Hechos 12:15 - New Testament in Mixtec Diuxi-tilantongo

¹⁵ Ka xiaꞌan ñayiu jan nuu‑i: —Lilu‑n. Ko xiaꞌan naꞌi‑i xa dɨu te dɨu Spedru. Ka xiaꞌan ntuku ñayiu jan: —Axa ñadu mee‑s, axa ángel‑sɨ xu.

Hechos 12:15 Referans Kwoze

San Mateo 18:10

ʼCuedado koo koio‑n xa maxku jini uꞌu koio‑n sekuechi yaꞌa chi ángel sekuechi yaꞌa xtuu yatni nuu Taa‑ro Ianyuux, te chindee‑ia‑s. Xtuu‑ia andɨu nuu xndeꞌa‑ia Ianyuux ntdantuꞌu kɨu.

Hechos 26:24

Nu n‑yaꞌa xa n‑dadaꞌan niꞌno‑s mee‑s, n‑kana Festo: —Va nduloko‑n, Palu. Xaxeꞌe xa yo kaꞌu‑n, xijan kuu xa ndulilu dɨkɨ‑n.

San Lucas 24:11

Ñayo‑s n‑jandixa. N‑ka xani ini‑s xa ña n‑ka jaꞌan ndaa‑ña. N‑ka xani ini‑s xa n‑ka jaꞌan lilu‑ña.

San Marcos 16:14

N‑ñini ka, n‑ka nukoo uxi ɨɨn se n‑dakuaꞌa‑ia, xa kax koio‑s, te n‑xee Jesús nuu‑s. N‑kudeen‑ia nuu‑s, xaxeꞌe xa ña ka jandixa‑s, te ña juini anu‑s xa jandixa‑s. N‑kudeen‑ia nuu‑s, xaxeꞌe xa ña n‑ka jandixa‑s ñayiu n‑ka xini‑ia xa n‑nandoto‑ia.

San Marcos 16:11

Na n‑ka teku‑i xa n‑nandoto Jesús te n‑xini María Magdalena mee‑ia, ña n‑ka jandixa‑i xa n‑nandoto‑ia.

San Lucas 22:59

N‑yaꞌa naxa ɨɨn hora, te n‑jaꞌan ɨnka‑s nuu ñayiu xyuku ijan: —Xandaa xakuiti kunduu se yaꞌa xiꞌin‑s chi se Galilea kuu‑s.

Hechos 12:16

Dani dakande Spedru yeꞌe. Nu n‑ka najaan ñayiu yeꞌe jan n‑ka xini‑i Spedru, te n‑ka yuꞌu anu‑i.