru, te n‑ka xendute‑i. Naxa uni mil ñayiu n‑ka kɨu tnaꞌa nuu ñayiu ka kukanu ini Jesús kɨu ijan.

Hechos 9:8

Ijan dada n‑ndokoo Saulo, ko nu n‑najaan‑s nuu‑s, ña n‑kuu ka xa kundeꞌa‑s chi n‑kuaa‑s. Xijan kuu xa n‑ka tnɨɨ se ndeka tnaꞌa xiꞌin‑s ndaꞌa‑s te xtañuꞌu ñaꞌa‑s juaꞌan Damasco.

Hechos 9:17

Ijan dada juaꞌan Ananías veꞌe nuu tuu Saulo, te n‑kɨu‑s. N‑xajan ndodo‑s ndaꞌa‑s dɨkɨ Saulo, te n‑jaꞌan‑s: —Vaꞌa nga taꞌu kuu‑n, Ñani. Jesús, Ia n‑xini‑n ichi vaxi‑n, n‑tundaꞌa ñaꞌa. Kuu‑ia Xtoꞌo‑ro. Vaxi‑da na nukondeꞌa‑n te juꞌun ñaꞌa Espíritu Ianyuux.

Hechos 9:19

Ijan dada n‑xaxi‑s te n‑naniꞌi ndee‑s. Tɨtnɨɨ kɨu n‑ndoo‑s xiꞌin ñayiu ka kukanu ini Jesucristu Damasco.

Hechos 22:13

N‑xee Ananías nuu n‑xo tuu‑da, te n‑jaꞌan‑s: “Saulo, na nukondeꞌa‑n.” Hora ijan ni n‑nukondeꞌa‑da te n‑xini‑da‑s.