Hechos 7:36 - New Testament in Mixtec Diuxi-tilantongo

³⁶ Dɨu‑s n‑kuu se n‑kineꞌe xixitna‑ro Egipto. N‑kida‑s milagru na n‑xo tuu‑i ijan, na n‑ka yaꞌa‑i mar nani Mar Kueꞌe, na n‑ka xo tuu‑i nuu ñayo ñayiu io te ñatu nga juun dau du. Uu diko kuia n‑xo tuu‑i ijan.

Hechos 7:36 Referans Kwoze

Hebreos 8:9

Tratu xee, ñatu kuu ná kuu tratu n‑kida‑r xiꞌin taxaꞌnu tnetnu ñayiu jan. N‑daneꞌe‑r ñayiu jan, te ndeka‑r ñayiu jan juaꞌan, xa kee koio‑i ñuu nani Egipto. Ko ña n‑ka jandixa‑i tratu n‑kida‑r, te xijan kuu xa n‑dandoo‑r‑yɨ”, kuu Xtoꞌo‑ro xiaꞌan‑ia.

Hechos 13:18

N‑kundee ini Ianyuux xa ñatu n‑ka jandixa ñaꞌa xixitna‑ro, na n‑ka xo tuu‑i nuu ñayo ñayiu io te ñatu nga juun dau uu diko kuia.

Hechos 7:42

Xaxeꞌe xaꞌa n‑xika yata Ianyuux nuu‑i. N‑dandoo‑ia‑i xa ndadakaꞌnu koio‑i chudini, chi duꞌa n‑ka chidotnuni se n‑ka jaꞌan tnuꞌu Ianyuux nuu ñayiu: Ndoꞌo, ñayiu Israel, na n‑ka xo tuu‑n nuu ñayo ñayiu io te ñatu nga juun dau uu diko kuia, n‑ka doko‑n ɨɨn xa n‑ka doko‑n nuu‑r, ko kuenda kɨu ña tuu nax n‑ka doko‑n nuu‑r,

San Juan 4:48

Xijan kuu xa n‑jaꞌan Jesús: —Ka juini‑n xa jini koio‑n milagru, te nux ma jini koio‑n, nuncas ma jandixa ñaꞌa koio‑n.

Hebreos 3:8

maxku kuxee ini koio mee‑n, ná n‑ka kuxee ini taxaꞌnu tnetnu‑n. Ña n‑ka jandixa‑i Ianyuux. Na n‑ka xikonuu ñayiu jan nuu ñayo ñayiu io, n‑ka kida‑i xa yo n‑kiti ini‑r nuu‑i.

Hebreos 3:9

N‑ka xitotnuni ñaꞌa taxaꞌnu tnetnu‑n. N‑ka juini ñayiu jan kueꞌe ka seña. Uu diko kuia n‑ka xini‑i seña naꞌnu n‑kida‑r xaxeꞌe‑i, te dani ta koo koio ka‑i confianza nuu‑r.