Hebreos 6:2 - New Testament in Mixtec Diuxi-tilantongo

² N‑ka dakuaꞌa ñaꞌa‑s, xa io xa nandaꞌa koio‑n te juendute koio‑n. N‑ka dakuaꞌa ñaꞌa‑s, xa io xa kajan ndodo ñaꞌa‑s ndaꞌa‑s, xa tnɨɨ‑n Espíritu Ianyuux. N‑ka dakuaꞌa ñaꞌa‑s, xa nandoto koio ndɨyɨ te ndadandaa Ianyuux ntdaa xa io. Na dandoo‑ro ntdaa xaꞌa.

Hebreos 6:2 Referans Kwoze

Hechos 6:6

Xndeka‑i‑sɨ ntdaa‑s juaꞌan nuu se n‑tundaꞌa ñaꞌa Jesús te n‑ka xijan taꞌu se n‑tundaꞌa ñaꞌa Jesús nuu Ianyuux. N‑ka xajan ndodo‑s ndaꞌa‑s dɨkɨ‑s te n‑ka xe konetniu‑s.

Hechos 24:25

N‑jaꞌan Spalu xa ndoñuꞌu xa kada ñayiu xandaa. N‑jaꞌan‑s xa maxku kada ñayiu xaloko xaduꞌa; na kundedi ini koio‑i. N‑jaꞌan‑s xa xee kɨu ndundaa kuechi‑i, te n‑yuꞌu se kuu gobernador jan. Xaxeꞌe xa n‑yuꞌu‑s, duꞌa xiaꞌan‑s: —Juaꞌan naꞌi. Ɨnka kɨu na kuyachi‑r, te nakana ñaꞌa ntuku‑r.

Hechos 23:6

Xaxeꞌe xa xini Spalu xa dava se Israel ka kidandaa kuechi ka kuu se saduceu, te se fariseu ka kuu dava‑s; xijan kuu xa xee n‑jaꞌan‑s: —Se fariseu kuu‑da, te ñayiu fariseu n‑ka kuu tadɨꞌɨ‑da. Xaxeꞌe xa jandixa‑da xa nandoto ndɨyɨ, xndeka ñaꞌa‑n vaxi yaꞌa xa kajan tnuꞌu ñaꞌa koio‑n nax kuu kuechi‑da.

Hechos 17:18

N‑ka nukuita se ka tuꞌa vaꞌa xa ndatnuꞌu‑s xiꞌin Spalu. Ná ka xani ini ñayiu xyɨtnaꞌa nuu ñayiu ka kuu epicúreo ka xani ini dava‑s, te dava‑s ka xani ini ná ka xani ini ñayiu xyɨtnaꞌa nuu ñayiu ka kuu estoico, te n‑ka xiaꞌan tnaꞌa se ijan: —¿Nax jaꞌan se yaꞌa xa yo kueꞌe jaꞌan‑s?, te ñatu katnaꞌa tnuꞌu‑s u. Te dava‑s n‑ka jaꞌan: —Axa va se ka kakuneꞌe ɨnka ntuku ianyuux kuu‑s —ka kuu dava se ka tuꞌa vaꞌa jan. Xaꞌa n‑ka jaꞌan‑s xaxeꞌe xa n‑kakuneꞌe Spalu xa n‑kida Jesús xiꞌin xa n‑kakuneꞌe‑s xa n‑nandoto‑ia.

Hechos 16:33

Xakuaa ijan n‑najini se ndee vekaa jan nuu n‑tnukueꞌe Spalu xiꞌin Silas. Ijan dada n‑xendute‑s xiꞌin ntdaa familia‑s.

Hechos 16:15

Te n‑xendute‑ña xiꞌin ntdaa familia‑ña. Ijan dada n‑jaꞌan‑ña nuu‑da ntdaa‑da: —Nux ka xani ini‑n xa xandaa xakuiti kukanu ini‑da Jesús, Ia kuu Xtoꞌo‑ro, na jɨꞌɨn‑ro veꞌe‑da, te ndoo koio‑n ijan —kuu‑ña. Juexa n‑kida‑ña xa n‑ka ndoo‑da veꞌe‑ña.

Hechos 10:47

Xiaꞌan Spedru nuu se kunduu xiꞌin‑s: —Mayo‑n dadaꞌan xa juendute koio ñayiu yaꞌa chi n‑keé ñaꞌa Espíritu Ianyuux ná ñuꞌu ñaꞌa‑ia mee‑ro.

Hechos 2:41

Duꞌa n‑kuu xa n‑ka jandixa ñayiu tnuꞌu n‑jaꞌan Spedru, te n‑ka xendute‑i. Naxa uni mil ñayiu n‑ka kɨu tnaꞌa nuu ñayiu ka kukanu ini Jesús kɨu ijan.

Hechos 2:38

Xiaꞌan Spedru nuu‑i: —Natu ini koio xa n‑ka kida‑n kuechi na kuaꞌa na taxkanu ini Ianyuux kuechi‑n, te juendute koio‑n ɨɨn ɨɨn‑n xaxeꞌe xa ka kukanu ini‑n Jesucristu. Kada Taa‑ro Ianyuux xa keé ñaꞌa Espíritu‑ia.

San Juan 1:33

Ta kutnuni ini ka‑da jundu kuu‑s, ko n‑xo najaꞌan‑da nax n‑jaꞌan Ianyuux, hora n‑tundaꞌa ñaꞌa‑ia mee‑da vaxi, xa dajuendute‑da ñayiu nuu ndute. N‑jaꞌan Ianyuux: “Jini‑n Espíritu Ii vax juun nde andɨu, te jini‑n xa ndoo‑ia nuu ɨɨn seyɨɨ. Seyɨɨ jan kada xa tnɨɨ koio ñayiu Espíritu Ii.”

San Marcos 16:16

Davaꞌa nga ñayiu jandixa ñaꞌa mee‑r, te juendute‑i, te dakaku ñaꞌa Ianyuux mee‑i, xa ma jɨꞌɨn‑i andea. Davaꞌa nga ñayiu ma jandixa ñaꞌa mee‑r, ma dakaku ñaꞌa Ianyuux mee‑i.

San Mateo 28:19

Juaꞌan koio te kada‑n xa na kukanu ini ñaꞌa ñayiu ntdantuꞌu ñuu ñuñayiu ruꞌu. Dajuendute koio‑n ñayiu kukanu ini koio Taa‑ro Ianyuux, Daꞌya Yɨɨ‑ia xiꞌin Espíritu‑ia.

2 Pedro 3:7

Te xiꞌin tnuꞌu‑ia, nevaꞌa‑ia ñuñayiu xiꞌin andɨu io vitna, nde kɨu ndadandaa‑ia ntdaa xa io. Kɨu ijan, nuu ñuꞌu koko danaa‑ia ñayiu ña n‑ka juini xa jandixa‑i‑ia.

Hebreos 11:35

Xaxeꞌe xa n‑ka jandixa ñadɨꞌɨ Ianyuux, n‑kida‑ia xa juini xá n‑xiꞌí ñayiu keveꞌe‑ña, ko n‑ka nandoto ñayiu jan. Ko dɨuni, xaxeꞌe xa n‑ka jandixa‑s Ianyuux, dava‑s n‑ka xiꞌí‑s. N‑xini uꞌu ñaꞌa ñayiu, nde n‑ka xaꞌni‑i‑sɨ. Nux n‑ka dandoo‑s Ianyuux n‑kuu, te kaku koio‑s. Ko ñaꞌa. Chi n‑ka juini‑s xa niꞌi‑s xa kutuu vaꞌa‑s xiꞌin Ianyuux kuia ma jɨn ndɨꞌɨ.

Hebreos 9:10

Meni tnuꞌu taꞌu tniu xa ka jandixa ñayiu kuu. Xa xaxi‑ro, xa xiꞌi‑ro, xa nandaꞌa‑ro, xa kunee ii‑ro. Hora kida Ianyuux ɨɨn xaxee, te ñatu xiniñuꞌu ntdaa xaꞌa.

2 Timoteo 2:18

Vaꞌa n‑ka xo jandixa nduu se yaꞌa xa tnuꞌu Ianyuux kuu ɨɨn xandaa, ko ñatuka daa ka jaꞌan‑s vitna. Ka jaꞌan‑s xa xá n‑ka nandoto ndɨyɨ n‑ka xiꞌí. Duꞌa kuu xa ka daka niꞌno‑s dava ñayiu, te ñatuka ka kukanu ini‑i Cristu Jesús.

Colosenses 2:12

Kuenda kɨu n‑ka xe konduxi‑n xiꞌin Cristu te n‑ka nandoto‑n xiꞌin‑ia na n‑nandoto‑ia xa n‑ka xendute‑n, chi ka jandixa‑n xa n‑nadandoto Ianyuux Cristu.

Filipenses 3:21

Nadama‑ia yɨkɨ kuñu‑ro ña xiniñuꞌu ka. Nani n‑tnɨɨ Jesucristu yɨkɨ kuñu xee hora n‑nandoto‑ia, dani taxi Ianyuux yɨkɨ kuñu xee mee‑ro. Xaꞌa kada‑ia xiꞌin xa taxnuni‑ia, nani taxnuni‑ia nuu ntdaa xa io.

1 Corintios 12:13

Dava‑ro ka kuu ñayiu Israel, te dava‑ro ka kuu ñayiu ña ka kuu ñayiu Israel. Dava‑ro ka kuu ñayiu kidatniu duꞌa nuu ɨnka ñayiu, te dava‑ro ka kuu ñayiu xtuu libre. Ko idini xa kuu‑ro. Na n‑ka xendute‑ro, n‑ka tnɨɨ‑ro Espíritu Ianyuux, te n‑kida mee‑ia xa idini xa kuu‑ro.

1 Corintios 10:2

Xa n‑ka xitandijun‑s vikó, te xa n‑ka yaꞌa‑s ndute kaꞌnu, kuu ná kuu xa n‑dajuendute Moisés se ijan, xa kunduu koio‑s xiꞌin Moisés.

Romanos 2:16

Xee kɨu kada Ianyuux xa ndadandaa Jesucristu kuechi n‑ka kida ñayiu. Nde ñayiu naꞌi n‑ka kida ɨɨn xa n‑ka kida‑i ndundaa kuechi‑i. Dɨuni xaꞌa ka xian tnuꞌu‑da ñayiu vaxi.

Hechos 26:8

¿A ña jandixa ndixi xa kuaꞌa Ianyuux xa nadandoto‑ia ndɨyɨ a?

Hechos 24:21

Ña tuu na kuechi‑da io, a xa xee n‑jaꞌan‑da xa nandoto ndɨyɨ na n‑ka kidandaa‑s kuechi‑da: “Ka kidandaa‑n kuechi‑da vitna xaxeꞌe xa jandixa‑da xa nandoto ndɨyɨ”, kuu‑da, xiaꞌan‑da nuu‑s. ¿Xijan kuu kuechi‑da u? —kuu Spalu, xiaꞌan‑s.

Hechos 24:15

Nani ñu ini‑da xa nadandoto Ianyuux ndɨyɨ, dani xñu ini mee‑s ɨɨn ɨɨn‑s. Nani nadandoto‑ia ñayiu vaꞌa dani nadandoto‑ia ñayiu ñatu vaꞌa.

Hechos 4:2

N‑ka kiti ini ntdaa se ijan xaxeꞌe xa n‑ka jaꞌan Spedru xiꞌin Sua nuu ñayiu xa nandoto ndɨyɨ xaxeꞌe xa n‑nandoto Jesús.

San Juan 5:29

Ndee koio‑i nuu xyɨnduxi‑i. Ñayiu n‑ka kida xavaꞌa, nandoto koio‑i xa kutuu vaꞌa‑i xiꞌin Ianyuux kuia ma jɨn ndɨꞌɨ. Ñayiu n‑ka kida xa uꞌu, nandoto koio‑i xa ndadandaa‑r‑yɨ, te jɨꞌɨn koio‑i andea.

San Lucas 14:14

Kudɨ ini‑n chi ña tuu nax nataxi ñayiu ijan. Niꞌi‑n taꞌu‑n kɨu na nandoto ñayiu vaꞌa.

San Lucas 12:50

Io xa ndaꞌu yaꞌa‑r. Te nde vitna tnau ini daꞌu ni‑r.

San Lucas 11:38

N‑yuꞌu anu se fariseu xa ña n‑nandaꞌa‑ia ná ka kida ñayiu ñuu‑s, te n‑nukuita‑ia xaxi‑ia.

San Lucas 3:16

Xijan kuu xa duꞌa xiaꞌan Sua nuu‑i: —Ruꞌu, dajuendute ñaꞌa, te Ia kixi kada xa keé ñaꞌa Espíritu Ianyuux, te ndadandaa‑ia kuechi‑n. Taxnuni ka‑ia dada ruꞌu. Ñatu natau xa junukuechi‑r nuu‑ia, ni xa nandaxi‑r correa ndixa‑ia chi se dakuu nga kuu‑r.

San Marcos 7:8

N‑ka dandoo‑n tnuꞌu taꞌu tniu Ianyuux, te kida‑n xa xetniu seyɨɨ. Ka najini‑n tndoꞌo‑n, vasu‑n, te ntdaa ɨnka xa ɨɨn nuu kuu, ko ñatu ka kida‑n xa juini Ianyuux.

San Marcos 7:4

Hora xeꞌen‑s nuyaꞌu, te io xa kuchi ñɨɨ‑s antecas xa kaxi‑s. Te kueꞌe ka io ɨnka xa xetniu‑s. Najini‑s vasu‑s, tndoꞌo‑s, kɨdɨ kaa‑s, yuu‑s, xa neꞌe ii‑s.

San Mateo 3:14

Ñatu n‑juini Sua xa dajuendute‑s‑ia. N‑jaꞌan‑s nuu‑ia: —¿Nakuenda xa daña ku dajuendute ñaꞌa, te mee‑n io xa dajuendute ñaꞌa‑n?

2 Corintios 5:10

Chi io xa kunujuiin‑ro, ntdaa‑ro, nuu Cristu. Ndadandaa ñaꞌa‑ia, na dandeꞌa ñaꞌa‑ia ntdaa xa n‑kida‑ro na n‑xo tuu‑ro ñuñayiu yaꞌa. Nani n‑kida‑ro, dani tnɨɨ‑ro. Kada‑ia cuenta nuu ɨɨn ɨɨn‑ro, nux n‑kida‑ro xavaꞌa, a n‑kida‑ro xa ñatu xiniñuꞌu.

Hechos 13:3

Nu n‑yaꞌa xa n‑ka xijan taꞌu‑s nuu Ianyuux xiꞌin xa n‑ka xio ndite‑s, n‑ka xajan ndodo‑s ndaꞌa‑s dɨkɨ Bernabé xiꞌin Saulo, te n‑ka jaꞌan‑s nuu‑s xa na jɨꞌɨn koio‑s ɨnka ñuu.