Hebreos 11:9 - New Testament in Mixtec Diuxi-tilantongo

⁹ Xaxeꞌe xa n‑jandixa‑s Ianyuux, n‑xo tuu‑s nuu ijan, chi n‑xiaꞌan Ianyuux tnuꞌu‑ia xa juñaꞌa‑ia‑s nuu ijan. N‑xo tuu‑s ijan, ná tuu ɨɨn setoꞌo ña tuu na ñuu‑s io. Veꞌe todo n‑xo tuu‑s ijan. Te dɨuni, duꞌa n‑ka kida daꞌya‑s Isaac, te dada daiñani‑s Jacob tuku. Chi nuu mee‑s tuku, n‑xiaꞌan Ianyuux tnuꞌu‑ia xa juñaꞌa‑ia‑s nuu ijan.

Hebreos 11:9 Referans Kwoze

Hebreos 6:17

Ianyuux du. N‑juini‑ia xa kutnuni ini koio ñayiu xa nani jaꞌan‑ia dani kida‑ia, ñatu dama‑ia ni ɨɨn tnuꞌu jaꞌan‑ia. Nuu ñayiu tnɨɨ koio xa juñaꞌa‑ia n‑jaꞌan‑ia: “Taxi‑r tnuꞌu‑r xa duꞌa koo, te naꞌa mee‑r xa duꞌa kada‑r.”