Apocalipsis 21:22 - New Testament in Mixtec Diuxi-tilantongo

²² Ni ɨɨn veñuꞌu ña n‑xini‑da xiti ñuu jan. Ñatuka ka ndoñuꞌu ñayiu veñuꞌu xaxeꞌe xa xtuu‑i xiꞌin Ianyuux, Ia kuu Xtoꞌo‑ro Ia taxnuni nuu ntdaa xa io. Dɨuni xtuu‑i xiꞌin tkolelu jan.

Apocalipsis 21:22 Referans Kwoze

San Juan 4:23

Xee kɨu, te xá n‑xee hora, ndadakaꞌnu ndaa koio ñayiu Taa‑ro Ianyuux. Ñayiu ndaa jandixa Ianyuux, niꞌi koio‑i tnuꞌu ndaa‑ia, te ndadakaꞌnu koio‑i‑ia xiꞌin anu‑i. Nduku Taa‑ro Ianyuux ñayiu jan, xa ndadakaꞌnu koio‑i‑ia.

Apocalipsis 1:8

N‑jaꞌan Jesus nuu‑da: —Ruꞌu kuu Ia daa nga io, te kutuu‑r nɨkava nɨkuita. Kuenda kɨu letra A xiꞌin letra Z kuu‑r. Xaꞌa jaꞌan‑r xa kuu‑r Ianyuux, Ia daa nga io, Ia xee ñuñayiu, Ia yo taxnuni du —kuu‑ia, n‑jaꞌan‑ia nuu‑da.

Apocalipsis 16:7

Te dɨuni n‑teku‑da xa n‑jaꞌan nuu io altar veñuꞌu jan. Duꞌa n‑jaꞌan: —Io vaꞌa xa daa kida‑n, Taa‑ro Ianyuux chi ndixi kuu Ia taxnuni. Vaꞌa n‑kida‑n xa n‑dayaꞌa‑n ñayiu juxtixia chi io kuechi‑i.

Apocalipsis 5:6

Ijan dada n‑xini‑da ɨɨn tkolelu. Kaa‑tɨ xa yuchi n‑xiꞌí‑tɨ te n‑nandoto‑tɨ. Iin ndodo‑tɨ dava dava dɨkɨ silla kaꞌnu ka jan. N‑ka naduku nduu ñaꞌa nkoon kɨt dana xndaa jan xiꞌin oko koon sexaꞌnu ka kunxaꞌnu jan. Uxa ndɨkɨ tkolelu jan io, te io uxa nduchi nuu‑t. Uxa ndɨkɨ‑t xiꞌin uxa nduchi nuu‑t kuu uxa espíritu Ianyuux kixi nituꞌu ñuu ñuñayiu.

Colosenses 2:9

Ia kuu Ianyuux. Dɨuni n‑kuu Cristu ñayiu. Ntdaa xa kuaꞌa Ianyuux kada‑ia kuaꞌa Cristu kada‑ia. Ɨnuu ka tuꞌa‑ia. Ɨnuu ka kuu‑ia.

San Juan 4:21

N‑jaꞌan Jesús: —Ñadɨꞌɨ, io xa jandixa‑n nax jaꞌan‑r. Xee hora, xa ni yuku yaꞌa ni ñuu Jerusalén, ma nakuetu koio ka ñayiu nuu Taa‑ro Ianyuux.

Apocalipsis 15:3

Ka xita‑i canción n‑chidotnuni Moisés, se n‑xinokuechi nuu Ianyuux xiꞌin canción kakuneꞌe tkolelu. Duꞌa ka xita‑i: Taa‑ro Ianyuux, Ia kuu Xtoꞌo‑da, mee ni xa vaꞌa kida‑n. Kidandaa‑n ntdandituꞌu xa kida‑n. Xaxa mee‑n ntdandituꞌu xa ñatu kuaꞌa ñayiu xa kada‑i kida‑n. Taxnuni‑n nuu ntdaa nación ñuñayiu. Taxnuni‑n nuu ntdandituꞌu xa io.

Apocalipsis 11:17

Duꞌa n‑ka jaꞌan‑s xa n‑ka nakuetu‑s nuu‑ia: Taa‑ro Ianyuux, Xtoꞌo‑da ntdaa‑da kuu ñaꞌa. Na kutaꞌu‑da xa taxnuni‑n nuu ntdandituꞌu xa io. Ñayo taxnuni nuu‑n. Daa nga io‑n. N‑kixeꞌe‑n xa taxnuni‑n nuu ñayiu jandixa ñaꞌa vitna.

Apocalipsis 4:8

Io iñu ndixi kɨtɨ dana xndaa jan. Io nduchi nuu‑t do yata ndixi‑t, kaꞌa ndixi‑tɨ xiꞌin diñi ndixi‑tɨ. Nde nuu ndixi‑tɨ ndenee nduchi nuu‑t. Nduu xakuaa ka jaꞌan‑tɨ: Ii Ianyuux, Ia kuu Xtoꞌo‑ro. Ii Ianyuux, Ia kuu Xtoꞌo‑ro. Ii Ianyuux, Ia kuu Xtoꞌo‑ro. Taxnuni‑ia nuu ntdandituꞌu xa io. Kuu‑ia Ia xa daa nga io te jɨꞌɨn ntuku‑ia ñuñayiu. Ka kuu‑t.

Colosenses 1:19

N‑juini Ianyuux xa ku kuu‑ia ná kuu mee‑ia. Ntdaa xa kuaꞌa Ianyuux kada‑ia kuaꞌa Cristu kada‑ia. Ɨnuu ka tuꞌa‑ia.

San Juan 10:30

Te ɨɨn nuu kuu mee‑r xiꞌin Taa‑r, idini ka kuu‑r.

Apocalipsis 19:15

Kee ɨɨn espada deen yuꞌu Ia niꞌno daꞌma n‑kendaxi nuu nɨñɨ jan, te xijan juetniu‑ia xa datnukueꞌe‑ia ñayiu ñatu ka kuu daꞌya‑ia. Ndeꞌe kundeka‑ia‑i hora na taxnuni‑ia nuu‑i. Ná kida‑ro hora ka xadi‑ro uva xa kee ndudi, daa kada Ia taxnuni nuu ntdaa xa io andɨu xiꞌin ñuñayiu ñayiu ijan xaxeꞌe xa yo kiti ini‑ia nuu‑i.

Apocalipsis 16:14

Xaloko ijan kida milagru te nadataka koio‑i se ka taxnuni nituꞌu ñuñayiu xa jantnaꞌa‑s kɨu ndadandaa Ianyuux kuechi ñayiu.

San Mateo 24:2

Te n‑jaꞌan Jesús nuu‑da ntdaa‑da: —Vaꞌa n‑kuaꞌa ntdaa xa xndeꞌa‑ro ya, ko xandaa xakuiti ma kava ndodo tnaꞌa ka ni ɨɨn yuú n‑kuaꞌa veñuꞌu yaꞌa chi ntdandituꞌu junkoio.

Apocalipsis 7:15

Xijan kuu xa xyuku‑i nuu nukoo silla kaꞌnu nuu nukoo Taa‑ro Ianyuux. Ka xinokuechi‑i nuu‑ia xiti veñuꞌu‑ia nduu xakuaa. Ñunuu‑ia‑i xa maxku ñaꞌa yaꞌa koio‑i.

Apocalipsis 7:17

Ma duꞌa ka yaꞌa koio‑i chi junuu ñaꞌa tkolelu iin ndodo silla kaꞌnu. Na ñunuu ñayiu tkachi‑i junuu‑ia‑i. Kandeka ñaꞌa‑ia jɨꞌɨn nuu kane ndute koꞌo‑i xa kundito‑i nɨkava nɨkuita. Kada Ianyuux xa ma ndaꞌi ka‑i —kuu sexaꞌnu jan nuu‑da.

Apocalipsis 14:4

Ñatu n‑ka xini se xyuku ijan ñadɨꞌɨ. Xndaxio nini‑s. Ndeka ñaꞌa tkolelu jan nuu xeꞌen‑tɨ. N‑ka kaku‑s xa ku kuu koio‑s kuenda kɨu trɨu a ndeꞌa ketuu neꞌe xa kiꞌna ka‑s nakueka ñaꞌa Taa‑ro Ianyuux xiꞌin tkolelu jan.

San Juan 13:32

Nux dandeꞌa mee‑s ñayiu xa kunxaꞌnu ka Ianyuux, dada dandeꞌa Ianyuux ñayiu xa kunxaꞌnu ka mee‑s. Te ña kueꞌe ka ndoñuꞌu xa xee xa duꞌa koo.