Hechos 23:19 - New Testament in Mixtec Diuxi-tilantongo

¹⁹ N‑tnɨɨ comandante jan ndaꞌa solteru jan, te ndeka dɨɨn ñaꞌa‑s juaꞌan ɨɨn lado, te n‑xijan tnuꞌu ñaꞌa‑s: —¿Nax juini‑n xa jaꞌan‑n nuu‑r?

Hechos 23:19 Referans Kwoze

San Marcos 10:51

N‑jaꞌan Jesús nuu‑s: —¿Nax juini‑n xa kada‑r xaxeꞌe‑n? N‑xiaꞌan se kuaa: —Maestru, juini‑da xa nukondeꞌa‑da.

San Marcos 9:27

Ko n‑tnɨɨ Jesús ndaꞌa‑s, te n‑ndoneꞌe‑ia‑s. Ijan n‑ndojuiin‑s.

San Marcos 8:23

N‑tnɨɨ‑ia ndaꞌa‑s, te ndeka‑ia‑s juaꞌan nde yuñuu. Ijan n‑xajan‑ia dɨɨ‑ia nduchi nuu‑s, te n‑tenee‑ia ndaꞌa‑ia nuu‑s. N‑xijan tnuꞌu‑ia‑s: —¿Nukondeꞌa‑n itaꞌu a?

San Juan 18:12

Xijan kuu xa soldado romano, xiꞌin se taxnuni nuu‑s, xiꞌin policía n‑ka tundaꞌa se taxnuni nuu ñayiu Israel, ntdaa mee‑s, n‑ka tnɨɨ presu‑s Jesús, te n‑ka duku‑s‑ia.

Hechos 17:19

Ijan dada xndeka‑s Spalu juaꞌan Areópago nuu ka nataka se ka taxnuni. Te ka xiaꞌan‑s: —¿Vatuka kachitnuꞌu ñaꞌa‑n nax kuu xa kakuneꞌe‑n a?, chi ñayo‑da ka xini xijan.

Hechos 23:18

Ndeka centurión solteru jan juaꞌan nuu comandante jan, te xiaꞌan‑s: —Se yɨndiꞌu nani Spalu n‑kana ñaꞌa, te n‑jaꞌan‑s xa na kandeka‑da solteru ya kixi nuu‑n chi io ɨɨn xa jaꞌan‑s nuu‑n ne.

Hechos 23:20

Xiaꞌan solteru jan: —N‑ka kida ɨnuu se Israel xiꞌin juxtixia‑s xa jaꞌan juxtixia jan nuu‑n xa kandeka‑n Spalu jɨꞌɨn tnee nuu ka nataka‑s xa tnuꞌu ni nga kajan tnuꞌu‑s‑sɨ nuu nax n‑kida‑s xa jini ndaa‑s nax kuu kuechi‑s.