Apocalipsis 4:11 - New Testament in Mixtec Diuxi-tilantongo

¹¹ Kuu‑n Xtoꞌo‑da, Taa‑ro Ianyuux. Io xa ndadakaꞌnu ñaꞌa‑da. Io xa najuen tnuꞌu ñaꞌa koio‑da. Io xa taxnuni‑n. Chi ndixi n‑xani ini ntdaa xa io andɨu xiꞌin ñuñayiu. Ntdaa xaꞌa io chi daa n‑juini‑n.

Apocalipsis 4:11 Referans Kwoze

Apocalipsis 5:12

Xee ka kana‑ia: Io xa taxnuni tkolelu, Ia kuu kɨtɨ n‑xiꞌí yuchi, te n‑nandoto‑ia. Io xa kɨndaꞌa‑ia ntdaa xa io, te ku kuu xaxii‑ia xijan. Na najuen tnuꞌu‑ro‑ia. Na ndadakaꞌnu‑ro‑ia. Na nakuetu‑ro nuu‑ia du, chi xini‑ia ntdandituꞌu xa yaꞌa ñuñayiu xiꞌin xa yaꞌa andɨu. Na ɨɨn xa ma kada‑ia. Ka kuu‑ia.

Apocalipsis 10:6

N‑chinaa‑ia Ianyuux xa ma kukuee ka xa yaꞌa xa io xa yaꞌa. N‑chinaa‑ia mee Ianyuux xa kuu‑ia Ia daa nga io, Ia nɨkava nɨkuita kutuu, Ia n‑kidavaꞌa andɨu, ñuñayiu, mar xiꞌin ntdaa xa io andɨu, ntdaa xa io ñuñayiu, ntdaa xa io mar du.

Apocalipsis 14:7

Xee xa xee n‑jaꞌan ángel. Duꞌa n‑jaꞌan‑ia: —Koo koio‑n xañuꞌu nuu Ianyuux. Ndadakaꞌnu koio‑ia chi n‑xee hora ndadandaa‑ia kuechi‑n. Mee‑ia n‑kidavaꞌa andɨu, ñuñayiu, mar. Dɨuni n‑xani ini‑ia xa kane ndute nuu ñuꞌu.

Apocalipsis 5:9

Ka xita sexaꞌnu jan ɨɨn ndudu xee nuu tkolelu kuu Jesús jan. Duꞌa ka xita‑s: Mee‑n, io xa tnɨɨ‑n tutu tuniꞌno de, te ndata‑n nuu xndenee sellu de. Chi n‑xiꞌí‑n yuchi, nandɨkaa ñayiu ñuñayiu jɨꞌɨn andɨu n‑chiyaꞌu‑n kuechi‑i. N‑xatu nɨñɨ‑n xa ku kuu‑i ntdaa‑i daꞌya Ianyuux.

Hebreos 1:10

Dɨuni n‑jaꞌan Ianyuux nuu Daꞌya Yɨɨ‑ia: Kiꞌna nuu, antecas xa kuaꞌa ntdaa xa io, n‑kidavaꞌa mee‑n ñuñayiu yaꞌa. Te xiꞌin ndaꞌa mee‑n, n‑kidavaꞌa‑n andɨu.

Romanos 11:36

Mee‑ia n‑xani ini ntdaa xa io, te xaxii mee‑ia kuu. N‑kidavaꞌa‑ia ntdaa xa io xa na kuaꞌa na najuen tnuꞌu ñaꞌa xijan. Io xa ndadakaꞌnu‑ro‑ia. Ndɨkɨu ndɨñuu ndukaꞌnu‑ia te ma jɨn ndɨꞌɨ. Amén.

Efesios 3:9

N‑xantuu Ianyuux, Ia n‑kidavaꞌa ñayiu, ángel, ntdaa xa io du xa juña tnuꞌu koio‑da ñayiu nax kuu xa n‑ñu ini‑ia xa kada‑ia na kuaꞌa nanitaꞌu‑i. Mee ni Ianyuux xa daa nga n‑xo naꞌa xijan.

Hechos 14:15

—¿Nakuenda xa daa ka kuu‑n xa kada koio‑n u? Ñayiu ka kuu‑da, ná ka kuu‑n de. N‑ka kixee‑da xa jaꞌan‑da xa dandoo koio‑n xa ka kida‑n chi ñadu xavaꞌa kuu, te io xa kukanu ini‑n Ianyuux ndixa. Na kachitnuꞌu ñaꞌa‑da jundu kuu Ianyuux ndixa, Ia n‑kidavaꞌa andɨu, ñuñayiu, mar xiꞌin ntdaa xa io nuu ndruni xaꞌa xa na jini‑n jundu kuu‑ia.

Hechos 17:24

ʼKuu‑ia Ianyuux n‑kidavaꞌa ñuñayiu xiꞌin ntdaa xa io ñuñayiu. Kuu‑ia xtoꞌo andɨu xiꞌin ñuñayiu. Ñatu io‑ia veñuꞌu ka kidavaꞌa ñayiu,

Apocalipsis 5:2

Dɨuni n‑xini‑da ɨɨn ángel. Kaa‑ia xa yo ndaku‑ia. Xee kana‑ia: —¿Ndeda ñayiu n‑kida mee ni xa vaꞌa na kuaꞌa ndata‑i sellu xndenee rollo tutu nundaꞌa Ia nukoo nuu silla kaꞌnu te ndaxniꞌno‑i? —kuu‑ia, n‑xijan tnuꞌu‑ia.

Hebreos 1:2

Ko vitna, kɨu vax ndɨꞌɨ ntdaa xa io, n‑tundaꞌa Ianyuux Daꞌya Yɨɨ‑ia n‑kixee ñuñayiu, xa jaꞌan Ianyuux nuu‑ro. Xiꞌin Daꞌya Yɨɨ‑ia n‑kidavaꞌa Ianyuux ntdaa xa io. Te n‑kida Ianyuux xa ntdaa xa io, kuu kuenda Daꞌya Yɨɨ‑ia.

Apocalipsis 1:6

N‑kida‑ia xa ka kuu‑ro ná kuu dutu ka xinokuechi nuu Ianyuux, Ia kuu Taa‑ia. Dɨuni n‑kida‑ia xa jandixa‑ro xa taxnuni‑ia nuu‑ro. Juan kɨu juan ñuu io xa ndadakaꞌnu‑ro‑ia, te na jaꞌan‑ro xa taxnuni‑ia. Nɨkava nɨkuita na kada‑ro xijan. Amén.

Apocalipsis 19:1

Nu n‑yaꞌa xa n‑teku‑da xaꞌa, n‑teku‑da xa kueꞌe ñayiu ka kuvaa andɨu. Duꞌa ka jaꞌan‑i: Na nakuetu‑ro nuu Ianyuux, chi mee‑ia n‑dakaku ñaꞌa. Io vaꞌa ni xa taxnuni‑ia nuu ntdaa ñayiu ñuñayiu. Io vaꞌa ni xa yɨndaꞌa‑ia ntdaa xa io.