Apocalipsis 9:20 - New Testament in Mixtec Diuxi-tilantongo

²⁰ Ñayiu ña tuu nax n‑ka kida ñaꞌa yuꞌu‑tɨ xiꞌin duꞌan‑t, ña n‑ka natu ini‑i xa n‑ka kida‑i kuechi. Ñayo‑i n‑ka natu ini xa xjuiin xiti‑i nuu ntaka xaloko xiꞌin xa ka xko nakuetu‑i nuu‑i. Ñayo‑i n‑ka natu ini xa xjuiin xiti‑i nuu santo oro, nuu santo plata xiꞌin nuu santo bronce. Ni ña n‑ka natu ini‑i xa xjuiin xiti‑i nuu yuú xiꞌin nuu yutnu ka kuu ianyuux‑yɨ. Dɨuni ñayo‑i n‑ka dandoo xa ka xko nakuetu‑i nuu xijan. Ñatu xndito xijan chi ñatu teku‑i, ni ñatu xika‑i.

Apocalipsis 9:20 Referans Kwoze

Apocalipsis 9:21

Dɨuni ña n‑ka natu ini ñayiu jan xa ka xaꞌni‑i ndɨyɨ, ni ña n‑ka natu ini‑i xa ka chibruju‑i ñayiu, ni ña n‑ka natu ini‑i xa xndaa‑i xiꞌin ñayiu ña n‑ka tnundaꞌa xiꞌin‑i, ni ña n‑ka natu ini‑i xa ka duꞌu‑i.

1 Timoteo 4:1

Kaxi n‑jaꞌan Espíritu Ianyuux xa na kuyatni xa naa ñuñayiu ma kukanu ini ka dava ñayiu Cristu Jesús. Jandixa koio dava ñayiu jan xa jaꞌan ñayiu ñuꞌu ñaꞌa xaloko, te nkuitandijun‑i‑yɨ. Dandaꞌu‑i‑yɨ.

Hechos 19:26

Ka xini‑n te ka teku‑n xa ɨɨn se nani Spalu xikonuu yaꞌa, te jaꞌan‑s nuu ñayiu xa ianyuux ka kidavaꞌa ñayiu ñuñayiu ñatu kuu‑ia ianyuux. Duꞌa jaꞌan‑s te kueꞌe ñayiu dajaꞌan‑s, te dandaꞌu‑s‑yɨ. Ñadu ni ñuu‑ro kida‑s xaꞌa chi diko nga xa ndexio‑s ntdaa ñuu kuechi Asia.

Hechos 7:41

Te n‑kidavaꞌa Aaron xiꞌin‑i ɨɨn xa kaa ná kaa ncerru. N‑ka xaꞌni‑i kɨtɨ xa n‑ka doko‑i‑tɨ nuu xijan. N‑ka kida‑i viko xa chiñuꞌu‑i ncerru n‑ka kidavaꞌa‑i.

2 Corintios 12:21

Yuꞌu‑da, xa hora xee‑da ñuu‑n, te kada Ianyuux xa kujanuu‑da xaxeꞌe‑n ɨnka vuelta. Yuꞌu‑da, xa tnau ini‑da xaxeꞌe ñayiu xtuu meꞌñu mee‑n, ñayiu n‑ka kida kuechi te nuncas ña n‑ka natu ini‑i kuechi‑i. Xá n‑ka kida‑i xa ñatu kuu xavaꞌa, xá n‑ka kidi‑i xiꞌin ñayiu ña n‑tnundaꞌa xiꞌin‑i, xá n‑ka kida‑i ntdaa xa uꞌu n‑ka kukajan ini‑i.

Hechos 17:29

Xaxeꞌe xa ka kuu‑ro daꞌya‑ia, ka kuu‑ro ná kuu‑ia; xijan kuu xa maxku kani ini‑ro xa kuu‑ia oro a plata a yuú na ka xani ini ñayiu xa kaa‑ia. Ka kidavaꞌa‑i xijan, ko ñadu xijan kuu Ianyuux ndixa.

San Mateo 21:32

N‑jaꞌan Sua nuu‑n nax io xa jandixa‑n xa maxku kundido kutau ka‑n kuechi n‑ka kida‑n. N‑ka jandixa se ka xijan tvini nandajan gobierno xiꞌin ñadɨꞌɨ diko mee‑ña xijan, ko mee‑n ñaꞌa. Juini n‑ka teku‑n xijan, ña n‑ka natu ini‑n xa n‑ka kida‑n kuechi ni ña n‑ka jandixa‑n xa n‑jaꞌan‑s.

Apocalipsis 16:8

Ijan te n‑xodo ángel kuu koon xa ñuꞌú koꞌo neꞌe‑ia nuu ngandii, te n‑kida Ianyuux xa n‑teñuꞌu ngandii ntdaa ñayiu loko. Xaxeꞌe xa n‑kayu ñɨɨ‑i n‑ka jan kuiꞌa‑i Ianyuux, Ia tuu andɨu chi mee‑ia n‑kida xa kada uꞌu ñaꞌa ntdaa xaꞌa. Dɨuni kuiꞌa n‑ka jaꞌan‑i‑ia. Juini daa n‑yaꞌa‑i, ko ña n‑ka natu ini‑i xa ka kida‑i kuechi, ni ña n‑ka ndadakaꞌnu‑i‑ia.

Apocalipsis 9:19

Yuꞌu‑tɨ xiꞌin duꞌan‑tɨ n‑kida uꞌu ñayiu. Ná xndaa koo xndaa duꞌan‑tɨ, te dɨkɨ koo jan n‑kida uꞌu ñayiu.

Apocalipsis 15:1

N‑xini ntuku‑da ɨnka vuelta ɨɨn xa n‑xini‑da andɨu. N‑xini‑da uxa ángel, ia ka xinokuechi nuu Ianyuux. Ia yaꞌa kada uꞌu koio ñayiu uxa ka vuelta xaxeꞌe xa kiti ini Ianyuux nuu‑i, te ma kada uꞌu koio ka‑ia‑i. N‑xini ntuku‑da ɨnka xa n‑xini‑da. Ña kutnuni nax nga kuu xa n‑xini‑da jan. Nanga kaa mar kaa. Nanga kaa vidriu kaa, te daka xijan xiꞌin ñuꞌú. Yuꞌu xa ná kaa mar jan xniñi ñayiu ka dakande arpa n‑xiaꞌan Ianyuux. Ñayiu n‑ka ndaku nuu kɨt n‑kane nuu mar jan ka kuu‑i. N‑ndaku‑i xa ñatu n‑ka nakuetu‑i nuu xa kaa ná kaa mee‑t. N‑ndaku‑i xa ña n‑xe kondenee número kuu dɨu‑t teꞌu‑i.