Hechos 13:4 - New Testament in Mixtec Diuxi-tilantongo

^4-5 N‑tundaꞌa ñaꞌa Espíritu Ianyuux xa kixi‑s ñuu xiꞌin ñuu. N‑ka kee‑s. Vaxi koio‑s ñuu Seleucia. Xndeka‑sɨ Sua vaxi xa chindee ñaꞌa‑s. N‑ka keé‑s barcu Seleucia xa vaxi koio‑s ñuu nani Salamina país nani Chipre. N‑ka kixeꞌe‑s ka jaꞌan‑s tnuꞌu Ianyuux xiti veñuꞌu ñayiu Israel xndaxio ijan.

Hechos 13:4 Referans Kwoze

Hechos 4:36

Nuu ñayiu ijan yɨtnaꞌa ɨɨn se nani José. N‑ka dandee ñaꞌa se n‑tundaꞌa ñaꞌa Jesús Bernabé. Dɨu yaꞌa kuu tnuꞌu kanu ini. Se Chipre kuu‑s, te Leví n‑kuu xixitna‑s.

Hechos 13:2

N‑ka xo ndadakaꞌnu‑s Ianyuux te n‑ka xo xio ndite‑s. Ɨɨn vuelta nɨni daa ka kida‑s n‑jaꞌan Espíritu Ianyuux nuu‑s: —Kineꞌe dɨɨn Bernabé xiꞌin Saulo xa nkada‑s tniu‑r ɨnka ñuu chi xaxeꞌe xijan n‑kaxi‑r‑sɨ.

Hechos 11:19

Ñayiu ka kukanu ini Jesucristu n‑ka kixee distrito Fenicia, distrito Chipre xiꞌin ñuu Antioquía xa n‑ka kee‑i Jerusalén, n‑ka kakuneꞌe‑i xa n‑jaꞌan Jesús, ko ña n‑ka dakuaꞌa‑i ñayiu ña ka kuu daꞌya dana Israel chi diko ni ñayiu kuu daꞌya dana Israel xndaxio ijan n‑ka dakuaꞌa‑i. N‑ka xe kotuu‑i ijan xaxeꞌe xa n‑ka kida uꞌu ñaꞌa ñayiu ña ka kukanu ini Jesucristu ñuu‑i chi n‑ka kuu ɨnuu‑i xiꞌin Steba, se n‑ka xaꞌni‑s.

Hechos 27:4

N‑ka ndee‑da Sidón; vaxi koio‑da xiꞌin barcu yatni yuꞌu isla Chipre xaxeꞌe xa kane tachi do nuu vaxi barcu jan.

Hechos 20:23

Xa xini‑da kuu xa nituꞌu ñuu nuu juaꞌan‑da jaꞌan Espíritu Ianyuux xa ndetu ñaꞌa vekaa te kueꞌe xa yaꞌa‑da.

Hechos 13:3

Nu n‑yaꞌa xa n‑ka xijan taꞌu‑s nuu Ianyuux xiꞌin xa n‑ka xio ndite‑s, n‑ka xajan ndodo‑s ndaꞌa‑s dɨkɨ Bernabé xiꞌin Saulo, te n‑ka jaꞌan‑s nuu‑s xa na jɨꞌɨn koio‑s ɨnka ñuu.

Hechos 15:36

N‑yaꞌa tɨtnɨ kɨu te n‑jaꞌan Spalu nuu Bernabé: —Na nkoto‑ro ñayiu ka kukanu ini Jesucristu ntdaa ñuu xa n‑xeꞌen‑ro nuu n‑dakuaꞌa‑ro ñayiu tnuꞌu Ianyuux nuu janda xtuu‑i.