Hechos 17:3 - New Testament in Mixtec Diuxi-tilantongo

³ N‑xian tnuꞌu‑s‑yɨ xa n‑xio xa ndaꞌu yaꞌa Cristu te na yaꞌa xa kuu‑ia nandoto‑ia. N‑kaꞌu ndodo‑s nuu‑i nuu daa yodotnuni. Te n‑jaꞌan ka‑s: —Cristu kuu Jesús, Ia kakuneꞌe‑da.

Hechos 17:3 Referans Kwoze

Hechos 18:28

N‑xo ndatnuꞌu‑s xiꞌin se ka kuu yatnuꞌu Israel nuu ka nataka‑s. N‑jantnaꞌa tnuꞌu‑s xiꞌin‑s. N‑kaꞌu ndodo‑s tnuꞌu Ianyuux kakuneꞌe Jesús, te n‑dandeꞌa‑s‑sɨ nuu yodotnuni xa dɨu‑ia kuu Cristu. N‑kunuu tnuꞌu‑s chi n‑xaꞌnu‑s tnuꞌu ñayiu ijan, te n‑ka jandixa‑i.

Hechos 9:22

Kuaꞌa ka Saulo xa dakuaꞌa‑s ñayiu juaꞌan. N‑jaꞌan‑s nuu ñayiu Israel xtuu Damasco xa Jesús kuu Cristu, te n‑kunuu tnuꞌu‑s. Xaxeꞌe xa daa n‑jaꞌan‑s, kueꞌe xa n‑ka xani ini‑i.

San Lucas 24:32

Te ka xiaꞌan tnaꞌa‑s: —Naka vichi n‑kuu anu‑ro xa kutnuni ka ini‑ro tnuꞌu Ianyuux na n‑ndatnuꞌu‑ro xiꞌin‑ia te n‑kida‑ia xa kutnuni ini‑ro tnuꞌu Ianyuux na ndeka tnaꞌa‑ro xiꞌin‑ia juan ndixi.

Hechos 3:18

Duꞌa n‑kida Ianyuux xa n‑xetnaꞌa xa n‑jaꞌan‑ia nuu ntdaa se n‑jaꞌan tnuꞌu‑ia nuu ñayiu xa ndaꞌu yaꞌa Cristu.

San Lucas 24:46

Te xiaꞌan‑ia: —Xyodotnuni xa io xa ndaꞌu yaꞌa ruꞌu, Ia kuu Cristu, te nandoto‑r kɨu kuu uni.

Gálatas 3:1

Ñani‑da kuꞌa‑da, ñayiu Galacia, ¡ñayiu lilu ka kuu‑n! ¿Jundu n‑dandaꞌu ñaꞌa, xa ñatu ka jandixa‑n xa kuu xandaa? Na n‑kachitnuꞌu‑da tnuꞌu vaꞌa Jesucristu, te n‑kuu ná kuu xa n‑ka xini‑n xiꞌin nuu‑n hora n‑ka xatakaa‑s‑ia nuu curuxi.

Hechos 1:4

Ɨɨn kɨu nu n‑nataka Jesús xiꞌin se n‑dakuaꞌa‑ia, n‑taꞌu tniu‑ia nuu‑s xa maxku kee koio ni‑s Jerusalén chi na kundetu koio‑s. Xiaꞌan‑ia: —N‑jaꞌan‑r xa n‑jaꞌan Taa‑ro Ianyuux xa taxi‑ia ɨɨn xa taxi‑ia. Kundetu koio‑n yaꞌa nde na xee kɨu jɨn tnaꞌa xijan.

San Juan 20:9

Te tnuꞌu Ianyuux n‑ka chidotnuni seyɨɨ xá n‑kuu kueꞌe kuia, jaꞌan xa io xa nandoto Jesús nuu n‑kuu‑ia ndɨyɨ. Ko se n‑dakuaꞌa‑ia, ta kutnuni ini koio ka‑s tnuꞌu yaꞌa.

San Lucas 24:44

Te xiaꞌan‑ia: —Na n‑xo tuu‑ro, n‑jaꞌan‑r nuu‑n xa: “Io xa jɨn tnaꞌa ntdantuꞌu tnuꞌu Ianyuux kakuneꞌe ñaꞌa n‑chidotnuni Moisés xiꞌin xa n‑ka chidotnuni se n‑ka kidavaꞌa Salmos.”

Hechos 18:5

Nu n‑xee Silas xiꞌin Timoteo Corinto xa n‑ka xo tuu‑s Macedonia, te n‑jaꞌan Spalu tnuꞌu Ianyuux nuu ñayiu ka kuu yatnuꞌu Israel ijan, te n‑xian tnuꞌu‑s‑yɨ xa Jesús kuu Cristu. Ñatu n‑kida‑s ɨnka tniu.