Apocalipsis 18:2 - New Testament in Mixtec Diuxi-tilantongo

² Xee kana‑ia. N‑jaꞌan‑ia: —Naa ñuu kaꞌnu Babilonia. Naa ñuu kaꞌnu Babilonia. Kueꞌe xaloko koo ijan. Kutuu‑i ijan chi ijan ku kuu veꞌe‑i. Kueꞌe kɨt ka ndava ka xini uꞌu ñayiu koo ñuu ijan.

Apocalipsis 18:2 Referans Kwoze

Apocalipsis 14:8

Nu n‑yaꞌa n‑jaꞌan ángel yaꞌa, te n‑jaꞌan ɨnka ángel: —N‑naa Babilonia. N‑naa Babilonia. Ñuu kaꞌnu n‑kuu. Xaxeꞌe ñayiu Babilonia n‑ka kida ñayiu ñuñayiu kuechi.

Apocalipsis 18:21

Ijan n‑ndoneꞌe ɨɨn ángel ndaku ɨɨn toto kaꞌnu longo kaa ná kaa yodo molino. N‑dajane niꞌno‑ia nuu mar te n‑jaꞌan‑ia: —Duꞌa dajane Ianyuux ñuu kaꞌnu Babilonia te ma uun ka jini ñayiu ñuñayiu ñuu ijan chi naa.

Apocalipsis 18:10

Xika kunujuiin koio‑s xa na ñaꞌa ndaꞌu yaꞌa koio‑s ná yaꞌa ñayiu ñuu ijan, te juñaꞌa tnaꞌa‑s: —Naka ndaꞌu n‑yaꞌa ñayiu Babilonia. Naka ndaꞌu n‑yaꞌa ñuu kaꞌnu jan. N‑xo taxnuni ñuu jan n‑kuu. Idii ni hora ndaꞌu n‑ka yaꞌa‑i xa n‑ka yaꞌa‑i juxtixia.

Apocalipsis 17:18

Ñá n‑xini‑n jan kuu ñuu kaꞌnu ka taxnuni nuu ntdantuꞌu ñuu ñuñayiu.

Apocalipsis 17:5

Teꞌu‑ña ndenee dɨu‑ña. Duꞌa yodotnuni: “Ñayo kutnuni ini nax kuu xa yodotnuni teꞌu‑ña. Kuenda kɨu ñayiu ñuu kaꞌnu Babilonia n‑ka daneꞌe ntaka dava ka ñadɨꞌɨ xa diko‑ña mee‑ña kuu‑ña. Ijan kuu nuu vaxi ntdantuꞌu xaloko xaduꞌa xanee xayichi kuu ñuñayiu.”

Apocalipsis 16:19

N‑ndata nuu ñuꞌu ñuu ndandɨꞌɨ ka. Uni pedazo n‑kuu. Dɨuni n‑kida uꞌu Ianyuux ñuu kaꞌnu nani Babilonia ná n‑xani ini‑ia, chi yo kiti ini‑ia nuu ñayiu ijan. Te n‑naa dava ka ñuu ñuñayiu.

Apocalipsis 16:13

N‑xini‑da xa n‑ka kee ɨɨn xaloko yuꞌu dragón jan xiꞌin yuꞌu kɨt n‑kane nuu mar jan xiꞌin yuꞌu se n‑ka jaꞌan xa n‑jaꞌan‑s tnuꞌu Ianyuux nuu ñayiu, ko ña ndaa. Na xndaa nrraka xndaa xaloko jan.

Apocalipsis 14:15

N‑xini ntuku‑da ɨnka ángel n‑kee veñuꞌu andɨu. Xee n‑kana‑ia nuu Ia nukoo nuu vikó jan. Duꞌa xiaꞌan‑ia: —Juan kaꞌnde‑n trɨu kaa ñuñayiu xiꞌin yuchi uxu‑n, te nakueka‑n chi xa n‑yichi —kuu‑ia, xiaꞌan‑ia.

Apocalipsis 10:3

Xee n‑kana‑ia. Ná kuu xa kau ngaꞌa kuu xa n‑kana‑ia. Nu n‑kana‑ia, te uxa vuelta n‑kana dau.

Apocalipsis 5:2

Dɨuni n‑xini‑da ɨɨn ángel. Kaa‑ia xa yo ndaku‑ia. Xee kana‑ia: —¿Ndeda ñayiu n‑kida mee ni xa vaꞌa na kuaꞌa ndata‑i sellu xndenee rollo tutu nundaꞌa Ia nukoo nuu silla kaꞌnu te ndaxniꞌno‑i? —kuu‑ia, n‑xijan tnuꞌu‑ia.

Apocalipsis 1:15

Ná kaa kaa bronce nakoko nuu nuꞌu kaa xeꞌe‑ia. Xee n‑jaꞌan‑ia. Ná kuu xa junkoio ndute kaꞌnu ɨɨn nuu dujun kuu.

Apocalipsis 11:8

Kavatuu yɨkɨ kuñu‑s ichi kaꞌnu ñuu kaꞌnu nuu n‑ka xatakaa dika‑s Jesús, Ia kuu xtoꞌo‑ro. Ñuu ijan ka dandee ñayiu Sodoma xiꞌin Egipto.