Hebreos 10:11 - New Testament in Mixtec Diuxi-tilantongo

¹¹ Kɨu xiꞌin kɨu, ɨɨn ɨɨn dutu ñayiu Israel xiaꞌan ka xa ka doko ñayiu nuu Ianyuux. Kueꞌe xa kueꞌe vuelta, dani nujuiin dutu jan te duꞌa kida dutu jan, ko nuncas ña kida xa doko jan xa dita kuechi ñayiu.

Hebreos 10:11 Referans Kwoze

Hebreos 10:4

Chi ña kuaꞌa nɨñɨ ngutu xiꞌin nɨñɨ nchiva xa dita‑i kuechi ñayiu.

Hebreos 5:1

Ɨɨn ɨɨn dutu taxnuni ka kuu se n‑kaxí Ianyuux tnaꞌa nuu ñayiu. N‑nduku Ianyuux mee‑s, xa kunujuiin‑s nuu mee‑ia, xaxeꞌe ñayiu jan. Najuñaꞌa‑s nuu Ianyuux xa ka doko ñayiu, xiꞌin xa ka xiaꞌan nga‑i nuu Ianyuux xaxeꞌe kuechi‑i.

Hebreos 7:27

Ñatu kuu‑ia ná kuu ɨnka dutu n‑ka taxnuni ka. Mee‑s, ɨɨn kɨu ɨɨn kɨu, ditna ka n‑ka xo xiaꞌan‑s xa doko mee‑s xaxeꞌe kuechi mee‑s, te dada n‑ka xo xiaꞌan‑s xa doko ñayiu xaxeꞌe kuechi mee‑i. Ko Jesús, idini vuelta, n‑xiaꞌan‑ia mee‑ia, xa chiyaꞌu‑ia kuechi‑ro nɨkava nɨkuita.

Hebreos 10:1

Chi ná kuu juendaꞌu kuu tnuꞌu taꞌu tniu Moisés. Vaxi xa yo vaꞌa ka, xa kuu xandaa kuu. Xijan kuu xa, juini kuia xiꞌin kuia, ka doko dutu xa ka xiaꞌan ñayiu nuu Ianyuux, ko ña kuaꞌa tnuꞌu taꞌu tniu xa kada xa nuncas ma dakuido datau ka anu ñayiu.

Hebreos 8:2

Kuu‑ia dutu taxnuni ka, nuu tuu Ianyuux veñuꞌu tabernáculo ndaa ña n‑ka kidavaꞌa ñayiu. Andɨu, kuu‑ia dutu taxnuni ka nuu Ianyuux xaxeꞌe‑ro.

Hebreos 8:4

Nux dani n‑xo tuu‑ia ñuñayiu n‑kuu, te ma ku kuu‑ia dutu, chi xndaxio dutu ka xiaꞌan xa ka doko ñayiu ná io ná juaꞌan tnuꞌu taꞌu tniu Moisés.