Apocalipsis 22:9 - New Testament in Mixtec Diuxi-tilantongo

⁹ Te n‑jaꞌan‑ia nuu‑da: —Ñaꞌa, maxku daa kada‑n chi dɨuni ka xinokuechi‑r nuu Ianyuux ná ka xinokuechi ndoꞌo xiꞌin se ka jaꞌan nuu ñayiu xa n‑jaꞌan Ianyuux xiꞌin ntdaa ñayiu ka jandixa xa n‑xe kodotnuni nuu tutu kidavaꞌa‑n de. Ñani‑n ka kuu se ka jaꞌan tnuꞌu‑ia. Nuu Ianyuux juiin xiti, te nakuetu‑n.

Apocalipsis 22:9 Referans Kwoze

Apocalipsis 19:10

Te n‑xe juiin xiti‑da nuu‑ia xa nakuetu‑da nuu‑ia, te n‑jaꞌan‑ia: —Ñaꞌa, maxku daa kada‑n chi dɨuni xinokuechi‑r nuu Ianyuux ná ka xinokuechi ndoꞌo xiꞌin ntaka ñani‑n nuu‑ia. Ka najani ñayiu ijan xa n‑kida Jesús xiꞌin xa n‑jaꞌan‑ia nuu ñayiu. Nakuetu nuu Ianyuux. Nani n‑kida Espíritu‑ia xa n‑ka jaꞌan se n‑ka jaꞌan nuu ñayiu xa n‑jaꞌan Ianyuux, dani kida‑ia vitna xa kakuneꞌe ñayiu xa n‑jaꞌan Jesús.

Apocalipsis 14:7

Xee xa xee n‑jaꞌan ángel. Duꞌa n‑jaꞌan‑ia: —Koo koio‑n xañuꞌu nuu Ianyuux. Ndadakaꞌnu koio‑ia chi n‑xee hora ndadandaa‑ia kuechi‑n. Mee‑ia n‑kidavaꞌa andɨu, ñuñayiu, mar. Dɨuni n‑xani ini‑ia xa kane ndute nuu ñuꞌu.

1 Juan 5:20

Naꞌa‑ro xa n‑kixi Daꞌya Yɨɨ Ianyuux ñuñayiu. Naꞌa‑ro xa n‑kida‑ia xa kutnuni ini‑ro jundu kuu‑ia, n‑kida‑ia xa jini‑ro Ianyuux Ndaa. Kunduu‑ro xiꞌin Ianyuux Ndaa, chi kunduu‑ro xiꞌin Daꞌya Yɨɨ‑ia, Jesucristu. Ianyuux Ndaa kuu‑ia, te kida‑ia xa kutuu vaꞌa mee‑ro, xiꞌin mee‑ia kuia ma jɨn ndɨꞌɨ.

Apocalipsis 22:10

ʼMaxku tenee tnaꞌa‑n tutu n‑kidavaꞌa‑n de ni maxku kuedi‑n sellu chi vax kuyatni vax kuvii xa jɨn tnaꞌa ntdaa xa n‑xe kodotnuni.

Apocalipsis 15:4

Xaxeꞌe xa ii‑n xee kɨu yuꞌu ñaꞌa ntdaa ñayiu. Te mayo‑i jaꞌan xa ma ndadakaꞌnu ñaꞌa‑i. Njuiin xiti ñayiu ntdantuꞌu nación nuu‑n te nakuetu koio‑i, chi jini koio‑i xa mee ni xa ndaa kada‑n kɨu na ndadandaa‑n kuechi‑i. Ka kuu‑i, ka xita‑i.

Apocalipsis 9:20

Ñayiu ña tuu nax n‑ka kida ñaꞌa yuꞌu‑tɨ xiꞌin duꞌan‑t, ña n‑ka natu ini‑i xa n‑ka kida‑i kuechi. Ñayo‑i n‑ka natu ini xa xjuiin xiti‑i nuu ntaka xaloko xiꞌin xa ka xko nakuetu‑i nuu‑i. Ñayo‑i n‑ka natu ini xa xjuiin xiti‑i nuu santo oro, nuu santo plata xiꞌin nuu santo bronce. Ni ña n‑ka natu ini‑i xa xjuiin xiti‑i nuu yuú xiꞌin nuu yutnu ka kuu ianyuux‑yɨ. Dɨuni ñayo‑i n‑ka dandoo xa ka xko nakuetu‑i nuu xijan. Ñatu xndito xijan chi ñatu teku‑i, ni ñatu xika‑i.

Apocalipsis 22:18

Te n‑jaꞌan ka ángel ijan nuu‑da: —Juñaꞌa‑n nuu ntdantuꞌu ñayiu kunini a kaꞌu tnuꞌu yodotnuni nuu tutu n‑kidavaꞌa‑n de xa maxku chidotnuni ka‑i ɨnka tnuꞌu. Nux daa na kada‑i ndaꞌu ka yaꞌa‑i dada xa yaꞌa koio ñayiu kakuneꞌe libru dian.

San Lucas 4:7

Nux njuiin xiti‑n nuu‑r te nakuetu‑n nuu‑r, te xaxii‑n kuu ntdandituꞌu xaꞌa.

San Mateo 4:9

—Ntdaa xaꞌa taxi‑r nux njuiin xiti‑n nuu‑r te nakuetu‑n nuu‑r.

Apocalipsis 1:1

Xaꞌa kuu xa n‑datuu Ianyuux nuu Jesucristu xa datuu‑ia nuu ñayiu ka xinokuechi nuu‑ia. N‑datuu‑ia nuu nax yaꞌa, te ma kukuee xa yaꞌa xaꞌa. N‑datuu Jesucristu xaꞌa nuu ángel, ia xinokuechi nuu‑ia, te ángel jan n‑datuu xaꞌa nuu daña, Sua, se xinokuechi nuu Jesucristu.

Apocalipsis 1:11

Xaꞌa n‑jaꞌan: —Chidotnuni xa kundeꞌa‑n te tundaꞌa‑n na jɨꞌɨn nuu ñayiu ka kukanu ini ñaꞌa xndaxio uxa ñuu xndatuu Asia. Tundaꞌa‑n na jɨꞌɨn Éfeso, Esmirna, Pérgamo, Tiatira, Sardis, Filadelfia, Laodicea du.

Apocalipsis 22:7

Te n‑jaꞌan ka ángel jan nuu‑da: —N‑jaꞌan Jesús nuu‑r: “Kunaꞌa xa xá n‑kuyatni xa jɨꞌɨn ntuku‑r ñuñayiu. Taꞌu kuu koio ñayiu jandixa tnuꞌu xyodotnuni nuu tutu tuniꞌno yaꞌa” —kuu ángel jan.