Hechos 27:1 - New Testament in Mixtec Diuxi-tilantongo

¹ N‑ka xino ini‑s xa tundaꞌa‑s Spalu xiꞌin dava ka se xyɨndiꞌu xa kixi koio‑s Italia. N‑ka tnɨɨ koio‑s barcu. N‑xeka ɨɨn centurión nani Skuliu Spalu xiꞌin dava ka se xyɨndiꞌu. Centurión Batallón Emperador kuu‑s.

Hechos 27:1 Referans Kwoze

Hechos 25:25

Xani ini‑da xa ña tuu na kuechi n‑kida‑s xa kuú‑s, ko xijan niꞌno mee‑s xa kadandaa emperador kuechi‑s te n‑xino ini‑da xa tundaꞌa‑da‑s jɨꞌɨn nuu‑s,

Hechos 25:12

N‑ndatnuꞌu Festo xiꞌin sexaꞌnu, te n‑xian tnuꞌu‑s nuu janda koo. Ijan dada xiaꞌan‑s nuu Spalu: —Xaxeꞌe xa xijan niꞌno‑n xa jɨꞌɨn‑n nuu emperador, nuu emperador jɨꞌɨn‑n.

Hechos 10:1

Cesarea io ɨɨn centurión nani Cornelio. Italiano nani ɨɨn cientu soldado ndeka‑s.

Hechos 27:11

Juini daa n‑jaꞌan Spalu ñatu n‑jandixa ñaꞌa centurión jan chi naa xa n‑jandixa‑s xa n‑jaꞌan Spalu n‑jandixa‑s xa n‑jaꞌan se kuu xtoꞌo barcu jan xiꞌin se taxnuni nuu se ka dakaka barcu jan.

Hechos 18:2

Ijan n‑nitnaꞌa‑s xiꞌin ɨɨn se kuu yatnuꞌu Israel nani Áquila xiꞌin ñadɨꞌɨ‑s. Priscila nani‑ña. Se Ponto kuu‑s. Dijan xaku n‑kuu n‑ka xee‑s Corinto xa n‑ka xo tuu‑s Roma, país Italia. N‑ka ndee‑s yaꞌa xaxeꞌe xa n‑taꞌu tniu se kuu emperador nani Claudio xa kee ntdaa ñayiu ka kuu yatnuꞌu Israel Roma. N‑xe kotoniꞌni Spalu se yaꞌa xiꞌin ñadɨꞌɨ‑s.

Hebreos 13:24

Xanyuux nuu ntdaa sexaꞌnu ka taxnuni nuu‑n. Xanyuux nuu ntdaa ñayiu ka jandixa Cristu ijan. Ñayiu ka jandixa Cristu do Italia ka tundaꞌa xanyuux nuu mee‑n.

Hechos 28:16

Nu n‑ka kixee‑da Roma, n‑xejoon centurión xa kutuu dɨɨn Spalu ɨɨn veꞌe, te n‑xo ndee ñaꞌa ɨɨn soldado xa maxku kee‑s.

Hechos 27:43

ko ñatu n‑xejoon centurión chi n‑juini‑s xa kakú Spalu xa kuú‑s. N‑taꞌu tniu‑s xa se ka tuꞌa xa kada nadari‑s, kiꞌna ka‑s na keé koio nuu ndute xa na xee koio‑s nde nuu ñuꞌu yichi,

Hechos 27:6

Mira jan n‑niꞌi Skuliu ɨɨn barcu Alejandría vaxi Italia. N‑jaꞌan‑s xa na keé koio‑da barcu ijan, te n‑ka keé‑da.

Hechos 24:23

Te n‑taꞌu tniu se kuu gobernador jan, nuu centurión xa na kɨundiꞌu naꞌi Spalu, ko na juejoon‑s xa kuikonuu‑s juera danaa danaa. Dɨuni na juejoon‑s xa na kotoniꞌni ñaꞌa ñayiu kumani xiꞌin‑s xa na juñaꞌa‑i xa ndoñuꞌu‑s.

Hechos 23:17

N‑kana Spalu ɨɨn centurión te xiaꞌan‑s: —Kandeka‑n solteru ya juaꞌan nuu comandante chi io ɨɨn xa juña tnuꞌu‑s‑sɨ.

Hechos 23:11

Xakuaa ijan n‑kɨu Ianyuux nuu tuu Spalu te n‑jaꞌan‑ia: —Maxku yuꞌu‑n xa jaꞌan‑n nuu ñayiu xa n‑jaꞌan‑r. Nani n‑jaꞌan‑n xa kida‑r nuu ñayiu Jerusalén ya, dani jaꞌan‑n nuu ñayiu Roma.

Hechos 22:26

Nu n‑teku centurión xaꞌa, n‑xe juña tnuꞌu‑s comandante. Xiaꞌan‑s: —¿Janda kada‑n?, chi io tutu se yaꞌa xa kuu‑s se romano.

Hechos 21:32

te n‑nadataka‑s soldado‑s xiꞌin soldado ka taxnuni. N‑ka kendava‑s; ka xeꞌen‑s nuu xyuku ñayiu jan. Nu n‑ka xini ñayiu jan comandante xiꞌin soldado‑s, n‑ka nujani‑i xa ka jani‑i Spalu.

Hechos 19:21

Nu n‑yaꞌa ntdaa xaꞌa, n‑xani ini Spalu xa kixi ntuku‑s Macedonia xiꞌin Acaya, te ijan dada nuꞌu‑s Jerusalén. Te n‑xo jaꞌan‑s: —Na yaꞌa xa nuꞌu‑r Jerusalén, io xa jɨꞌɨn‑r Roma.

Hechos 16:10

Nu n‑yaꞌa xa n‑tutuku Spalu xa n‑xini‑s ɨɨn se n‑xini‑s, te hora ijan ni n‑ka kidatuꞌa‑da mee‑da xiꞌin‑s xa kixi koio‑da Macedonia. N‑ka kutnuni ini‑da xa Ianyuux n‑kana ñaꞌa xa na jaꞌan koio‑da nuu ñayiu ñuu ijan nax kada‑i xa nanitaꞌu‑i.

Hechos 10:22

Ka xiaꞌan se ijan: —Ɨɨn se kuu centurión n‑tundaꞌa ñaꞌa xa vaxi koio‑da. Cornelio nani‑s. Jandixa‑s Ianyuux, te io‑s xañuꞌu nuu‑ia. Ntdaa ñayiu Israel ka jaꞌan xa vaꞌa‑s. Ɨɨn ángel, ia xinokuechi nuu Ianyuux, n‑jaꞌan nuu‑s. N‑xiaꞌan‑ia xa na kana ñaꞌa‑s ndixi xa jɨꞌɨn‑n veꞌe‑s te kunini‑s ntdaa xa na jaꞌan‑n nuu‑s.

San Lucas 23:47

N‑xini centurión nujuiin yatni xeꞌe curuxi xa n‑yaꞌa, te n‑najuen tnuꞌu‑s Ianyuux. N‑jaꞌan‑s: —Xandaa xakuiti ña tuu na kuechi se yaꞌa io.

San Lucas 7:2

Ijan tuu ɨɨn centurión. Yo kaꞌu kuꞌu se kidatniu nuu‑s, diko nga xa kuú‑s. Yo mani n‑juini‑s‑sɨ.

San Mateo 27:54

Nu n‑ka xini centurión xiꞌin soldado n‑ka xo ndee xiꞌin‑s Jesús xa n‑tnaa, yo vichi n‑ka yuꞌu‑s. Te ka xiaꞌan tnaꞌa‑s: —Xandaa xakuiti xa se yaꞌa kuu Daꞌya Yɨɨ Ianyuux.

Hechos 28:1

Nu n‑yaꞌa n‑ka kaku‑da, te n‑kachitnuꞌu ñaꞌa ñayiu io isla ijan xa Malta nani ijan.