Efesios 1:5 - New Testament in Mixtec Diuxi-tilantongo

⁵ Xa daa nga n‑xo ñu ini‑ia xa ndudaꞌya ñaꞌa‑ia, te n‑ndudaꞌya ñaꞌa‑ia. Daa n‑ñu ini‑ia xa kada‑ia chi daa n‑juini‑ia, te tna ini‑ia xijan. Dɨuni xa daa nga n‑xo ñu ini‑ia xa kada Jesucristu ɨɨn xa kada‑ia na kuaꞌa nduu koio‑ro daꞌya‑ia. Xijan kuu xa n‑ndudaꞌya ñaꞌa‑ia.

Efesios 1:5 Referans Kwoze

Efesios 1:11

Xaxeꞌe xa kunduu‑ro xiꞌin Cristu ku kuu‑ro taꞌu Ianyuux. Xa daa nga n‑kaxi ñaꞌa Ianyuux xa ku kuu‑ro taꞌu‑ia. Xa daa nga n‑ñu ini‑ia xa duꞌa yaꞌa. Mee‑ia kida xa yaꞌa ntdaa xa n‑xio xa yaꞌa; koo ntdaa xa ñu ini‑ia xa koo.

1 Juan 3:1

Jira, ¡naka vaꞌa xemani ñaꞌa Ianyuux mee‑ro! N‑danani ñaꞌa‑ia daꞌya‑ia, te ndaa xa vitna kuu‑ro daꞌya‑ia. Xijan kuu xa, nani ña n‑ka xini ñayiu ñuñayiu mee‑ia, dani ñatu ka xini ñaꞌa‑i mee‑ro tuku.

San Juan 1:12

Dava‑i, joon, n‑ka xeka vaꞌa‑i‑ia, n‑ka jandixa‑i‑ia. Te xaxeꞌe xa n‑ka jandixa‑i‑ia, te n‑kida‑ia xa n‑ka nduu‑i daꞌya Ianyuux.

Romanos 8:23

Ñadu ni xa n‑xani ini Ianyuux xiꞌin dava ka ñayiu ndaꞌu yaꞌa te ka jan kuechi‑i, chi dani roo xa ka kuu‑ro ñayiu kiꞌna ka n‑keé ñaꞌa Espíritu Ianyuux, ndaꞌu ka yaꞌa‑ro, te xñu ini‑ro xa xee kɨu nakueka ñaꞌa Ianyuux. Nadandoto ñaꞌa‑ia na yaꞌa xa kuú‑ro, te ma kuú ka‑ro.

Gálatas 3:26

Ntdaa‑n n‑ka nduu daꞌya Ianyuux, xaxeꞌe xa ka jandixa‑n Jesucristu.

2 Corintios 6:18

Te ku kuu mee‑r Taa‑n. Te ku kuu koio mee‑n daꞌya yɨɨ‑r xiꞌin daꞌya dɨꞌɨ‑r. Duꞌa jaꞌan Ianyuux taxnuni nuu ntdaa xa io.

Apocalipsis 21:7

Ñayiu na ndaku nuu Kuiꞌna, koꞌo‑i nte yaꞌa chi nte yaꞌa kuu taꞌu‑i. Ianyuux‑yɨ ku kuu ñaꞌa te ku kudaꞌya‑r‑yɨ.

Efesios 1:9

Vitna n‑kida‑ia xa n‑xini‑ro xa n‑xo ñu ini‑ia xa yaꞌa. Yaꞌa ɨɨn xa ñayo uun n‑xo xini, chi mee ni‑ia n‑xo naꞌa xijan. Vitna dada n‑datuu‑ia xijan nuu‑ro. Xa daa nga n‑ñu ini‑ia xa kada‑ia xaꞌa chi daa n‑juini‑ia xa yaꞌa.

San Juan 11:52

Kuú‑ia xaxeꞌe ñayiu Israel, ko dɨuni kuú‑ia xaxeꞌe ntdaa ñayiu ta jandixa koio ka Ianyuux. Juini xtuu‑i nituꞌu ñuñayiu, ko nadataka‑ia mee‑i, xa ku kuu‑i idini ñayiu.

2 Tesalonicenses 1:11

Xijan kuu xa, kɨu xiꞌin kɨu, ka xijan taꞌu‑da nuu Ianyuux xaxeꞌe‑n. Ka xijan taꞌu‑da xa jaꞌan Ianyuux xa vaꞌa n‑kida‑ia, hora n‑jaꞌan ñaꞌa‑ia mee‑n xa kunduu koio‑n xiꞌin‑ia. Taxnuni‑ia nuu ntdaa xa io. Xijan kuu xa ka xijan taꞌu‑da xa kada‑ia xa jɨn tnaꞌa ntdaa xavaꞌa ka juini‑n xa kada‑n, te ka xijan taꞌu‑da xa kada‑ia xa daxinokava koio‑n ntdaa tniu ka kida‑n xaxeꞌe xa ka jandixa‑n‑ia.

San Lucas 10:21

Nu n‑teku Jesús tnuꞌu n‑ka jaꞌan‑s, te n‑kidadɨ ini ñaꞌa Espíritu Ianyuux. Ijan dada n‑jaꞌan Jesús nuu Ianyuux: —Taa‑ro Ianyuux, Ia taxnuni andɨu xiꞌin ñuñayiu, najuen tnuꞌu ñaꞌa‑da chi ña n‑datuu‑n xaꞌa nuu ñayiu ka tuꞌa vaꞌa tutu, ñayiu io xaxtnuni xa kutnuni ini‑i, ko n‑datuu‑n ntdaa xaꞌa nuu ñayiu ña ka tuꞌa. Kuu‑i ná kuu sekuechi. Duꞌa n‑kida‑n, Taa‑ro, chi duꞌa n‑kuu anu‑n —kuu Jesús, xiaꞌan‑ia nuu Taa‑ro Ianyuux.

1 Corintios 1:21

Vaꞌa naꞌa Ianyuux xa ñatu xiniñuꞌu xa ka xani ini ñayiu, xa jini koio ñayiu Ianyuux. N‑tna ini Ianyuux xa tundaꞌa ñaꞌa‑ia mee‑da, xa juña tnuꞌu koio‑da tnuꞌu mee‑ia nuu ñayiu. Juini tnuꞌu mee‑da kaa ná kaa tnuꞌu lilu nuu mee‑i, ko xiꞌin tnuꞌu jan, dakaku Ianyuux ñayiu ka jandixa mee‑ia, xa ma kuú koio‑i xiꞌin kuechi‑i.

San Juan 20:17

Te n‑jaꞌan Jesús: —Maxku tnɨɨ ñaꞌa‑n, chi ta ndaa ka‑r nuu tuu Taa‑r. Juaꞌan nuu xtuu ñani‑r. Juña tnuꞌu‑n nuu‑s: “Nuꞌu‑r nuu tuu Taa‑r. Taa mee‑n kuu‑ia tuku. Ianyuux jandixa mee‑r kuu‑ia, te Ianyuux ka jandixa mee‑n tuku.”

San Mateo 11:26

Duꞌa n‑kida‑n, Taa‑ro, chi duꞌa n‑kuu anu‑n —kuu Jesús, xiaꞌan‑ia nuu Taa‑ro Ianyuux.

San Lucas 11:32

Kɨu na ndadandaa Ianyuux kuechi ñayiu, nandoto ñayiu Nínive xiꞌin ñayiu io vitna, te kajan koio ñayiu Nínive jan kuechi‑i chi ña n‑ka natu ini‑i xa n‑ka kida‑i, ko ñayiu Nínive n‑natu ini xa n‑ka kida‑i kuechi na n‑jaꞌan Jonás tnuꞌu Ianyuux nuu‑i. Kunaꞌa koio xa n‑kixee‑r, te ndandɨꞌɨ ka‑r dada Jonás, te ñatu ka jandixa‑n xa jaꞌan‑r.

Filipenses 2:13

Xaxeꞌe ntdaa xa juini‑ia, kidatniu Ianyuux anu‑ro, xa kani ini‑ro xa kada‑ro xavaꞌa, te chindee ñaꞌa‑ia xa duꞌa kada‑ro.

1 Corintios 1:1

Mee‑da kuu Spalu. N‑kida Ianyuux xa n‑jaꞌan ñaꞌa Jesucristu mee‑da xa ku kuu‑da ɨɨn se n‑tundaꞌa‑ia. Carta yaꞌa kidavaꞌa‑da xiꞌin ñani‑ro Sóstenes.

San Mateo 1:25

ko ñatu n‑kidakuechi‑s xiꞌin‑ña. Nde n‑yaꞌa xa n‑kaku daꞌya yɨɨ‑ña; ijan dada n‑xini tnaꞌa‑s xiꞌin‑ña. Nu n‑kaku‑ia, te n‑danani ñaꞌa José Jesús.

San Lucas 12:32

Kuenda kɨu xaku ni tkachi xyuku ka kuu‑n, ko maxku yuꞌu koio‑n chi tna ini Ianyuux xa kada‑ia xa taxnuni koio‑n.

Hechos 13:48

Nu n‑ka teku ñayiu ñatu ka kuu yatnuꞌu Israel tnuꞌu yaꞌa n‑ka kuvete‑i, te n‑ka nukuita‑i ka najuen tnuꞌu‑i Ianyuux. Ntdaa ñayiu n‑ñu ini Ianyuux xa kutuu koio‑i nɨkava nɨkuita andɨu, n‑ka kukanu ini Jesucristu.

Colosenses 1:19

N‑juini Ianyuux xa ku kuu‑ia ná kuu mee‑ia. Ntdaa xa kuaꞌa Ianyuux kada‑ia kuaꞌa Cristu kada‑ia. Ɨnuu ka tuꞌa‑ia.

Hebreos 2:4

N‑jaꞌan ndaa Ianyuux xaxeꞌe tnuꞌu jan, na n‑kida‑ia milagru, xa kaꞌnu, xa vaꞌa xaxeꞌe‑ro. Te n‑jaꞌan ndaa Ianyuux xaxeꞌe tnuꞌu jan, na n‑tax nga Espíritu Ii ntdaa xa ndoñuꞌu‑ro xa kada‑ro xa juini Ianyuux. Ɨɨn ɨɨn‑ro, n‑taxi‑ia xa juini Ianyuux xa tnɨɨ‑ro.