Hechos 26:22 - New Testament in Mixtec Diuxi-tilantongo

²² ko n‑chindee ñaꞌa Ianyuux xa ñatu n‑ka xaꞌni ñaꞌa‑s, te kakuneꞌe naꞌi‑da‑ia nuu ñayiu ndandɨꞌɨ xiꞌin nuu ñayiu ñatu ndandɨꞌɨ. Ñadu xa xani ini mee‑da jaꞌan‑da chi jaꞌan‑da xa n‑ka jaꞌan se n‑ka jaꞌan tnuꞌu Ianyuux nuu ñayiu xiꞌin xa n‑chidotnuni Moisés na n‑kakuneꞌe‑s nuu nax yaꞌa.

Hechos 26:22 Referans Kwoze

Hechos 24:14

Na jaꞌan ndaa‑da xa kukanu ini‑da Jesús, te xinokuechi‑da nuu Ianyuux xixitna‑da chi jandixa naꞌi‑da ntdaa xa n‑chidotnuni Moisés xiꞌin xa n‑ka kidavaꞌa se n‑ka jaꞌan tnuꞌu Ianyuux nuu ñayiu, ko ñatu daa ka jaꞌan‑s chi ka jaꞌan‑s xa tuku jandixa‑da.

San Juan 5:46

Nux n‑ka jandixa‑n Moisés n‑kuu, te jandixa ñaꞌa koio‑n mee‑r. Chi n‑kakuneꞌe ñaꞌa Moisés mee‑r, na n‑chidotnuni‑s tnuꞌu Ianyuux.

Hechos 10:43

Ntdaa se n‑ka jaꞌan tnuꞌu Ianyuux nuu ñayiu xá n‑kakuneꞌe Jesús. N‑ka jaꞌan‑s xa ñayiu kukanu ini‑ia, taxkanu ini Ianyuux kuechi n‑ka kida‑i —kuu Spedru, xiaꞌan‑s.

San Lucas 24:44

Te xiaꞌan‑ia: —Na n‑xo tuu‑ro, n‑jaꞌan‑r nuu‑n xa: “Io xa jɨn tnaꞌa ntdantuꞌu tnuꞌu Ianyuux kakuneꞌe ñaꞌa n‑chidotnuni Moisés xiꞌin xa n‑ka chidotnuni se n‑ka kidavaꞌa Salmos.”

San Lucas 24:27

Te n‑dakuaꞌa‑ia‑s. N‑kakuneꞌe‑ia ntdaa tnuꞌu Ianyuux xyodotnuni kakuneꞌe ñaꞌa. N‑kixeꞌe‑ia xa kakuneꞌe‑ia tnuꞌu n‑chidotnuni Moisés xiꞌin tnuꞌu n‑ka chidotnuni se n‑ka jaꞌan tnuꞌu Ianyuux nuu ñayiu. Ijan dada n‑kakuneꞌe‑ia dava ka tnuꞌu Ianyuux kakuneꞌe ñaꞌa.

Apocalipsis 15:3

Ka xita‑i canción n‑chidotnuni Moisés, se n‑xinokuechi nuu Ianyuux xiꞌin canción kakuneꞌe tkolelu. Duꞌa ka xita‑i: Taa‑ro Ianyuux, Ia kuu Xtoꞌo‑da, mee ni xa vaꞌa kida‑n. Kidandaa‑n ntdandituꞌu xa kida‑n. Xaxa mee‑n ntdandituꞌu xa ñatu kuaꞌa ñayiu xa kada‑i kida‑n. Taxnuni‑n nuu ntdaa nación ñuñayiu. Taxnuni‑n nuu ntdandituꞌu xa io.

Romanos 3:21

N‑jaꞌan Ianyuux nuu ñayiu nax kada‑i xa ma kundido kutau ka‑i kuechi n‑ka kida‑i. N‑jaꞌan‑ia xa ma kundido kutau ka‑i kuechi n‑ka kida‑i nux kukanu ini‑i Jesucristu. Ñadu xaxeꞌe xa n‑ka jandixa‑i ley‑ia ma kundido kutau ka‑i kuechi n‑ka kida‑i. Ni ñatu n‑chidotnuni Moisés xiꞌin se n‑ka jaꞌan tnuꞌu Ianyuux nuu ñayiu xa ley kada xa ma kundido kutau ka‑i kuechi n‑ka kida‑i. Davaꞌa nga ñayiu kukanu ini Jesucristu ñatuka xndido xtau‑i kuechi‑i; idii ni xaꞌa io xa kada‑i te ma kundido kutau ka‑i kuechi‑i.

Hechos 28:23

Te n‑ka xantuu‑s kɨu nataka koio‑s. Kueꞌe ka ñayiu n‑ka taka nuu tuu Spalu kɨu n‑ka xantuu‑s, te nyakanyaa n‑ka xo yuku‑i ijan. N‑jaꞌan‑s nuu‑i xa taxnuni Ianyuux, te dɨuni n‑kakuneꞌe‑s xa n‑chidotnuni Moisés xiꞌin xa n‑ka chidotnuni se n‑ka jaꞌan tnuꞌu Ianyuux nuu ñayiu xa daxino ini‑s‑yɨ xa na kukanu ini‑i Jesús.

Hechos 26:17

Tundaꞌa ñaꞌa‑r jɨꞌɨn nuu ñayiu ka kuu yatnuꞌu Israel xiꞌin nuu ñayiu ñatu ka kuu yatnuꞌu Israel, te dakaku ñaꞌa‑r nuu‑i.

Hechos 26:6

Te vitna xndeka ñaꞌa‑s n‑ka kixee yaꞌa xaxeꞌe xa ñu ini‑da xa yaꞌa ɨɨn xa n‑chinaa Ianyuux nuu xixitna‑da ntdaa‑da xa ka kuu‑da daꞌya dana Israel xa yaꞌa.

San Juan 5:39

Ka kaꞌu‑n xa ka kaꞌu‑n tnuꞌu Ianyuux, chi ka xani ini‑n xa duꞌa kutuu vaꞌa koio‑n xiꞌin Ianyuux kuia ma jɨn ndɨꞌɨ. Ko tnuꞌu ka kaꞌu‑n jaꞌan ndaa xaxeꞌe mee‑r.

San Juan 1:45

N‑nanitnaꞌa Slipe xiꞌin Natanael, te n‑jaꞌan‑s: —N‑ka nanitnaꞌa‑r xiꞌin ɨɨn seyɨɨ. Hora n‑chidotnuni Moisés tnuꞌu n‑taꞌu tniu Ianyuux, n‑jaꞌan‑s xa kixi ɨɨn seyɨɨ. Se n‑ka xian tnuꞌu tnuꞌu Ianyuux nuu ñayiu du. N‑ka chidotnuni‑s xa kixi ɨɨn seyɨɨ. Te vitna xa n‑ka nanitnaꞌa‑r xiꞌin‑s. Kuu‑s Jesús, daꞌya José. Se ñuu Nazaret kuu‑s.

San Juan 1:17

Chi tnuꞌu n‑taꞌu tniu Ianyuux, n‑taxi Ianyuux xiꞌin Moisés. Te xamani‑ia xiꞌin xa kuu xandaa, n‑taxi‑ia xiꞌin Jesucristu.

San Lucas 24:46

Te xiaꞌan‑ia: —Xyodotnuni xa io xa ndaꞌu yaꞌa ruꞌu, Ia kuu Cristu, te nandoto‑r kɨu kuu uni.

Apocalipsis 20:12

Te n‑xini‑da ñayiu n‑ka xiꞌí xniñi yatni nuu nukoo silla kuixi kaꞌnu jan. Nandɨkaa nandituꞌu ñayiu n‑ka xiꞌí xyuku ijan. Nani xyuku ñayiu dakuu nga dani xyuku ñayiu ndandɨꞌɨ. N‑ka nandɨka tutu xtuniꞌno io andɨu nuu xyodotnuni nax n‑ka kida ñayiu, te n‑ka kundaa kuechi‑i ná xyodotnuni nuu tutu jan. Dɨuni nandɨka ɨnka ntuku tutu tuniꞌno nuu xyodotnuni dɨu ñayiu kutuu xiꞌin Ianyuux nɨkava nɨkuita.

Apocalipsis 11:18

N‑xee hora ndadandaa‑n kuechi dava ñayiu nación ñuñayiu ka kiti ini nuu‑n, chi kiti ini‑n nuu‑i tuku. Dɨuni n‑xee hora ndadandaa‑n kuechi ñayiu n‑ka xiꞌí te n‑ka nandoto‑i. N‑xee kɨu dananitaꞌu‑n se n‑ka xinokuechi nuu‑n, se n‑ka xo jaꞌan xa n‑jaꞌan‑n nuu ñayiu. N‑xee kɨu nanitaꞌu ñayiu n‑kida‑n xa n‑ka nduu‑i ñayiu ii. Xndaxio ñayiu yaꞌa xañuꞌu nuu‑n. Dava‑i ndandɨꞌɨ, te dava‑i ka kuu ñayiu dakuu nga. Te danaa‑n ñayiu n‑ka danaa ntaka ñuu io ñuñayiu. Ka kuu sexaꞌnu ka kunxaꞌnu jan.

2 Timoteo 3:11

Koto na n‑ka kida uꞌu ñaꞌa ñayiu ñuu Antioquía, Iconio, Listra du xaxeꞌe Cristu Jesús. Ndaꞌu n‑yaꞌa‑r ijan, ko n‑kundee ini‑r. ¡Naka kueꞌe xa n‑ka kida ñaꞌa ñayiu! Ko ñatu n‑xaꞌni ñaꞌa‑i chi n‑chindee ñaꞌa Ianyuux, Ia kuu Xtoꞌo‑ro.

San Mateo 26:24

Yaꞌa mee‑r, Ia kuu ñayiu, ná yodotnuni tnuꞌu Ianyuux, te ndaꞌu yaꞌa se kada xa tnɨɨ ñaꞌa juxtixia. Vaꞌa ka nuu n‑xiꞌí niꞌno‑s xiti dɨꞌɨ‑s n‑kuu —kuu‑ia.

San Lucas 16:28

chi io oꞌon ka ñani‑da. Na juñaꞌa‑s nax yaꞌa ñayiu kida ná ka kida‑s na ñaꞌa kixi‑s yaꞌa nuu yo ndaꞌu ka yaꞌa ntdaa daña”, kuu‑s, xiaꞌan‑s.

Hechos 13:29

Nu n‑yaꞌa ntdaa xa xyodotnuni xa yaꞌa‑ia, n‑ka nuneꞌe‑s‑ia nuu curuxi, te n‑ka chinduxi‑s‑ia yau kava,

1 Corintios 15:3

N‑jaꞌan‑da nuu mee‑n xa n‑tnɨɨ mee‑da. Xa kiꞌna nuu, kuu xa n‑xiꞌí Cristu xaxeꞌe kuechi mee‑ro. Duꞌa n‑kida Cristu ntdaa ná io ná juaꞌan tnuꞌu Ianyuux n‑ka chidotnuni seyɨɨ xá n‑kuu kueꞌe kuia.

1 Corintios 15:4

N‑ka kuxi ñayiu yɨkɨ kuñu ndi Jesús, te nuu uni kɨu n‑kida Ianyuux xa n‑nandoto‑ia. Duꞌa n‑ka chidotnuni seyɨɨ xá n‑kuu kueꞌe kuia.