Apocalipsis 22:10 - New Testament in Mixtec Diuxi-tilantongo

¹⁰ ʼMaxku tenee tnaꞌa‑n tutu n‑kidavaꞌa‑n de ni maxku kuedi‑n sellu chi vax kuyatni vax kuvii xa jɨn tnaꞌa ntdaa xa n‑xe kodotnuni.

Apocalipsis 22:10 Referans Kwoze

Apocalipsis 1:3

N‑chidotnuni‑da nax yaꞌa xiꞌin nax io xa kada ñayiu. Naka taꞌu kuu ñayiu kaꞌu tnuꞌu yaꞌa xiꞌin ñayiu kunini xa yodotnuni. Taꞌu kuu‑i nux na kada‑i na yodotnuni yaꞌa chi vax kuyatni xa yaꞌa ntdaa xa yodotnuni libru yaꞌa.

1 Pedro 4:7

Vitna xá vax ndɨꞌɨ ntdaa xa io. Kaxi kani ini koio‑n, kada koio‑n xavaꞌa, te kajan taꞌu koio‑n nuu Ianyuux.

Apocalipsis 10:4

Nu n‑teku‑da xijan, n‑juini‑da xa chidotnuni‑da xa yaꞌa, ko ña n‑kuu chi n‑teku‑da xa n‑jaꞌan andɨu. Duꞌa n‑jaꞌan: —Maxku chidotnuni‑n tnuꞌu n‑teku‑n. Anu ni mee‑n kunaꞌa —kuu xijan.

San Mateo 10:27

Xa naꞌi jaꞌan‑r xakuaa xiti ɨɨn cuartu, na xee kɨu jaꞌan koio ndoꞌo nuu kanda, te teku koio ñayiu. Xa n‑jaꞌan niꞌni‑r doꞌo‑n, xee kana koio‑n dɨkɨ veꞌe.

Romanos 13:12

Kuenda kɨu xa n‑tuu yaa te vax kuyatni xa xino ngandii xa vax kuyatni tiempo nanitaꞌu‑ro. Xijan kuu xa maxku kada ka‑ro xaloko ka kida ñayiu loko xakuaa. Mee nga xavaꞌa na ku kada‑ro ná ka kida ñayiu vaꞌa nduu. Na kada‑ro xa juini Ianyuux. Xavaꞌa ka kida ñayiu nduu kuu ná kuu armadura soldado.

Apocalipsis 22:16

ʼRuꞌu n‑tundaꞌa ángel, ia xinokuechi nuu‑r xa kachitnuꞌu ñaꞌa‑ia ndoꞌo xiꞌin ntdaa ka ñayiu ka kukanu ini ñaꞌa nax yaꞌa. Ruꞌu kuu Jesús, te kuu‑r daꞌya dana David. Kuenda kɨu tkɨun xino hora vax tuu xa ndeꞌe ndii‑t kuu‑r.

Apocalipsis 5:1

Ijan dada n‑xini‑da xa nundaꞌa Ia nukoo nuu silla kaꞌnu jan ɨɨn rollo tutu xndenee uxa sellu ñua xndedi yuꞌu‑i. Ndaꞌa kuaꞌa‑ia neꞌe tutu jan. N‑kuaꞌa nuu n‑kuaꞌa yata tutu jan.

2 Tesalonicenses 2:3

Maxku juejoon koio‑n xa dandaꞌu ñaꞌa ni ɨɨn ñayiu ni ɨɨn tnuꞌu jan. Ditna ka, kuu xa kuxee ini koio ñayiu ñuñayiu nuu Ianyuux, te dada xee kɨu ijan, kɨu na ndixi Xtoꞌo‑ro Jesucristu. Antecas xa xee kɨu ijan, te kixee Se kida kuechi, Se ma jandixa ni ɨɨn. Se andea kuu‑s, Se nuncas ma kutuu xiꞌin Ianyuux kuu‑s.

Apocalipsis 22:20

N‑jaꞌan ka Ia n‑kachitnuꞌu ñaꞌa ntdaa tnuꞌu yaꞌa nuu‑da: —Xa kuyatni xa naxee‑r. Te xiaꞌan‑da nuu‑ia: —Daa na koo. Ndixi‑n nuda.

Romanos 13:11

Maxku ku kidi‑n chi xa ka xini‑n na tiempo tuu‑ro. Xa vax kuyatni xa nanitaꞌu‑ro. Naꞌa ka n‑kuu xndetu‑ro vaxi dada xa kundetu‑ro.

Apocalipsis 1:11

Xaꞌa n‑jaꞌan: —Chidotnuni xa kundeꞌa‑n te tundaꞌa‑n na jɨꞌɨn nuu ñayiu ka kukanu ini ñaꞌa xndaxio uxa ñuu xndatuu Asia. Tundaꞌa‑n na jɨꞌɨn Éfeso, Esmirna, Pérgamo, Tiatira, Sardis, Filadelfia, Laodicea du.

Apocalipsis 22:7

Te n‑jaꞌan ka ángel jan nuu‑da: —N‑jaꞌan Jesús nuu‑r: “Kunaꞌa xa xá n‑kuyatni xa jɨꞌɨn ntuku‑r ñuñayiu. Taꞌu kuu koio ñayiu jandixa tnuꞌu xyodotnuni nuu tutu tuniꞌno yaꞌa” —kuu ángel jan.

Apocalipsis 22:9

Te n‑jaꞌan‑ia nuu‑da: —Ñaꞌa, maxku daa kada‑n chi dɨuni ka xinokuechi‑r nuu Ianyuux ná ka xinokuechi ndoꞌo xiꞌin se ka jaꞌan nuu ñayiu xa n‑jaꞌan Ianyuux xiꞌin ntdaa ñayiu ka jandixa xa n‑xe kodotnuni nuu tutu kidavaꞌa‑n de. Ñani‑n ka kuu se ka jaꞌan tnuꞌu‑ia. Nuu Ianyuux juiin xiti, te nakuetu‑n.

Apocalipsis 22:18

Te n‑jaꞌan ka ángel ijan nuu‑da: —Juñaꞌa‑n nuu ntdantuꞌu ñayiu kunini a kaꞌu tnuꞌu yodotnuni nuu tutu n‑kidavaꞌa‑n de xa maxku chidotnuni ka‑i ɨnka tnuꞌu. Nux daa na kada‑i ndaꞌu ka yaꞌa‑i dada xa yaꞌa koio ñayiu kakuneꞌe libru dian.