Gálatas 1:13 - New Testament in Mixtec Diuxi-tilantongo

¹³ Xá n‑ka tekutnuꞌu‑n nanda n‑kida‑da, xa kada‑da ná io ná juaꞌan ntdaa tnuꞌu taꞌu tniu ñayiu Israel. Xá n‑ka tekutnuꞌu‑n xa yo uꞌu n‑juini‑da ñayiu ka jandixa Ianyuux. N‑juini‑da xa danaa‑da ntdaa‑i.

Gálatas 1:13 Referans Kwoze

Hechos 8:3

N‑nukuita se kuu Saulo kida uꞌu‑s ñayiu ka kukanu ini Jesús tuku. N‑xo xeꞌen‑s veꞌe xiꞌin veꞌe xa kineꞌe‑s ñayiu, nani seyɨɨ, dani ñadɨꞌɨ. Diko n‑xo ñuꞌu ñaꞌa‑s te n‑xo xe ndeka ñaꞌa‑s vekaa.

1 Corintios 15:9

Se luchi ka kuu‑da nuu ntdaa se n‑tundaꞌa‑ia. Xaxeꞌe xa n‑kida‑da kueꞌe xa uꞌu nuu ñayiu ka jandixa Cristu, ñatu yaꞌu‑da xa danani ñaꞌa‑ia se tundaꞌa‑ia.

Hechos 9:26

N‑naxee Saulo Jerusalén, te n‑juini‑s xa kɨu tnaꞌa‑s nuu ñayiu ka jandixa Jesucristu, ko ñayo ñayiu jan n‑juini xaxeꞌe xa n‑ka yuꞌu‑i nuu‑s chi ña n‑ka jandixa‑i xa kukanu ini‑s Jesucristu.

Hechos 9:21

N‑ka yuꞌu anu ntdaa ñayiu n‑ka xo nini tnuꞌu‑s. N‑ka xiaꞌan tnaꞌa‑i: —¿Ñadu se yaꞌa kuu se kida uꞌu ñayiu Jerusalén ka kakuneꞌe Jesús a? ¿Ñadu vax ndi kueka ñaꞌa‑s xa kandeka ñaꞌa‑s nuꞌu nuu dutu ka taxnuni a?

1 Timoteo 1:13

N‑xo jan kuiꞌa‑r Jesús te n‑xo kida uꞌu‑r ñayiu n‑ka kukanu ini‑ia. Ɨɨn se loko n‑xo kuu‑r chi ma kachi ini‑r, ko n‑kundaꞌu ini ñaꞌa Ianyuux chi ta kukanu ini ka‑r Cristu daa. Daxa ta jini ka‑r jundu kuu‑ia.

Filipenses 3:6

Xaxeꞌe xa n‑jandixa‑da ntdaa ná io ná juaꞌan tnuꞌu taꞌu tniu Moisés, loko n‑xini uꞌu‑da ñayiu ka jandixa Jesucristu. N‑jandixa‑da tnuꞌu n‑taꞌu tniu Moisés, te ni ɨɨn ñayiu ña kuaꞌa xa tekuechi ñaꞌa‑i.

Hechos 8:1

N‑kuu ɨnuu Saulo xiꞌin se n‑ka xaꞌni Steba. Dava se vaꞌa, n‑ka kuxi‑s‑sɨ te yo n‑ka ndaꞌi‑s xaxeꞌe‑s. Kɨu ni ijan n‑ka nukuita se ña ka kukanu ini Jesucristu ka kida uꞌu‑s ñayiu kukanu ini‑ia xndaxio Jerusalén. Xaxeꞌe xijan n‑ka xite niꞌno‑i. Juaꞌan koio‑i distrito Judea xiꞌin Samaria, diko ni se n‑tundaꞌa ñaꞌa Jesús n‑ka ndoo Jerusalén.

1 Corintios 10:32

Maxku kada koio mee‑n xa ndua ni ɨɨn ñayiu xa kada‑i kuechi. Ni ñayiu ka kuu ñayiu Israel, ni ñayiu ña ka kuu ñayiu Israel, ni ñani‑n kuꞌa‑n, ñayiu ka jandixa Cristu.

1 Timoteo 1:14

N‑chindee n‑chituu ñaꞌa Ianyuux. Yo chindee ñaꞌa‑ia. N‑kida‑ia xa n‑kukanu ini‑r Cristu Jesús, te dɨuni n‑kida‑ia xa nduu‑r se mani ini.