Hechos 10:7 - New Testament in Mixtec Diuxi-tilantongo

⁷ Nu juan nuꞌu ángel n‑ndatnuꞌu xiꞌin Cornelio, n‑kana‑s uu se ka xinokuechi nuu‑s xa ka kidatniu‑s veꞌe‑s xiꞌin ɨɨn soldado. Vaꞌa jandixa soldado jan Ianyuux.

Hechos 10:7 Referans Kwoze

Filemón 1:16

Nakueka‑n‑sɨ, ko ñadu xa ku kadatniu duꞌa ka‑s nuu‑n. Ku kuvaꞌa anu‑n nuu‑s chi ndandɨꞌɨ‑s vitna xaxeꞌe xa dɨuni kukanu ini‑s Cristu. Yo xemani‑da‑s, ko io xa juemani ka‑n‑sɨ xaxeꞌe xa n‑kidatniu‑s nuu‑n xiꞌin xaxeꞌe xa ka kunduu‑n xiꞌin‑s xiꞌin Cristu.

San Lucas 3:14

Dɨuni n‑ka xee soldado nuu‑s. N‑ka jaꞌan‑s: —¿Nax io xa kada koio‑da? Te xiaꞌan‑s: —Maxku tnɨɨ koio‑n ñayiu xa taxjuexa‑i tvini. Maxku tekuechi‑n ñayiu kuechi neñuu xa niꞌi koio‑n tvini. Kajan koio tvini ñayiu nani taꞌu tniu gobierno, te ndoo koio‑n xiꞌin tvini kuu yaꞌu‑n; maxku kukajan ini koio ka‑n tvini.

1 Timoteo 6:2

Ñayiu ka kukanu ini Cristu Jesús ka kidatniu duꞌa nuu se kukanu ini‑ia, na jueyuꞌu juendetu koio‑i nuu‑s; ñadu xa ma koo‑i xañuꞌu nuu‑s diko ni xaxeꞌe xa ka kuu‑s xiꞌin‑i se kukanu ini‑ia. Duꞌa na kadatniu ka‑i nuu‑s xaxeꞌe xa xemani‑i‑sɨ. Daxa se kukanu ini Cristu Jesús kuu‑s, te kueꞌe xa niꞌi‑s xaxeꞌe tniu ka kida‑i. Xaꞌa jaꞌan‑n nuu ñayiu te jan doꞌo‑n‑yɨ.

San Mateo 2:13

Nu juan nuꞌu koio se ijan, te n‑kachi xene José xa ɨɨn ángel, ia xinokuechi nuu Ianyuux jaꞌan nuu‑s. N‑jaꞌan‑ia: —Ndokoo. Kandeka niu xiꞌin dɨꞌɨ‑ia juaꞌan Egipto. Ijan kutuu koio‑n nde na kachi tnuꞌu ñaꞌa‑r nde kɨu na ndixi‑n yaꞌa chi nduku Herodes niu xa kaꞌni ñaꞌa‑s.

San Lucas 2:25

Ñuu Jerusalén io ɨɨn se yo vaꞌa nani Simeón, tiempo daa. Vaꞌa xinokuechi‑s nuu Ianyuux, te ñuꞌu ñaꞌa Espíritu Ianyuux. N‑xo ndetu‑s xa kixi se juñaꞌa tnuꞌu kanu ini nuu ñayiu Israel.

Hechos 10:6

Tuu‑s veꞌe ɨnka ntuku se nani Simón. Kidavita se ijan ñɨɨ kɨtɨ. Yatni yuꞌu mar io‑s —kuu‑ia, xiaꞌan‑ia.

Hechos 10:8

N‑najani Cornelio ntdaa xa n‑yaꞌa. Ijan dada n‑tundaꞌa‑s ndruni se ijan. Juaꞌan koio‑s Jope.