Hechos 21:11 - New Testament in Mixtec Diuxi-tilantongo

¹¹ Nuu n‑xee‑s nuu xtuu‑da, te n‑tnɨɨ‑s cinturón Spalu. N‑duku‑s ndaꞌa‑s xiꞌin xeꞌe‑s, te n‑jaꞌan‑s: —Jaꞌan Espíritu Ianyuux xa duꞌa duku koio ñayiu Israel se kuu xtoꞌo cinturón ya Jerusalén, te kandeka ñaꞌa‑i jɨꞌɨn nuu se ñatu kuu yatnuꞌu‑ro te diko ñaꞌa koio‑i.

Hechos 21:11 Referans Kwoze

Hechos 21:33

Ijan dada n‑xe tuꞌa comandante jan Spalu. N‑tnɨɨ ñaꞌa‑s, te n‑taꞌu tniu‑s xa na duku ñaꞌa koio soldado‑s uu cadena. Ijan dada n‑xijan tnuꞌu‑s ñayiu nuu nde se kuu‑s, te nax n‑kida‑s.

Hechos 20:23

Xa xini‑da kuu xa nituꞌu ñuu nuu juaꞌan‑da jaꞌan Espíritu Ianyuux xa ndetu ñaꞌa vekaa te kueꞌe xa yaꞌa‑da.

1 Pedro 1:12

N‑dandeꞌa Espíritu Ianyuux se ijan xa ña n‑ka tnɨɨ‑s tnuꞌu Ianyuux xaxeꞌe mee‑s, n‑dandeꞌa‑ia‑s xa n‑ka tnɨɨ‑s tnuꞌu‑ia xaxeꞌe mee‑n. Xaxeꞌe mee‑ro, n‑ka jaꞌan se ijan tnuꞌu yaꞌa. Te vitna, se n‑tundaꞌa Cristu, xá n‑ka kachitnuꞌu‑s tnuꞌu vaꞌa Cristu nuu mee‑n. Duꞌa n‑kida Espíritu Ii n‑tundaꞌa Ianyuux n‑kixi nde andɨu. Te ángel, ia ka xinokuechi nuu Ianyuux, nde mee‑ia ka juini xa jini koio‑ia ntdaa xa koo.

Hebreos 10:34

N‑ka chindee‑n ñani‑ro kuꞌa‑ro xyɨndiꞌu vekaa. N‑ka tnɨɨ ñayiu xaxii‑n, ko n‑ka xejoon‑n xa duꞌa koo, te n‑ka kuvete‑n, chi n‑ka xini‑n xa tnɨɨ koio mee‑n ɨɨn xa vaꞌa ka, nuncas ma jɨn ndɨꞌɨ, io andɨu.

Hebreos 3:7

Xijan kuu xa jaꞌan Espíritu Ii: Vitna, nux ka teku‑n xa jaꞌan Ianyuux,

2 Timoteo 2:9

Xaxeꞌe xa jaꞌan‑r xaꞌa nuu ñayiu, kida uꞌu ñaꞌa dava ka ñayiu te kueꞌe vida yaꞌa‑r, diko cadena ndijun‑r. Ná ndijun se n‑xaꞌni ndɨyɨ ndijun‑r, ko ñatu ndijun tnuꞌu Ianyuux.

Efesios 6:20

Xaxeꞌe xaꞌa yɨndiꞌu daña se kuu ndaꞌa xeꞌe Jesucristu. Kajan taꞌu koio‑n nuu Ianyuux xa maxku yuꞌu‑da xa jaꞌan‑da xa io xa jaꞌan‑da.

Efesios 4:1

Xaxeꞌe xijan, jaꞌan daña, se yɨndiꞌu xaxeꞌe Ia kuu Xtoꞌo‑ro, nax io xa kada koio‑n. Maxku kada koio‑n ɨɨn xa ñatu natau chi ñayiu n‑kida Ianyuux xa teku‑ro tnuꞌu‑ia ka kuu‑ro.

Efesios 3:1

Xaxeꞌe ntdaa xaꞌa xiꞌin xaxeꞌe ntdaa ndixi, ñayiu ñatu ka kuu ñayiu Israel, yɨndiꞌu daña vekaa.

Hechos 28:25

Xaxeꞌe xa ña n‑ka kuu ɨnuu dava ñayiu jan n‑ka ndee‑i xa nuꞌu koio‑i veꞌe‑i, te xiaꞌan Spalu nuu‑i: —Ndaa n‑jaꞌan Espíritu Ianyuux nuu Isaías, se n‑jaꞌan tnuꞌu Ianyuux nuu ñayiu xa n‑jaꞌan‑ia nuu xixitna‑ro:

Hechos 28:20

Xaxeꞌe xa daa ka kida ñaꞌa se ka kuu yatnuꞌu‑ro n‑kana ñaꞌa‑da xa ndatnuꞌu‑ro xiꞌin xa na jini tnaꞌa‑ro. Xaxeꞌe xa kakuneꞌe‑da xa nadandoto Ianyuux ndɨyɨ, xijan kuu xa ndijun‑da cadena yaꞌa. Xijan xñu ini roo xa ka kuu‑ro yatnuꞌu Israel xa yaꞌa.

Hechos 28:17

Nu n‑kuu uni kɨu tuu Spalu Roma, n‑kana‑s se ka kuu yatnuꞌu Israel ndandɨꞌɨ xndaxio Roma. Nu n‑ka taka se ijan n‑jaꞌan‑s nuu‑s: —Ñani, ndixi xa ka kuu‑n ñayiu Israel, ña tuu nax n‑kida‑da ñayiu ka kuu yatnuꞌu‑ro, ni ñatu n‑dajaꞌan‑da‑i xa n‑dandoo‑i mudu xixitna‑ro, ko n‑ka tnɨɨ ñaꞌa se Israel, te n‑ka kida‑s xa tnɨɨ ñaꞌa koio se Roma ka taxnuni Jerusalén.

Hechos 26:29

Xiaꞌan Spalu: —Juini uni koon ni tnuꞌu n‑jaꞌan‑da nuu‑n a kueꞌe n‑jaꞌan‑da, xijan taꞌu‑da nuu Ianyuux xa ñadu mee ni‑n xee ku kuu ná kuu‑da ya chi xijantaꞌu‑da xa ntdaa ñayiu xnini xaꞌa vitna xee ku kuu ná kuu‑da, ko ñadu duꞌa kutnɨɨ‑i cadena, te kɨndiꞌu koio‑i ná yɨndiꞌu daña vitna —kuu‑s, xiaꞌan‑s.

Hechos 24:27

Uu kuia n‑yaꞌa. Ijan dada n‑kee gobernador ijan, te n‑nujuiin naa Porcio Festo nuu‑s. Xaxeꞌe xa dani na ku kuvaꞌa anu se Israel nuu Skueli jan, ñatu n‑kineꞌe‑s Spalu vekaa.

Hechos 22:25

N‑ka duku‑s Spalu xa janñaꞌa koio‑s n‑kuu, ko n‑jaꞌan Spalu nuu centurión: —¿Io vaꞌa xa jani koio‑n ɨɨn se io tutu xa kuu‑s se Roma juini ña ka xini‑n na kuechi n‑kida‑s a? ¿Daa io ley a?

Hechos 16:6

Xaxeꞌe xa ña n‑juini Espíritu Ianyuux xa jaꞌan koio‑s tnuꞌu‑ia ñuu kuechi provincia nani Asia, xijan kuu xa n‑ka kixee‑s región Frigia xiꞌin Galacia.

Hechos 13:2

N‑ka xo ndadakaꞌnu‑s Ianyuux te n‑ka xo xio ndite‑s. Ɨɨn vuelta nɨni daa ka kida‑s n‑jaꞌan Espíritu Ianyuux nuu‑s: —Kineꞌe dɨɨn Bernabé xiꞌin Saulo xa nkada‑s tniu‑r ɨnka ñuu chi xaxeꞌe xijan n‑kaxi‑r‑sɨ.

Hechos 9:16

Jaꞌan‑r nuu‑s xa io xa ndaꞌu yaꞌa‑s xaxeꞌe xa jaꞌan‑s jundu kuu‑r.

San Juan 18:1

Na n‑jaꞌan Jesús tnuꞌu yaꞌa, te n‑kee‑ia xiꞌin se dakuaꞌa‑ia. N‑ka yaꞌa‑ia xiꞌin‑s deꞌva nani Cedrón. Ijan n‑ka kɨu‑ia xiꞌin‑s ɨɨn jardín.

Hechos 8:29

Xiaꞌan Espíritu Ianyuux nuu Slipe: —Juan tuꞌa carreta jan.

Hechos 21:4

Tiro n‑ka nitnaꞌa‑da xiꞌin se ka kukanu ini Jesucristu. Uxa kɨu n‑ka ndoo‑da veꞌe ɨɨn‑s. N‑ka xian tnuꞌu‑sɨ Spalu xa n‑jaꞌan Espíritu Ianyuux xa maxku nuꞌu ka‑s Jerusalén,

1 Timoteo 4:1

Kaxi n‑jaꞌan Espíritu Ianyuux xa na kuyatni xa naa ñuñayiu ma kukanu ini ka dava ñayiu Cristu Jesús. Jandixa koio dava ñayiu jan xa jaꞌan ñayiu ñuꞌu ñaꞌa xaloko, te nkuitandijun‑i‑yɨ. Dandaꞌu‑i‑yɨ.