Hechos 18:25 - New Testament in Mixtec Diuxi-tilantongo

²⁵ chi n‑dakuaꞌa ñaꞌa ñayiu, te n‑kutnuni ini‑s. Dɨuni dakuaꞌa‑s ñayiu. N‑kakuneꞌe‑s tnuꞌu‑ia, te n‑jaꞌan‑s xiꞌin nde yɨkɨ nde tuchi‑s. Kakuneꞌe‑s xa n‑kida Jesús, te jaꞌan‑s na n‑kuu na n‑xino, ko diko ni xa n‑dajuendute Sua ñayiu n‑ka natu ini xa n‑ka kida‑i kuechi xini‑s. Ñatu xini‑s xa dɨuni keé ñaꞌa Espíritu Ianyuux.

Hechos 18:25 Referans Kwoze

Hechos 19:3

N‑xijan tnuꞌu ntuku Spalu‑s: —¿Nux ñatu n‑keé ñaꞌa‑ia na n‑ka xendute‑n, nakuenda n‑ka xendute‑n? ¿Jundu n‑kachitnuꞌu ñaꞌa xa io xa juendute koio‑n? Te ka xiaꞌan‑s: —N‑ka xendute‑da xaxeꞌe xa n‑ka natu ini koio‑da xa n‑ka kida‑da kuechi chi daa n‑jaꞌan Sua nuu ñayiu Israel xa kada koio‑i, te n‑dajuendute‑s ñayiu n‑ka natu ini xa n‑ka kida‑i kuechi.

Romanos 12:11

Maxku kava uu kava uni anu‑n hora kida‑n tniu‑ia. Na ku kuvaꞌa anu‑n nuu tniu Cristu. Xiꞌin nde yɨkɨ nde tuchi‑n junukuechi‑n nuu‑ia.

Hechos 19:23

Tiempu ijan, n‑nadataka ɨɨn se nani Demetrio ñayiu Éfeso. N‑kida‑s xa n‑ka kana, n‑ka kau‑i xaxeꞌe tnuꞌu Ianyuux. Kidavaꞌa‑s veñuꞌu kuechi lii xa naneꞌe‑s veñuꞌu ianyuux nani Artemisa. Kueꞌe tvini niꞌi‑s xiꞌin se ka kidavaꞌa xiꞌin‑s xijan.

Hechos 19:9

ko n‑xio ñayiu ñatu n‑jandixa. Ña n‑juini‑i xa kukanu ini‑i Jesucristu. N‑ka jaꞌan‑i nuu ñayiu n‑ka xo nataka xa ñatu xiniñuꞌu xa n‑xo jaꞌan Spalu. Xijan kuu xa n‑dandoo Spalu ñayiu ijan. Ndeka‑s ñayiu n‑ka kukanu ini Jesucristu juaꞌan vexcuela ɨɨn se nani Tirano. Ijan n‑xo dakuaꞌa‑s‑yɨ ntdaa kɨu n‑xo tuu‑s ijan.

Hechos 9:2

xa n‑xijan‑s tutu xa na kuaꞌa jɨn nukueka‑s ñayiu ka kukanu ini Jesucristu ka xeꞌen veñuꞌu‑i katuu Damasco te kandeka ñaꞌa‑s ndixi Jerusalén xa chindiꞌu ñaꞌa‑s vekaa, nani seyɨɨ, dani ñadɨꞌɨ.

San Marcos 12:14

N‑ka xee‑s nuu nujuiin‑ia, te n‑ka jaꞌan‑s: —Maestru, ka xini‑r xa se ndaa anu kuu‑n, ña yuꞌu‑n ni ɨɨn nuu ñayiu. Idini tnuꞌu jaꞌan‑n nuu ntdaa ñayiu. Tnuꞌu ndaa dakuaꞌa‑n ñayiu ichi Ianyuux. ¿Vatuka xa chiyaꞌu‑ro tvini impuestu xijan se kuu emperador, se nani César, a ñaꞌa u? ¿Juñaꞌa‑ro, a ñaꞌa u?

Santiago 5:16

Xijan kuu xa juña tnuꞌu tnaꞌa‑n, ɨɨn‑n nuu ɨnka‑n, xa io kuechi‑n, te kajan taꞌu koio‑n, ɨɨn‑n xaxeꞌe ɨnka‑n, xa chindee tnaꞌa‑n xa kada koio‑n xavaꞌa. Chi ɨɨn ñayiu vaꞌa xijan taꞌu nuu Ianyuux xiꞌin ntdaa anu‑i, kueꞌe xa kueꞌe xa kuaꞌa‑i xa kada‑i.

2 Timoteo 2:4

Ɨɨn se kuu soldado, mee ni tniu n‑xiaꞌan se taxtnuni nuu‑s, kida‑s; ñatu kida‑s tniu se xitu ñuꞌu a ɨnka tniu. Mee ni tniu n‑xiaꞌan se ijan kida‑s xa na kuaꞌa na tna ini ñaꞌa‑s.

Hechos 16:17

N‑xe kuitandijun ñaꞌa‑i ntdaa‑da xiꞌin Spalu, te kana‑i: —Te yaꞌa ka kuu te ka xinokuechi nuu Ianyuux ndixa tuu andɨu, Ia taxnuni ka, te n‑ka kixee‑te xa jaꞌan‑te nuu‑n nax kada koio‑n xa nanitaꞌu‑n —kuu‑i, kana‑i.

Hechos 13:10

Te n‑jaꞌan‑s: —Daꞌya Kuiꞌna kuu‑n. Xini uꞌu‑n ntdaa xavaꞌa. Mee ni xa dandaꞌu‑n ñayiu. Mee ni xa ña ndaa kida‑n. ¿Nakuenda ña nujani‑n xa jaꞌan‑n xa tnuꞌu Ianyuux kuu tnuꞌu vete?

San Lucas 7:29

N‑ka xiaꞌan tnaꞌa se ka xijan tvini nandajan gobierno xiꞌin dava ka ñayiu n‑ka teku xa daa n‑jaꞌan Jesús xa ɨɨn xavaꞌa kuu xa taꞌu tniu Ianyuux. Ka kuu‑i ñayiu n‑dajuendute ñaꞌa Sua.

San Marcos 1:3

Kutuu‑s ɨɨn yuku te kana xee‑s ñayiu: “Koo tuꞌa koio‑n, chi vaxi Ia kuu Xtoꞌo‑n. Kada koio ichi ndaa nuu‑ia.” Duꞌa n‑chidotnuni Isaías xá n‑kuu kueꞌe kuia.

San Lucas 1:4

Kachitnuꞌu ñaꞌa‑da xa na kunaꞌa‑n xa xandaa kuu xa n‑ka jaꞌan ñayiu jan nuu‑n tuku.

Hechos 18:26

N‑kixeꞌe Apolos xa jaꞌan‑s nuu ñayiu ka kuu yatnuꞌu Israel xiti veñuꞌu‑i, te ña n‑yuꞌu‑s. Nuu n‑teku Áquila xiꞌin Priscila xa n‑jaꞌan‑s, n‑ka kana‑ña‑s, te n‑ka dakuaꞌa‑ña‑s xa na kutnuni vaꞌa ka ini‑s tnuꞌu Ianyuux yodotnuni.