Apocalipsis 5:12 - New Testament in Mixtec Diuxi-tilantongo

¹² Xee ka kana‑ia: Io xa taxnuni tkolelu, Ia kuu kɨtɨ n‑xiꞌí yuchi, te n‑nandoto‑ia. Io xa kɨndaꞌa‑ia ntdaa xa io, te ku kuu xaxii‑ia xijan. Na najuen tnuꞌu‑ro‑ia. Na ndadakaꞌnu‑ro‑ia. Na nakuetu‑ro nuu‑ia du, chi xini‑ia ntdandituꞌu xa yaꞌa ñuñayiu xiꞌin xa yaꞌa andɨu. Na ɨɨn xa ma kada‑ia. Ka kuu‑ia.

Apocalipsis 5:12 Referans Kwoze

Apocalipsis 5:9

Ka xita sexaꞌnu jan ɨɨn ndudu xee nuu tkolelu kuu Jesús jan. Duꞌa ka xita‑s: Mee‑n, io xa tnɨɨ‑n tutu tuniꞌno de, te ndata‑n nuu xndenee sellu de. Chi n‑xiꞌí‑n yuchi, nandɨkaa ñayiu ñuñayiu jɨꞌɨn andɨu n‑chiyaꞌu‑n kuechi‑i. N‑xatu nɨñɨ‑n xa ku kuu‑i ntdaa‑i daꞌya Ianyuux.

Apocalipsis 19:1

Nu n‑yaꞌa xa n‑teku‑da xaꞌa, n‑teku‑da xa kueꞌe ñayiu ka kuvaa andɨu. Duꞌa ka jaꞌan‑i: Na nakuetu‑ro nuu Ianyuux, chi mee‑ia n‑dakaku ñaꞌa. Io vaꞌa ni xa taxnuni‑ia nuu ntdaa ñayiu ñuñayiu. Io vaꞌa ni xa yɨndaꞌa‑ia ntdaa xa io.

Apocalipsis 4:11

Kuu‑n Xtoꞌo‑da, Taa‑ro Ianyuux. Io xa ndadakaꞌnu ñaꞌa‑da. Io xa najuen tnuꞌu ñaꞌa koio‑da. Io xa taxnuni‑n. Chi ndixi n‑xani ini ntdaa xa io andɨu xiꞌin ñuñayiu. Ntdaa xaꞌa io chi daa n‑juini‑n.

2 Corintios 8:9

Xá n‑ka xini‑n xamani Xtoꞌo‑ro Jesucristu. Ka xini‑n xa juini n‑xo tuu kuika‑ia andɨu, ko na n‑kixee‑ia ñuñayiu yaꞌa, te n‑kundaꞌu‑ia. N‑kundaꞌu‑ia xaxeꞌe mee‑n, xa kutuu kuika koio mee‑n andɨu.

Apocalipsis 7:12

Ka jaꞌan‑ia: Daa na koo. Na nakuetu‑ro nuu Taa‑ro Ianyuux. Na ndadakaꞌnu‑ro‑ia. Na najuen tnuꞌu‑ro‑ia, chi xini‑ia ntdandituꞌu xa yaꞌa ñuñayiu xiꞌin xa yaꞌa andɨu. Na ɨɨn xa ma kada‑ia. Na juñaꞌa‑ro xa n‑ka kutaꞌu‑ro nuu‑ia. Na taxnuni‑ia nuu ntdandituꞌu ñuu. Daa na ku kuu nɨkava nɨkuita. Ka kuu ángel jan.

San Juan 17:2

Xá n‑kida‑n xa taxnuni‑da nuu ntdaa ñayiu, xa kada‑da xa kutuu vaꞌa koio ntdaa ñayiu n‑taa‑n. Kada‑da xa kutuu vaꞌa koio mee‑i, xiꞌin mee‑n kuia ma jɨn ndɨꞌɨ.

San Mateo 28:18

N‑xetuꞌa ñaꞌa Jesús te n‑jaꞌan‑ia nuu‑da: —N‑kida Ianyuux xa taxnuni‑r andɨu xiꞌin ñuñayiu ná taxnuni mee‑ia.

Apocalipsis 5:6

Ijan dada n‑xini‑da ɨɨn tkolelu. Kaa‑tɨ xa yuchi n‑xiꞌí‑tɨ te n‑nandoto‑tɨ. Iin ndodo‑tɨ dava dava dɨkɨ silla kaꞌnu ka jan. N‑ka naduku nduu ñaꞌa nkoon kɨt dana xndaa jan xiꞌin oko koon sexaꞌnu ka kunxaꞌnu jan. Uxa ndɨkɨ tkolelu jan io, te io uxa nduchi nuu‑t. Uxa ndɨkɨ‑t xiꞌin uxa nduchi nuu‑t kuu uxa espíritu Ianyuux kixi nituꞌu ñuu ñuñayiu.

San Juan 1:29

Kɨu kuu uu, n‑xini Sua xa vax kuyatni Jesús, te n‑jaꞌan‑s: —Kundeꞌa koio‑n. Vaxi se kuu Tkolelu n‑taxi Ianyuux. Se dita kuechi ñayiu ñuñayiu kuu‑s.

Apocalipsis 13:8

N‑ka xe juiin xiti dava ñayiu xndaxio ñuñayiu nuu kɨtɨ n‑kane nuu mar jan, te n‑ka nakuetu‑i nuu‑t. Ñatu yodotnuni dɨu ñayiu ijan nuu libru yodotnuni dɨu ñayiu kutuu nɨkava nɨkuita. Ñayiu xyodotnuni dɨu‑i nuu libru‑ia, xyodotnuni dɨu‑i nde na n‑tuu ñuñayiu. Libru tkolelu luchi n‑xiꞌí yuchi kuu.

Apocalipsis 5:13

Ijan dada n‑teku‑da xa n‑ka jaꞌan ntdaa xa n‑kidavaꞌa Ianyuux xndaxio andɨu, ñuñayiu xiꞌin ntdaa xa xndaxio kaꞌa ñuꞌu, xa xndaxio nuu mar du. Ka xiaꞌan tnaꞌa koio xijan: Na nakuetu‑ro nuu tkolelu xiꞌin nuu Ia nukoo nuu silla kaꞌnu. Na najuen tnuꞌu‑ro‑ia. Na ndadakaꞌnu‑ro‑ia. Na nakuetu‑ro nuu‑ia. Taxnuni‑ia nuu‑ro ntdaa‑ro. Nɨkava nɨkuita duꞌa na ku kuu.

1 Timoteo 1:17

Ma kɨu ma ñuu kuú‑ia, te io xa taxnuni‑ia nɨkava nɨkuita. Ña kanda ndeꞌa‑ro‑ia. Idii ni‑ia io. Io xa najuen tnuꞌu‑ro ntdaa‑ro xiꞌin ñayiu ñuñayiu‑ia. Nɨkava nɨkuita na kada‑ro xijan. Amén.

Apocalipsis 1:6

N‑kida‑ia xa ka kuu‑ro ná kuu dutu ka xinokuechi nuu Ianyuux, Ia kuu Taa‑ia. Dɨuni n‑kida‑ia xa jandixa‑ro xa taxnuni‑ia nuu‑ro. Juan kɨu juan ñuu io xa ndadakaꞌnu‑ro‑ia, te na jaꞌan‑ro xa taxnuni‑ia. Nɨkava nɨkuita na kada‑ro xijan. Amén.

Apocalipsis 5:8

te n‑ka xe juiin xiti nkoon kɨt dana xndaa xiꞌin oko koon sexaꞌnu ka kunxaꞌnu jan nuu‑tɨ. Ntdaa‑s xneꞌe arpa xiꞌin koꞌo oro chitu duxa. Hora kayu duxa jan te juan ndaa ñuꞌa jan andɨu, najaꞌan Ianyuux xa ka xijan taꞌu ñayiu n‑kida‑ia xa nduu‑i ñayiu ii.

Apocalipsis 6:1

Ijan dada n‑xini‑da xa n‑ndata Ia kuu tkolelu jan ɨɨn xa ndedi yuꞌu tutu tuniꞌno jan te ndenee sellu. Dɨuni n‑teku‑da xa xee n‑kana ɨɨn kɨt dana kaa jan. Ná kuu xa kana dau kuu xa kana‑t. N‑jaꞌan‑t nuu‑da: —Neꞌe, kundeꞌa‑n xa.

Apocalipsis 15:3

Ka xita‑i canción n‑chidotnuni Moisés, se n‑xinokuechi nuu Ianyuux xiꞌin canción kakuneꞌe tkolelu. Duꞌa ka xita‑i: Taa‑ro Ianyuux, Ia kuu Xtoꞌo‑da, mee ni xa vaꞌa kida‑n. Kidandaa‑n ntdandituꞌu xa kida‑n. Xaxa mee‑n ntdandituꞌu xa ñatu kuaꞌa ñayiu xa kada‑i kida‑n. Taxnuni‑n nuu ntdaa nación ñuñayiu. Taxnuni‑n nuu ntdandituꞌu xa io.