Hechos 8:30 - New Testament in Mixtec Diuxi-tilantongo

³⁰ N‑kendava Slipe; n‑xe tuꞌa‑s carreta jan, te n‑teku‑s xa kaꞌu se Etiopía jan libru yodotnuni tnuꞌu Isaías jan. Nu n‑teku‑sɨ xijan, n‑xijan tnuꞌu‑s‑sɨ: —¿Kutnuni ini‑n tnuꞌu kaꞌu‑n de a?

Hechos 8:30 Referans Kwoze

San Juan 5:39

Ka kaꞌu‑n xa ka kaꞌu‑n tnuꞌu Ianyuux, chi ka xani ini‑n xa duꞌa kutuu vaꞌa koio‑n xiꞌin Ianyuux kuia ma jɨn ndɨꞌɨ. Ko tnuꞌu ka kaꞌu‑n jaꞌan ndaa xaxeꞌe mee‑r.

Efesios 5:17

Maxku ku kuu koio‑n ñayiu lilu. Jun ini koio‑n xa jini‑n nuu nax juini Ianyuux xa kada koio ñayiu.

San Mateo 15:10

Ijan dada n‑kana‑ia ñayiu xyuku ijan, te xiaꞌan‑ia nuu‑i: —Kunini koio xa jaꞌan‑r na kuaꞌa na kutnuni ini‑n nax kuu xa jaꞌan‑r.

San Mateo 13:23

Nuu ñuꞌu vaꞌa nuu n‑daꞌu trɨu jan, xijan kuu ñayiu xnini tnuꞌu Ianyuux, te ka kutnuni ini‑i. Dava yoko trɨu jan n‑kee ɨɨn cientu ɨɨn cientu nuni. Dava yoko trɨu jan n‑kee uni diko, uni diko nuni. Dava yoko jan n‑kee oko uxi, oko uxi nuni —kuu Jesús, n‑jaꞌan‑ia.

San Mateo 13:19

Ñayiu ka teku nax io xa kada‑i xa kɨu tnaꞌa‑i nuu ñayiu taxnuni Ianyuux nuu‑i, te ña ka kutnuni ini‑i xa n‑ka teku‑i, kuenda kɨu ichi nuu ndava trɨu jan ka kuu‑i. Xee Kuiꞌna te dajaꞌan ñaꞌa‑i xa maxku kunini koio ka‑i tnuꞌu jan.

1 Corintios 14:19

Ko hora jaꞌan‑da nuu ñayiu ka jandixa Jesucristu, juini‑da xa dakuaꞌa‑da‑i. Juini‑da xa kani ini‑da, te jaꞌan‑da oꞌon ni tnuꞌu, te duꞌa chindee‑da ñayiu ka jandixa Jesucristu, dada xa jaꞌan‑da uxi mil tnuꞌu xee‑da, te duꞌa kuu xa ma chindee‑da‑i ni itaꞌu.

San Marcos 13:14

ʼKundeꞌa koio‑n ɨɨn xa yo kuiꞌa kaa, ɨɨn xa ñatu ii, nujuiin xiti veñuꞌu Jerusalén. Hora ijan dandoo Ianyuux veñuꞌu ñayiu Israel, xa ma kutuu ka‑ia xiti veñuꞌu ijan. Se n‑xian tnuꞌu tnuꞌu Ianyuux nuu ñayiu, se nani Daniel, n‑xo kakuneꞌe‑s xa duꞌa koo. Hora na kundeꞌa koio‑n xa kuiꞌa kaa nujuiin nuu maxku ku nujuiin, io xa kunu koio ñayiu xtuu Judea, jɨꞌɨn‑i yuku. (Te ndeda‑n ka kaꞌu tnuꞌu yodotnuni yaꞌa, io xa kutnuni ini‑n tnuꞌu yaꞌa.)

San Mateo 24:15

ʼJini koio‑n xa kineꞌe ñayiu ñatu ii ndatniu ii io xiti veñuꞌu, te ma chinuu‑i xa ii xijan. Jɨn tnaꞌa xa n‑chidotnuni Daniel se n‑jaꞌan nuu ñayiu xa n‑jaꞌan Ianyuux.

San Mateo 13:51

Ijan dada n‑xijan tnuꞌu ñaꞌa Jesús ntdaa‑da: —¿N‑ka kutnuni ini‑n xa n‑jaꞌan‑r a? —Joon —kuu‑da, ka xiaꞌan‑da nuu‑ia.

Apocalipsis 13:18

Diko ni ñayiu tuꞌa tnuꞌu ndichi te kaxi ini‑i kuaꞌa kada‑i cuenta número kɨt ndeꞌe n‑kane nuu mar jan chi numero ijan kuu número ñayiu. Número‑tɨ kuu iñu cientu uni diko iñu.

Hechos 8:27

N‑tnɨɨ ichi‑s. Juaꞌan‑s, te n‑xe juntnaꞌa‑s xiꞌin ɨɨn se país Etiopía nuu taxnuni ɨɨn ñadɨꞌɨ nani Candace. Kuu‑s se yɨndaꞌa tvini país ijan. N‑xeꞌen‑s Jerusalén xa n‑nakuetu‑s nuu Ianyuux.

San Juan 4:34

N‑jaꞌan Jesús: —Xa xaa‑r kuu xa kida‑r xa juini Ianyuux n‑tundaꞌa ñaꞌa. Kuu xa daxinokava‑r tniu n‑taxi‑ia.

Hechos 8:5

Se nani Slipe, n‑kee‑s Jerusalén. N‑kixee‑s ñuu Samaria, te n‑jaꞌan‑s nuu ñayiu ijan xa Jesús kuu Cristu.

Hechos 8:29

Xiaꞌan Espíritu Ianyuux nuu Slipe: —Juan tuꞌa carreta jan.

Hechos 8:31

N‑jaꞌan se Etiopía nuu‑s: —Ña kutnuni ini‑da chi ñayo kachitnuꞌu ñaꞌa. Xiaꞌan‑s nuu Slipe xa na nkaa‑s carreta jan te na nkoo‑s diñi‑s.