Efesios 2:7 - New Testament in Mixtec Diuxi-tilantongo

⁷ Xa na jini ñayiu ta koo ka xa yo vaꞌa‑ia, duꞌa n‑kida‑ia. Vaꞌa xa vaꞌa n‑kida ñaꞌa‑ia. Xaxeꞌe xa kunduu‑ro xiꞌin Cristu Jesús, n‑kida ñaꞌa‑ia xaꞌa. Yo vichi vaꞌa‑ia.

Efesios 2:7 Referans Kwoze

Tito 3:4

Daa n‑ka xo kida‑ro, ko n‑ka teku‑ro nax n‑kida Ianyuux, Ia dananitaꞌu ñaꞌa xa nanitaꞌu‑ro xiꞌin nax io xa kada‑ro na kuaꞌa daa dananitaꞌu ñaꞌa‑ia. Dɨuni n‑ka teku‑ro xa xemani ñaꞌa‑ia.

2 Tesalonicenses 1:12

Te duꞌa kada koio mee‑n xa jini koio ntdaa ñayiu xa Ia kunxaꞌnu ka kuu Xtoꞌo‑ro Jesucristu. Te taxnuni koio mee‑n xiꞌin mee‑ia. Duꞌa koo, xaxeꞌe xamani taxi Taa‑ro Ianyuux xiꞌin Xtoꞌo‑ro Jesucristu.

Efesios 2:4

Kuenda kɨu ndɨyɨ n‑ka kuu‑ro xaxeꞌe xa ñatu n‑kuaꞌa‑ro xa kada‑ro xavaꞌa; te n‑ka xo kida‑ro kuechi. Kuenda kɨu ndɨyɨ n‑ka kuu‑ro, ko n‑nadandoto ñaꞌa‑ia na n‑nadandoto‑ia Cristu. Xaxeꞌe xa n‑kundaꞌu ini ñaꞌa Ianyuux roo xiꞌin xaxeꞌe xa mani juini ñaꞌa‑ia, daa n‑kida ñaꞌa‑ia. N‑dananitaꞌu ñaꞌa‑ia xaxeꞌe xa vaꞌa‑ia. Naka vaꞌa‑ia.

Efesios 3:5

Ñatu n‑datuu Ianyuux xijan nuu ñayiu antes, ko vitna n‑datuu Espíritu‑ia nuu se n‑tundaꞌa ñaꞌa Jesús xa dakuaꞌa koio‑s ñayiu xiꞌin nuu se ka jaꞌan nuu ñayiu xa n‑jaꞌan Espíritu Ianyuux nuu‑s. N‑kida Ianyuux xa n‑ka nduu‑s se ii.

Efesios 3:21

Na ndadakaꞌnu roo, ñayiu ka kukanu ini Cristu Jesús, Ianyuux nɨkava nɨkuita, chi ka kunduu‑ro xiꞌin‑ia. Dani na ndadakaꞌnu ñaꞌa dava ka ñayiu xndaxio vitna xiꞌin ñayiu ta koo ka. Amén.

1 Pedro 1:12

N‑dandeꞌa Espíritu Ianyuux se ijan xa ña n‑ka tnɨɨ‑s tnuꞌu Ianyuux xaxeꞌe mee‑s, n‑dandeꞌa‑ia‑s xa n‑ka tnɨɨ‑s tnuꞌu‑ia xaxeꞌe mee‑n. Xaxeꞌe mee‑ro, n‑ka jaꞌan se ijan tnuꞌu yaꞌa. Te vitna, se n‑tundaꞌa Cristu, xá n‑ka kachitnuꞌu‑s tnuꞌu vaꞌa Cristu nuu mee‑n. Duꞌa n‑kida Espíritu Ii n‑tundaꞌa Ianyuux n‑kixi nde andɨu. Te ángel, ia ka xinokuechi nuu Ianyuux, nde mee‑ia ka juini xa jini koio‑ia ntdaa xa koo.

Romanos 2:4

¿Nakuenda ña ka chinuu‑n xa taxi‑ia tiempo xa natu ini koio‑n xa n‑ka kida‑n kuechi? Vaꞌa‑ia xa daa kida‑ia. ¿Nakuenda ña ka chinuu‑n xa ndetu kuee‑ia, ni ña ka chinuu‑n xa kaꞌnu anu‑ia?

Efesios 1:7

N‑xatu nɨñɨ Cristu xa n‑chiyaꞌu‑ia kuechi‑ro, te n‑taxkanu ini Ianyuux kuechi n‑ka‑kida‑ro. Ña tuu nax jeyaꞌu‑ia xa daa n‑kida‑ia. Naka kueꞌe xavaꞌa n‑kida ñaꞌa‑ia.