Efesios 3:14 - New Testament in Mixtec Diuxi-tilantongo

¹⁴ Xaxeꞌe xijan xko xijan taꞌu‑da nuu Taa‑ro Ianyuux. Xjuiin xiti‑da hora xijan taꞌu‑da.

Efesios 3:14 Referans Kwoze

Filipenses 2:10

Xaxeꞌe xa taxnuni Jesús nuu ntdaa xa io, te xá n‑kida Ianyuux xa nujuiin xiti koio ntdaa ñayiu nuu‑ia. Ntdaa xa io andɨu, ntdaa xa io ñuñayiu, ntdaa xa io andea.

Hechos 21:5

ko nu n‑yaꞌa uxa kɨu, n‑ka ndee‑da ijan. Ntdaa se ijan xiꞌin ñadɨꞌɨ‑s xiꞌin daꞌya‑s n‑ka xe dayaꞌa ñaꞌa nde yuꞌu mar. N‑ka xe juiin xiti‑da ntdaa‑da, te n‑ka xijan taꞌu koio‑da nuu Ianyuux.

Efesios 1:3

Na ndadakaꞌnu‑ro Taa‑ro Ianyuux, Ia kuu Taa Jesucristu. Dɨuni kuu‑ia Ianyuux‑ia. Xtoꞌo‑ro kuu Jesucristu. Kueꞌe xavaꞌa kida ñaꞌa Ianyuux. Kida‑ia xa xee‑ro ku kuu‑ro ñayiu vaꞌa ka, te kutuu‑ro xiꞌin‑ia andɨu. Xaxeꞌe xa kunduu‑ro xiꞌin Cristu, daa kida ñaꞌa‑ia.

Hechos 20:36

Nu n‑yaꞌa xa n‑jaꞌan Spalu ntdaa tnuꞌu yaꞌa n‑ka xe juiin xiti koio‑da xiꞌin‑s, te n‑ka xijan taꞌu‑da nuu Ianyuux.

San Lucas 22:41

N‑kee dɨɨn‑ia itaꞌu. Juaꞌan‑ia naxa nuu xee ɨɨn yuú dajɨꞌɨn‑ro. N‑xe juiin xiti‑ia, te n‑xijan taꞌu‑ia nuu Ianyuux:

Hechos 9:40

N‑taꞌu tniu‑s xa na kee‑ña ntdaa‑ña cuartu ijan. N‑xe juiin xiti‑s xa n‑xijan taꞌu‑s nuu Ianyuux. N‑nukondeꞌa‑s‑ña, te n‑jaꞌan‑s: —Didi, Di Tabita, ndokoo‑n. N‑najaan‑ña nduchi nuu‑ña, te nu n‑nukondeꞌa‑ña Spedru, n‑ndandita‑ña.

Hechos 7:60

Ijan dada n‑xe juiin xiti‑s te xee xa xee n‑kana‑s: —Taa‑ro Ianyuux, taxkanu ini‑n kuechi ka kida se yaꞌa —kuu‑s, n‑xiaꞌan‑s. Duꞌa n‑jaꞌan‑s te n‑xiꞌí‑s.

Efesios 3:15

Taa ntdaa ñayiu kuu Ianyuux xaxeꞌe xa n‑kidavaꞌa‑ia‑i. Dɨuni kuu‑ia Taa ntdaa ángel, ia io andɨu, chi n‑kidavaꞌa‑ia‑ia tuku.