Hechos 2:7 - New Testament in Mixtec Diuxi-tilantongo

⁷ Vichi n‑ka yuꞌu‑i, te ka xiaꞌan tnaꞌa‑i: —¿Ñadu ñayiu Galilea ka kuu ntdaa ñayiu ka jaꞌan yaꞌa u?

Hechos 2:7 Referans Kwoze

Hechos 2:12

Ntdaa‑i n‑ka yuꞌu anu te ñayo‑i n‑ka kutnuni ini janda n‑kuu xa dana ini n‑ka jaꞌan ñayiu ijan ɨnka yuꞌu. Dava‑i ka xiaꞌan tnaꞌa: —¿Janda n‑kuu xa daa ka jaꞌan‑i?

Hechos 1:11

Ka xiaꞌan‑ia: —Ndoꞌo, ñayiu Galilea, ¿nakuenda xa xnii ni‑n yaꞌa, te xndeꞌa‑n andɨu? Xa juan ndaa‑ia. Ia yaꞌa, nani juan ndaa‑ia, dani ndixi‑ia ɨnka vuelta.

San Juan 7:52

N‑ka jaꞌan‑s: —¿Ndoꞌo tuku, se Galilea kuu‑n a? Kaꞌu ka tnuꞌu Ianyuux, te jini‑n xa nde Galilea, nuncas ña n‑kixi se xian tnuꞌu tnuꞌu Ianyuux nuu ñayiu.

Hechos 3:10

Ka xini‑i xa n‑xo xo nukoo se ijan yeñuꞌu nani Yeꞌe Vili Kaa jan xa n‑xo xijan ndaꞌu‑s. Ñayo‑i n‑kutnuni ini janda n‑kuu xa n‑xika‑s, te loko n‑ka yuꞌu anu‑i.

San Marcos 2:12

Hora ijan ni n‑ndokoo‑s. Nuu ntdaa ñayiu jan n‑ndoneꞌe‑s yuu‑s, te n‑kee‑s veꞌe, te juan nuꞌu‑s veꞌe‑s. Te n‑ka yuꞌu‑i ntdaa‑i, te n‑ka xiaꞌan‑i xa n‑kutaꞌu‑i nuu Ianyuux. N‑ka jaꞌan‑i: —¡Nuncas ña n‑xini‑ro xa n‑kuu vitna!

San Marcos 1:27

Te n‑ka yuꞌu ntdaa ñayiu xyuku ijan. N‑jaꞌan ɨɨn‑i nuu ɨnka‑i: —¿Nax kuu xaꞌa? Ɨɨn xa xee dakuaꞌa ñaꞌa‑s. ¡Taꞌu tniu‑s nuu tachi uꞌu, te jandixa ñaꞌa‑i!

San Mateo 26:73

Nanaꞌa ni n‑kuu, te n‑ka xetuꞌa ñaꞌa ñayiu xnii ijan. Ka xiaꞌan‑i: —Xandaa xakuiti ndeka tnaꞌa‑n xiꞌin‑s chi ná jaꞌan‑n jaꞌan‑s de —ka kuu‑i, ka xiaꞌan‑i.

San Mateo 21:11

Ka xiaꞌan ñayiu xndijun ñaꞌa: —Se yaꞌa kuu Jesús. Se Nazaret kuu‑s. Se distrito Galilea kuu‑s. Se kachi tnuꞌu ñaꞌa xa n‑jaꞌan Ianyuux kuu‑s —ka kuu‑i, ka xiaꞌan‑i.

San Mateo 8:10

Nu n‑teku Jesús xa n‑jaꞌan se ijan, n‑yuꞌu anu‑ia, te n‑jaꞌan‑ia nuu ñayiu xndijun ñaꞌa: —Jaꞌan ndaa‑r xa ña uun xini‑r ɨɨn ñayiu Israel kukanu ini ñaꞌa na kukanu ini ñaꞌa se yaꞌa.

Hechos 2:8

¿Janda n‑kuu xa ka jaꞌan‑i yuꞌu ka jaꞌan‑ro país‑ro, te ka teku‑ro?