Efesios 4:10 - New Testament in Mixtec Diuxi-tilantongo

¹⁰ Ia n‑juun nuu kunu ñuñayiu kuu Ia juan ndaa nde yata andɨu xa na kuaꞌa kada‑ia xa ku kuu‑ro ná kuu mee‑ia xiꞌin xa na juꞌun‑ia ñayiu, ángel, ntdaa xa io andɨu xiꞌin ñuñayiu du.

Efesios 4:10 Referans Kwoze

Hebreos 7:26

Te dutu taxnuni ka kuu Jesús, kida‑ia ná io ná juaꞌan ntdaa xa ndoñuꞌu‑ro. Kida‑ia ntdaa xa juini Ianyuux. Meni xavaꞌa kida‑ia. Nuncas ña kida‑ia xa uꞌu. Ñatu kuu‑ia ná ka kuu ñayiu ka kida kuechi. Xá n‑kida Ianyuux xa taxnuni‑ia nuu ntdaa xa io nuu dujun ka dada andɨu.

Hebreos 4:14

Nujuiin Jesús nuu Ianyuux xaxeꞌe‑ro. Daꞌya Yɨɨ Ianyuux kuu‑ia, te dutu taxnuni ka kuu‑ia. Ia kunxaꞌnu ka kuu‑ia. Xá n‑ndɨu‑ia andɨu. Xá n‑jaꞌan‑ro xa jandixa‑ro‑ia. Na kundee ini‑ro xa jandixa naꞌi ka‑ro mee‑ia.

Colosenses 2:9

Ia kuu Ianyuux. Dɨuni n‑kuu Cristu ñayiu. Ntdaa xa kuaꞌa Ianyuux kada‑ia kuaꞌa Cristu kada‑ia. Ɨnuu ka tuꞌa‑ia. Ɨnuu ka kuu‑ia.

Colosenses 1:19

N‑juini Ianyuux xa ku kuu‑ia ná kuu mee‑ia. Ntdaa xa kuaꞌa Ianyuux kada‑ia kuaꞌa Cristu kada‑ia. Ɨnuu ka tuꞌa‑ia.

San Mateo 24:34

Xandaa xakuiti ma kuú ndɨꞌɨ ñayiu io vitna nde na yaꞌa ntdaa xijan.

1 Timoteo 3:16

Xandaa xakuiti ña ka xini vaꞌa‑ro nax juini Ianyuux xa kada‑ro xa na jandixa ka‑ro‑ia. Cristu kuu Ia n‑kuu ñayiu, te n‑ka xini ñaꞌa ñayiu ñuñayiu xiꞌin ángel, ia ka xinokuechi nuu Ianyuux. N‑jaꞌan Espíritu Ianyuux xa ni ɨɨn kuechi ñatu n‑kida Cristu. Xitendodo xa n‑jaꞌan‑ia xiꞌin xa n‑kida‑ia nación xiꞌin nación juaꞌan. Te ka jandixa ñayiu xa kuu‑ia Ianyuux. Te juan ndaa‑ia andɨu nuu ndukaꞌnu‑ia.

Efesios 3:19

Yo vichi xemani ñaꞌa‑ia. Xijan taꞌu‑da nuu Ianyuux xa na nduu ntdandituꞌu‑n ñayiu vaꞌa na vaꞌa‑ia.

Hechos 1:9

Tnuꞌu yaꞌa n‑jaꞌan‑ia, te nɨni xndeꞌa ñaꞌa ñayiu xyuku ijan juan ndaa‑ia andɨu. N‑daꞌu‑ia nuu vikó te ñayo ka‑i n‑ka xini‑ia.

Hebreos 8:1

Xaꞌa kuu xa jaꞌan‑da. Duꞌa kuu dutu taxnuni ka n‑taxi Ianyuux. Taxnuni‑ia andɨu, nuu nukoo‑ia ndaꞌa kuaꞌa Ianyuux, Ia taxnuni nuu ntdaa xa io.

Hechos 3:18

Duꞌa n‑kida Ianyuux xa n‑xetnaꞌa xa n‑jaꞌan‑ia nuu ntdaa se n‑jaꞌan tnuꞌu‑ia nuu ñayiu xa ndaꞌu yaꞌa Cristu.

Hechos 2:33

N‑kida Ianyuux xa juan ndaa‑ia andɨu xa kunukoo‑ia diñi kuaꞌa‑ia xa taxnuni‑ia. Dɨuni n‑kida Ianyuux xa n‑kidatniu ka Espíritu‑ia anu Jesús te n‑kida Jesús xa keé ñaꞌa Espíritu‑ia ntdaa daña na n‑jaꞌan‑ia. N‑ka xo ndeꞌa‑n te n‑ka teku‑n vitna.

Hechos 1:11

Ka xiaꞌan‑ia: —Ndoꞌo, ñayiu Galilea, ¿nakuenda xa xnii ni‑n yaꞌa, te xndeꞌa‑n andɨu? Xa juan ndaa‑ia. Ia yaꞌa, nani juan ndaa‑ia, dani ndixi‑ia ɨnka vuelta.

San Juan 19:36

Te n‑yaꞌa xaꞌa, xa n‑xetnaꞌa tnuꞌu Ianyuux n‑ka chidotnuni seyɨɨ xá n‑kuu kueꞌe kuia. N‑ka chidotnuni‑s: “Ni ɨɨn yɨkɨ‑ia ma kaꞌnu koio‑s.”

San Juan 19:28

Te na n‑yaꞌa ntdaa xaꞌa, te naꞌa Jesús xa xá n‑daxinokava‑ia tniu n‑xiaꞌan Ianyuux. Xa na jɨn tnaꞌa tnuꞌu Ianyuux n‑ka chidotnuni seyɨɨ xá n‑kuu kueꞌe kuia, n‑jaꞌan Jesús: —Yichi‑r ndute.

San Juan 19:24

N‑ka jaꞌan soldado ɨɨn‑s nuu ɨnka‑s: —Maxku ndata‑ro daꞌma dijun de. Na tava‑ro suerte, nuu ndeda‑ro na niꞌi daꞌma de. Te duꞌa n‑xetnaꞌa tnuꞌu Ianyuux n‑ka chidotnuni seyɨɨ xá n‑kuu kueꞌe kuia. Jaꞌan tnuꞌu Ianyuux: “N‑ka dakexio nuu tnaꞌa‑s daꞌma‑r, te n‑ka tava‑s suerte xaxeꞌe daꞌma‑r.” Te duꞌa n‑ka kida soldado romano, hora n‑ka xatakaa‑s Jesús.

San Juan 1:16

Te kueꞌe xa kueꞌe xa n‑taxi‑ia. Xá n‑ka tnɨɨ‑ro, ntdaa‑ro, xamani‑ia xiꞌin xamani‑ia.

San Lucas 24:44

Te xiaꞌan‑ia: —Na n‑xo tuu‑ro, n‑jaꞌan‑r nuu‑n xa: “Io xa jɨn tnaꞌa ntdantuꞌu tnuꞌu Ianyuux kakuneꞌe ñaꞌa n‑chidotnuni Moisés xiꞌin xa n‑ka chidotnuni se n‑ka kidavaꞌa Salmos.”

2 Corintios 12:2

Xini‑da ɨɨn seyɨɨ kunduu xiꞌin Cristu. Xá n‑kuu uxi koon kuia n‑tnɨɨ Ianyuux mee‑s, xa n‑xeꞌen‑s xiꞌin‑ia nde andɨu nuu tuu‑ia. Ña xini‑da nux n‑xeꞌen yɨkɨ kuñu‑s, o meni anu‑s. Ko Ianyuux naꞌa nax n‑kuu.