Apocalipsis 21:21 - New Testament in Mixtec Diuxi-tilantongo

²¹ Naa ɨɨn ɨɨn yutnu yeꞌe jan kuu ɨɨn ɨɨn perla, te mee ni oro nini kuu ichi kaꞌnu katuu xiti ñuu jan. Ná kaa vidriu kaa.

Apocalipsis 21:21 Referans Kwoze

Apocalipsis 21:18

Yuú kuu jaspe kuu nama ñuu jan, te mee ni oro nini kuu ñuu jan. Ná kaa vidriu kaa nama jan.

Apocalipsis 17:4

Daꞌma kueꞌe ndɨjɨn ndiꞌi xiꞌin daꞌma kueꞌe niꞌno ñá ijan. N‑kukutu‑ña dɨkɨ oro, dɨkɨ yuú yo yaꞌu xiꞌin dɨkɨ perla. Dɨuni tnaꞌa xijan ñuꞌu dujun ndaꞌa‑ña. Ndaꞌa kuaꞌa‑ña neꞌe ɨɨn koꞌo oro ñuꞌu xa kuiꞌa kaa. Kuenda kɨu yɨka kuechi n‑kida‑ña xiꞌin seyɨɨ kuu xa ñuꞌu koꞌo oro nundaꞌa‑ña. Yo kueꞌe kuechi n‑kida‑ña. Ɨɨn xa januu kuu xijan.

Apocalipsis 22:2

Dava ichi kaꞌnu xiti ñuu jan niꞌno deꞌva nuu xika ndute jan. Nduu lado yuꞌu deꞌva jan nukoo ɨɨn yutnu juun xavidi kaxi‑ro xa kutuu‑ro xiꞌin Ianyuux nɨkava nɨkuita. Ntnaꞌa yoo juun xavidi‑tnu. Vaꞌa vixi‑tnu jan xa mayo ka ñayiu ntakantuꞌu nación tnaꞌa kueꞌe.

Apocalipsis 18:16

Na yaꞌa xijan, juñaꞌa tnaꞌa‑s: —Ñayiu ijan n‑xo ndixi daꞌma linu vaꞌa, daꞌma tndee ndɨjɨn ndiꞌi xiꞌin daꞌma kueꞌe yo yaꞌu. N‑ka xo kukutu dujun‑i, ndaꞌa‑i, dɨkɨ‑i dɨkɨ oro, yuú vili xndaa te yaꞌu xiꞌin perla.

Apocalipsis 4:6

Dɨuni do nuu silla jan io ɨɨn xa kaa ná kaa mar. Ná kaa vidriu kaa, te kɨndɨ. Xnii koon kɨtɨ dana xndaa meꞌñu silla kaꞌnu ka xiꞌin meꞌñu sexaꞌnu xtuu jan. N‑ka naduku nduu‑tɨ silla kaꞌnu jan. Kueꞌe nduchi nuu‑t xndaxio do nuu‑t, do yata‑tɨ du.

Apocalipsis 21:15

Neꞌe ángel n‑ndatnuꞌu xiꞌin‑da ɨɨn vara oro xa chikuꞌa‑ia nama naduku nduu ñuu jan.